پتھروں کا خوف کیا جب کہہ دیا تو کہہ دیا - ڈاکٹر نسیم نکہت لکھنوی

[کاشفی]

غزل
(ڈاکٹر نسیم نکہت لکھنوی)
پتھروں کا خوف کیا جب کہہ دیا تو کہہ دیا
خود کو ہم نے آئینہ جب کہہ دیا تو کہہ دیا

ہم تمہاری ناؤ کو ساحل تلک پہنچائیں گے
ہے ہمارا فیصلہ جب کہہ دیا تو کہہ دیا

آندھیوں سے بھی چراغ اپنا بچا لے جائیں گے
ہم میں ہے وہ حوصلہ جب کہہ دیا تو کہہ دیا

روز ہم خیمے بدلنے میں یقیں رکھتے نہیں
تم کو اپنا رہنما جب کہہ دیا تو کہہ دیا

ہم کسی انسان سے کوئی طلب کرتے نہیں
ہے ہمارا اک خدا جب کہہ دیا تو کہہ دیا

کر کے بسم اللہ چل منزل تری ٹھوکر میں ہے
آرہی ہے یہ صدا جب کہہ دیا تو کہہ دیا​

 

[نیرنگ خیال]

واہ۔۔۔ جب کہہ دیا تو کہہ دیا۔۔۔ اعلی کاشفی بھائی۔

 

[نظام الدین]

آندھیوں سے بھی چراغ اپنا بچا لے جائیں گے
ہم میں ہے وہ حوصلہ جب کہہ دیا تو کہہ دیا

لاجواب

 

[کاشفی]

واہ۔۔۔ جب کہہ دیا تو کہہ دیا۔۔۔ اعلی کاشفی بھائی۔

شکریہ بھائی۔ خوش رہیئے۔۔

 

[کاشفی]

لاجواب

شکریہ جناب! خوش رہیئے۔۔

 

[کاشفی]

عمر سیف صاحب اور صائمہ شاہ صاحبہ! غزل کی پسندیدگی کے لیئے شکریہ۔