پاکستان کا ایران سے سستے داموں بجلی درآمد کرنے کا منصوبہ

[لئیق احمد]

اسلام آباد (رپورٹ: خالد مصطفیٰ) ایران نے پاکستان کو سستے داموں تین ہزار میگاواٹ بجلی برآمد کرنے پر آمادگی ظاہر کردی ہے۔ وزارت پانی و بجلی ایک ہزار میگاواٹ بجلی کی درآمد کے لئے منظوری حاصل کرنے کی کوشش کررہی ہے پاکستان 60؍ میگاواٹ بجلی پہلے ہی ایران سے درآمد کررہا ہے۔ پاکستان 9؍ روپے فی یونٹ کے حساب سے بجلی درآمد کرسکتا ہے جو مقامی طور پر فرنس آئل اور ڈیزل سے چلنے والے تھرمل پاور پلانٹس سے پیدا ہونے والی 18؍ سے 25؍ روپے فی یونٹ بجلی کے مقابلے میں خاصی سستی ہے۔ وزارت کے اعلیٰ حکام کے مطابق حکومت نے ایران سے ایک ہزار میگاواٹ بجلی کی درآمد کے لئے کوششیں تیز کردی ہیں۔ اس کے علاوہ بھارت سے بھی 200؍ سے 500؍ میگاواٹ بجلی کی درآمد کے لئے کوششیں پہلے ہی شروع کردی گئی ہیں۔ حکام کا کہنا ہے کہ توانائی کے بحران پر قابو پانے کے لئے پڑوسی ممالک سے بجلی درآمد کی پالیسی پر تندہی سے عمل کیا جارہا ہے۔ وفاقی کابینہ سے منظوری کے بعد دو نوں ممالک کے حکام کے درمیان قیمت کے تعین کے لئے مذاکرات ہوں گے اس کے علاوہ ٹرانسمیشن لائنوں کی تنصیب کے لئے مالی امور، دیگر شرائط و پوابط بھی طے ہونگے۔ ایک سوال کے جواب میں حکام نے بتایا کہ ایران سے پاکستان کو بجلی کی درآمد پر امریکی پابندیاں لاگو نہیں ہوتیں کیونکہ 60؍ میگاواٹ بجلی پہلے ہی سے درآمد ہورہی ہے تاہم امریکی پابندیوں کی موجودگی میں ایران کے لئے بینکوں سے ترسیل زر نہیں ہوسکتی لہٰذا پاکستان درآمد شدہ بجلی کی قیمت کے عوض ایران کو گندم اور دیگر اجناس برآمد کرے گا۔
http://beta.jang.com.pk/NewsDetail.aspx?ID=171999

 

[لئیق احمد]

کیا عالمی پابندیوں کے نرم ہونے کے بعد بھی پاکستان ایران سے آزادانہ تجارت نہیں کر سکے گا؟

 

[محمود احمد غزنوی]

کبھی پاکستان اور پاکستانیوں میں بہت کرنٹ تھا۔۔۔۔پانی تھا ہر پمپ سے جاری ، تیزی تھی ہر جمپ پہ طاری۔۔۔۔ شعبے میں خواہ وہ سپورٹس ہوں، صنعت و حرفت ہو، سروس انڈسٹری ہو، علم و ادب ہو، ہر شعبے میں قابلِ فخر تھے۔۔۔لیکن اب
میں کہ پر شور سمندر تھے میرے پاؤں میں
اب جو ڈوبا ہوں تو سوکھے ہوئے دریاؤں میں

 

[شمشاد]

محمود بھائی جب ہر شعبے میں سیاست اور ذاتی مفاد کا عمل دخل ہو گا تو پھر سمندر سوکھ ہی جائیں گے۔

 

[حسینی]

اس معاملے کا حشر بھی وہی گیس معاہدے والا ہو جائے گا۔۔۔
جب تک خود حکمران ان مشکلات کا طعم نہیں چکھتے ان کو ان کا ادراک نہیں ہوگا۔۔ کہ بیچاری عوام پر کیا گزر رہی ہے؟