پاکستان – امریکہ دے درمیان سلامتی، جنگی حربہ سازی وارے مصلحت، تے نیوکلیئر اسلحے دے پھیلاؤ دی روک تھ

[لقمان پنجابی]

اسلام آباد -- ایڈیشنل سیکرٹری برائے اقوام متحدہ و اقتصادی رابطہ سفیر اعزاز احمد چوہدری تے روز گوٹےموئیلر، امریکی انڈر سیکرٹری برائے اسلحہ دی روک تھام تے بین الاقوامی سلامتی نے اکٹھیاں امریکی ورکنگ گروپ برائے سلامتی، جنگی حربہ سازی وارے استحکام، تے

نیوکلیئر اسلحے دے پھیلاؤ دی روک تھام وارے گل بات دے چھیویں دور دی صدارت کیتی۔

دوواں وفداں نے نیوکلیئرتحفظ تے نیوکلیئرتوانائی دے پر امن استعمال چ بہتری وارے چالو عالمی کوششاں سنے اک دوجے دے مفاد آلے مسئلیاں دے ودھاوے لئی تعمیری گل بات کیتی۔ حاضرین نے نیوکلیئر اسلحے دے پھیلا ؤ دی روک تے نالو نال کئی دھڑیاں دی کیمیائی تے حیاتیاتی اسلحے دے پھیلاؤ دی روک تھام لئی سانجھی کوشش نال متعلقہ مشکلات، علاقائی استحکام، تے سلامتی وارے گل بات کیتی۔

وفداں نے ایس حقیقت دا وی اقرار کیتا کے اے ورکنگ گروپ اہم مسئلیاں تے گل بات لئی چنگا تھڑا وے۔ اوناں آکھیا کے او اون آلے کل نوں ایس طرح دے ہور اجلاس کراون دی اوڈیک کررہے نے۔

اے ورکنگ گروپ سلامتی، جنگی حربہ سازی وارے مصلحت، تے نیوکلیئر اسلحے دے پھیلاؤ دی روک تھام وارے پاکستان – امریکہ دے درمیان مصلحتی گل بات دا حصہ وے جیدے چ امریکی وزیر خارجہ اپنے پاکستان دے دورے درمیان نویں سرے توں روح پائی تے وزیراعظم نواز شریف تے صدر باراک اوبامہ نے رضا مندی دی چھاپ لائی۔ ایدے بعد 12 نومبر نوں واشنگٹن ڈی۔ سي۔ چ ورکنگ گروپ برائے توانائی دا اجلاس ہویا۔ دفاعی مشاورتی گروپ جیڑا ایس اسٹریٹیجک ڈائیلاگ چ تیجا دو پاسے دا فورم وے دا اجلاس وی 21 نومبر نوں واشنگٹن چ منعقد ہویا۔