اعلان پائتھون بنیادی کورس ۔ انجام بخیر

[محمداحمد]

﷽​

السلام علیکم،

بصد مسرت اعلان کیا جاتا ہے کہ پائتھون بنیادی کورس (آن لائن کورس برائے محفلین) بخیر و خوبی اپنے انجام کو پہنچ گیا ہے۔

اس سلسلے میں ہم تمام محفلین اور بالخصوص انتظامیہ کے شکر گزار ہیں کہ اردو محفل کی وساطت سے باہمی روابط اور سیکھنے سکھانے کا عمل ممکن ہو سکا۔ ساتھ ساتھ ہم سعود بھائی ( ابن سعید ) کے بھی بے حد ممنون ہیں ہیں کہ جنہوں نے پائتھون کورس کے لئے علیحدہ فورم اور متعلقہ سہولیات کی دستیابی کو ممکن بنایا۔ سب سے بڑھ کر اُن دوستوں کا شکریہ جنہوں نے اس کورس میں شمولیت اختیار کی اور گاہے بہ گاہے ہمارا حوصلہ بڑھاتے رہے۔ کورس کے دوران کچھ دوست ایسے بھی رہے جو ذاتی مصروفیات کے باعث ساتھ نہیں چل سکے تاہم اُن کی شمولیت بھی ہمارے لئے باعثِ تقویت رہی۔

بوجوہ کورس کچھ تاخیر کا بھی شکار ہوا جس کے لئے ہم معذرت خواہ ہیں۔

اہلیت برائے اسناد

ایسے تمام شرکاء کورس جو چار ہفتوں کا کورس مکمل کر چکے ہیں (یا کریں گے) ۔ اُنہیں "ابتدائی سند" دی جائے گی۔ اور سات ہفتوں کا کورس مکمل کرنے والے شرکاء کو بنیادی کورس کی تکمیل کی سند دی جائے گی۔

آپ سب کی حوصلہ افزائی شامل رہی تو ان شاءاللہ مستقبل میں بھی کچھ نہ کچھ کرنے کی سعی کرتے رہیں گے۔

پائتھون بنیادی کورس کے حوالے سے محفلین کی آراء اور تجاویز کا انتظار رہے گا۔

تمام احباب کا ایک بار پھر تہہِ دل سے شکریہ۔۔۔۔!


والسلام،



محب علوی ---۔۔۔۔۔------------- محمد احمد

******​

 

[نیرنگ خیال]

میں طائرانہ نظر ڈالتا ہوں اگر میرا کوئی سبق رہ گیا ہے تو میں بتاتا ہوں۔۔۔ ورنہ میری ابتدائی سند تیار رکھی جائے۔۔۔

 

[محمداحمد]

ٹیگ نامہ

یوں تو اوپر عمومی دعوتِ کلام دی گئی ہے تاہم کچھ متعلقہ دوستوں کے لئے بطورِ یاد دھانی۔

 

[نیرنگ خیال]

ہم تو پہلے سے موجود ہیں۔۔

 

[محمداحمد]

میں طائرانہ نظر ڈالتا ہوں اگر میرا کوئی سبق رہ گیا ہے تو میں بتاتا ہوں۔۔۔ ورنہ میری ابتدائی سند تیار رکھی جائے۔۔۔

آپ کو تو ڈگری پروگرام کے لئے اینرول کیا گیا تھا۔

آپ کی سند بھی تیار ہو جائے گی بلکہ جناب کا تو نام ہی کافی ہے۔

 

[مقدس]

میری سفارش بھی کوئی کر دے پلیز!

 

[محمداحمد]

میری سفارش بھی کوئی کر دے پلیز!

آپ کو سفارش کی کیا ضرورت آن پڑی؟ آپ کو تو ایک ساتھ سات ہفتوں کی سند دی جائے گی۔

 

[مقدس]

ہی ہی ہی احمد بھیا
سفارش پہلے ہی ہو گئی شاید

 

[دوست]

اچھی کوشش تھی۔ ایسے کورسز ہوتے رہنے چاہئیں، سی ایس ایس، جاوا اسکرپٹ، ایچ ٹی ایم ایل 5، پی ایچ پی جیسے کئی میدان ابھی منتظر ہیں۔

 

[امیداورمحبت]

میری سفارش بھی کوئی کر دے پلیز!

دھیان سے مقدس جعلی سند پر آج کل سزائیں مل رہی ہیں ۔۔۔۔۔۔۔

 

[مدیحہ گیلانی]

سند یافتہ کہلوائے جانے والے تمام خواتین و حضرات کو بہت مبارکباد ۔
کورس کو مکمل کروانے والے کرتا دھرتا بھی یقیناَ مبارکباد کے مستحق ہیں ۔
جنھوں نے بڑے صبر و ثابت قدمی کے ساتھ اسے پائہ تکمیل تک پہنچایا۔
انکے لیئے ڈھیروں دعائیں ۔
اور حوصلہ بڑھانے والوں کا شکریہ ادا کرنے کا بھی بہت شکریہ ۔

 

[ابن سعید]

