پاکستان اور پولیو

[زیک]

چند سال قبل پاکستان میں پولیو جاری رہنے اور دوسرے علاقوں میں پھیلنے کی وجہ سے ورلڈ ہیلتھ آرگنائزیشن نے پاکستان سفر سے متعلق کچھ سفارشات پیش کی تھیں اور حکومت نے پاکستان سے باہر سفر کے لئے پولیو ویکسین لازم قرار دی تھی۔ اسی طرح ایک ماہ سے زیادہ عرصہ کے لئے پاکستان وزٹ کرنے والوں کے کئے بھی پولیو شاٹ کا مشورہ دیا گیا تھا۔

کیا کسی کے علم میں ہے کہ یہ لوازمات ابھی بھی جاری ہیں یا اب ان میں کوئی تبدیلی آئی ہے؟

 

[انیس الرحمن]

پتا نہیں۔۔
پچھلے سال ایک صاحب کے لیے روڈ پر بیٹھے ایجنٹ سے پچاس روپے میں پولیو سرٹیفیکیٹ بنوایا تھا۔
اس کے بعد جب میرا چھوٹا بھائی سنگاپور گیا تھا تو ضرورت نہیں پڑی تھی۔

 

[محمد وارث]

یہ پابندی جاری ہے، کسی بھی ملک کا ویزہ حاصل کرتے وقت اس بات کا سرٹیفیکیٹ جاری کردہ از محکمہ صحت دینا پڑتا ہے کہ آپ نے پولیو کے قطرے پی لیے ہیں، اس کی مدت بھی ہوتی ہے لیکن جیسا کہ پاکستان میں ہوتا ہے، محکمہ صحت کا سرٹیفیکیٹ بغیر قطرے پیے گھر (آفس) بیٹھے مل جاتا ہے اور چاہے جس مرضی تاریخ کا۔ جو ایجینٹ ٹکٹ وغیرہ بناتا ہے وہ یہ سہولت بھی ساتھ ہی مہیا کر دیتا ہے۔

 

[یاز]

کاغذوں کی حد تک تو اس پابندی کا اہتمام ہوا ہو۔ لیکن عملی شکل میں اطلاق ہوتے نہیں دیکھا۔
دو سال قبل امریکہ جانے کا اتفاق ہوا۔ امریکہ کا ویزا فارم بھرنا اور ویزا لگوانا تو کارِ دشوار ہے ہی۔ لیکن یار لوگوں نے یہ بتایا کہ پولیو کا سرٹیفیکیٹ لازمی پاس رکھیؤ، ورنہ امریکہ والے ایئرپورٹ سے بھی واپس بھیج دیتے ہیں۔ سو پاسپورٹ کے ساتھ ساتھ پولیو سرٹیفیکیٹ کو بھی سینے سے لگائے گھوما کئے۔ لیکن نہ پاکستانی ایئرپورٹ پہ کسی نے یہ مانگا، نہ ہی امریکہ میں کسی نے اس بابت پوچھا۔

اور پولیو کے سرٹیفیکیٹ والی بات بھی بالکل درست کہی احباب نے۔ اس کا حصول اتنا ہی مشکل ہے، جتنا جیب سے ایک (یا چند) کاغذ نکالنا، جس پہ "رزقِ حلال عین عبادت ہے" اور گورنر سٹیٹ بینک وغیرہ لکھا ہوتا ہے۔

 

[لاریب مرزا]

ہمارا خیال ہے کہ یہ لوازمات جاری ہیں.. ہماری ایک کولیگ ابھی حال ہی میں سعودیہ جا رہی ہیں۔ انہوں نے بتایا کہ ابھی ان کو پولیو کے قطرے بھی پینے ہیں۔ ہم نے تو پہلی دفعہ سنا، اور بہت حیران ہوئے.. ہمیں تو یہی پتا تھا کہ پولیو کے قطرے تو مخصوص عمر کے بچوں کو ہی پلائے جاتے ہیں۔

 

[زیک]

کیا تمام لوگوں کو پولیو کے قطرے پلائے جا رہے ہیں؟ جنہوں نے بچپن میں پولیو کے قطرے پئے تھے کیا وہ دوبارہ پی رہے ہیں؟ بوسٹر شاٹ کا کوئی انتظام نہیں؟

 

[زیک]

