عاطف بٹ
محفلین
پاکستان اور روس کے بگڑے ہوئے تعلقات بہتری کی جانب گامزن ہیں اور دونوں ممالک کے درمیان بڑھتے ہوئے رابطے امریکی انتظامیہ کے لئے پریشانی کا سبب بن رہے ہیں۔ پاک فوج کے سربراہ جنرل اشفاق پرویز کیانی اگلے ہفتے سرکاری دورے پر روس جارہے ہیں جہاں وہ اپنے روسی ہم منصب جنرل نکولائی مکاروف اور صدر ولادیمیر پیوٹن سے ملاقاتیں کریں گے۔ جنرل کیانی یہ دورہ جنرل مکاروف کی دعوت پر کررہے ہیں اور پاکستان کے کسی بھی فوجی سربراہ کا روس میں یہ پہلا سرکاری دورہ ہوگا۔
جنرل کیانی کا یہ دورہ اس لئے بھی بہت زیادہ اہمیت کا حامل ہے کہ روسی صدر اگلے ماہ پہلی بار پاکستان کے دورے پر اسلام آباد آرہے ہیں اور صدر پیوٹن کے دورے سے قبل ایک روسی وزارتی وفد 9 ستمبر کو مذکورہ دورے کی تیاریوں کے سلسلے میں پاکستان پہنچ رہا ہے۔
پاکستان اور روس کے دو طرفہ تعلقات میں بہتری اور بڑھتے ہوئے روابط نہ صرف خطے میں قیام امن کے لئے مددگار ثابت ہوں گے بلکہ ان اقدامات سے بین الاقوامی سطح پر پاکستان کی سیاسی اور تجارتی حیثیت بھی مزید مستحکم ہوگی۔
جنرل کیانی کا یہ دورہ اس لئے بھی بہت زیادہ اہمیت کا حامل ہے کہ روسی صدر اگلے ماہ پہلی بار پاکستان کے دورے پر اسلام آباد آرہے ہیں اور صدر پیوٹن کے دورے سے قبل ایک روسی وزارتی وفد 9 ستمبر کو مذکورہ دورے کی تیاریوں کے سلسلے میں پاکستان پہنچ رہا ہے۔
پاکستان اور روس کے دو طرفہ تعلقات میں بہتری اور بڑھتے ہوئے روابط نہ صرف خطے میں قیام امن کے لئے مددگار ثابت ہوں گے بلکہ ان اقدامات سے بین الاقوامی سطح پر پاکستان کی سیاسی اور تجارتی حیثیت بھی مزید مستحکم ہوگی۔