اچھی کوشش تھی۔ ایسے کورسز ہوتے رہنے چاہئیں، سی ایس ایس، جاوا اسکرپٹ، ایچ ٹی ایم ایل 5، پی ایچ پی جیسے کئی میدان ابھی منتظر ہیں۔

کم از کم ان تین پر ایک ساتھ ترتیب وار کام کرنے کا ارادہ ہے (ایچ ٹی ایم ایل پھر سی ایس ایس اور پھر جاوا اسکرپٹ)۔۔۔ لیکن اس کی صورت قدرے مختلف ہوگی۔ ارادہ ہے کہ ہینگ آؤٹ لائیو کی مدد سے اسباق کے بجائے انٹریوکٹیو سیشن ریکارڈ کیا جائے اور اس کو بعد میں استفادے کے لیے پیش کر دیا جائے۔ سیشن کی ریکارڈنگ کے دوران شرکاء ایسے ہونے چاہئیں جو گفتگو کو مثبت رخ میں لے جانے میں معاون ہوں اور بر وقت سوالات و تبصرے کرتے جائیں۔

 

[محب علوی]

سند یافتہ کہلوائے جانے والے تمام خواتین و حضرات کو بہت مبارکباد ۔
کورس کو مکمل کروانے والے کرتا دھرتا بھی یقیناَ مبارکباد کے مستحق ہیں ۔
جنھوں نے بڑے صبر و ثابت قدمی کے ساتھ اسے پائہ تکمیل تک پہنچایا۔
انکے لیئے ڈھیروں دعائیں ۔
اور حوصلہ بڑھانے والوں کا شکریہ ادا کرنے کا بھی بہت شکریہ ۔

مدیحہ گیلانی ، ابھی تک کوئی باقاعدہ سند یافتہ نہیں ہوا ہے اور مجھے یہ محسوس ہو رہا ہے کہ جعلی سندیں ادارے کو خود جاری کرنی پڑنی ہیں کمپنی کی مشہوری کے لیے ۔

 

[محب علوی]

کم از کم ان تین پر ایک ساتھ ترتیب وار کام کرنے کا ارادہ ہے (ایچ ٹی ایم ایل پھر سی ایس ایس اور پھر جاوا اسکرپٹ)۔۔۔ لیکن اس کی صورت قدرے مختلف ہوگی۔ ارادہ ہے کہ ہینگ آؤٹ لائیو کی مدد سے اسباق کے بجائے انٹریوکٹیو سیشن ریکارڈ کیا جائے اور اس کو بعد میں استفادے کے لیے پیش کر دیا جائے۔ سیشن کی ریکارڈنگ کے دوران شرکاء ایسے ہونے چاہئیں جو گفتگو کو مثبت رخ میں لے جانے میں معاون ہوں اور بر وقت سوالات و تبصرے کرتے جائیں۔

سعود اسباق کی اپنی اہمیت ہے اور اس طرح سے لوگ فورم پر بھی دلچسپی اور آزادی کے ساتھ سوالات اور سیکھ بھی سکیں گے۔

ہینگ آؤٹ لائیو میں سب کی شرکت اور پھر ویڈیو دیکھنے کی سہولت بھی اچھی ہے مگر اسے اضافی رکھیں تو میری نظر میں زیادہ بہتر ہوگا۔

 

[مدیحہ گیلانی]

مدیحہ گیلانی ، ابھی تک کوئی باقاعدہ سند یافتہ نہیں ہوا ہے اور مجھے یہ محسوس ہو رہا ہے کہ جعلی سندیں ادارے کو خود جاری کرنی پڑنی ہیں کمپنی کی مشہوری کے لیے ۔

پھر یہ جعلی تقریب تقسیم اسناد کب منقعد کی جائے گی ۔
کہ جس طرح آپ جعلی سندوں کا اجراء فرمایئے گا تو شرکاء بھی تو ہونے چاہیئں نا ۔

 

[عائشہ عزیز]

مجھے کیا کرنا ہے بھیا لوگ؟

 

[محب علوی]

پھر یہ جعلی تقریب تقسیم اسناد کب منقعد کی جائے گی ۔
کہ جس طرح آپ جعلی سندوں کا اجراء فرمایئے گا تو شرکاء بھی تو ہونے چاہیئں نا ۔

مشورے کا سوچ رہا ہوں پھر ڈر بھی لگ رہا ہے کہیں بعد میں میں اور محمداحمد ہی نہ نا اہل ہو جائیں یا زیادہ سخت سزا کی صورت میں کسی زمرے میں ہی قید نہ کر دیئے جائیں۔

 

[محب علوی]

مجھے کیا کرنا ہے بھیا لوگ؟

بتاتا ہوں

 

[محب علوی]

جن جن لوگوں نے چار ہفتہ مکمل کر لیے ہیں وہ اس دھاگے میں اس بارے میں لکھیں تاکہ ایک اور دھاگے میں ان کی سند کا فیصلہ کیا جا سکے۔

 

[نیرنگ خیال]

آپ کو تو ڈگری پروگرام کے لئے اینرول کیا گیا تھا۔

آپ کی سند بھی تیار ہو جائے گی بلکہ جناب کا تو نام ہی کافی ہے۔

ہمیں بہانے بہانے سے فریج بنانے والی کمپنی نہ کہا جائے۔۔۔