پتا نہیں۔۔
پچھلے سال ایک صاحب کے لیے روڈ پر بیٹھے ایجنٹ سے پچاس روپے میں پولیو سرٹیفیکیٹ بنوایا تھا۔
اس کے بعد جب میرا چھوٹا بھائی سنگاپور گیا تھا تو ضرورت نہیں پڑی تھی۔

جعلی سرٹیفیکیٹ کی بجائے پولیو کی ویکسین لینے میں کیا امر مانع ہے؟

 

[سید عاطف علی]

لگتا ہے کہ وہائٹ ہاؤس سے جاری شدہ رسمی اعلامیے کے برخلاف سی آئی اے نے اعتراف اوروعدے کے باوجود ویکسینیشن پلانز کو اپنے مقاصد کی تکمیل کا ذریعہ بدستور بنا رکھا ہے۔
http://www.bbc.com/news/world-us-canada-27489045

 

[زیک]

لگتا ہے کہ وہائٹ ہاؤس سے جاری شدہ رسمی اعلامیے کے برخلاف سی آئی اے نے اعتراف اوروعدے کے باوجود ویکسینیشن پلانز کو اپنے مقاصد کی تکمیل کا ذریعہ بدستور بنا رکھا ہے۔
http://www.bbc.com/news/world-us-canada-27489045

یہ کہاں سے اور کیسے لگتا ہے؟

 

[arifkarim]

چند سال قبل پاکستان میں پولیو جاری رہنے اور دوسرے علاقوں میں پھیلنے کی وجہ سے ورلڈ ہیلتھ آرگنائزیشن نے پاکستان سفر سے متعلق کچھ سفارشات پیش کی تھیں اور حکومت نے پاکستان سے باہر سفر کے لئے پولیو ویکسین لازم قرار دی تھی۔ اسی طرح ایک ماہ سے زیادہ عرصہ کے لئے پاکستان وزٹ کرنے والوں کے کئے بھی پولیو شاٹ کا مشورہ دیا گیا تھا۔

کیا کسی کے علم میں ہے کہ یہ لوازمات ابھی بھی جاری ہیں یا اب ان میں کوئی تبدیلی آئی ہے؟

شاید تمام ممالک میں واجب نہیں ہے۔ پچھلے دو سال میں مہینے سے زائد پاکستان کا چکر لگا اور ویکسین کی کوئی ضرورت نہیں پڑی

 

[محمد وارث]

کیا تمام لوگوں کو پولیو کے قطرے پلائے جا رہے ہیں؟ جنہوں نے بچپن میں پولیو کے قطرے پئے تھے کیا وہ دوبارہ پی رہے ہیں؟ بوسٹر شاٹ کا کوئی انتظام نہیں؟

جی ہاں دوبارہ قطرے ہی پی رہے ہیں، شروع شروع میں جب یہ پابندی نافذ ہوئی تھی تو سختی کی وجہ سے لوگوں نے قطرے پیے تھے، شاٹ وغیرہ کا کوئی انتظام نہیں۔

 

[زیک]

جی ہاں دوبارہ قطرے ہی پی رہے ہیں، شروع شروع میں جب یہ پابندی نافذ ہوئی تھی تو سختی کی وجہ سے لوگوں نے قطرے پیے تھے، شاٹ وغیرہ کا کوئی انتظام نہیں۔

قطرے لائیو وائرس ہوتا ہے اور انجیکشن inactivated۔ امریکہ میں بچوں کو پولیو انجیکشن دیا جاتا ہے۔

 

[زیک]

دنیا بھر میں پولیو ویکسین کو حال ہی میں بدلا گیا ہے۔

http://www.npr.org/sections/thetwo-...-out-in-massive-synchronized-worldwide-switch

پہلے ویکسین میں تین قسم کے پولیو وائرس ہوتے تھے۔ چونکہ ٹائپ 2 سترہ سال سے ختم ہے اس لئے اسے ویکسین سے نکال دیا گیا ہے۔

 

[سید عاطف علی]

پورے پاکستان میں نوزائیدہ بچوں کی صحت کے مسائل میں پولیو کا کتنا حصہ ہوگا ؟کوئی اندازہ ؟

 

[زیک]

پورے پاکستان میں نوزائیدہ بچوں کی صحت کے مسائل میں پولیو کا کتنا حصہ ہوگا ؟کوئی اندازہ ؟

پولیو ویکسین کے ساتھ یا بغیر؟ یاد رہے کہ کچھ دہائیاں قبل کافی تعداد میں بچے پولیو کا شکار ہوتے تھے۔