پروین فناؔ سید :::::: کم نِگاہی بھی رَوا تھی شاید :::::: Parveen Fana Syed

[طارق شاہ]

غزل
پروین فنؔاسید

کم نِگاہی بھی رَوا تھی شاید
آنکھ پابندِ حیا تھی شاید

سر سے آنچل تو نہ ڈھلکا تھا کبھی
ہاں، بہت تیز ہَوا تھی شاید

ایک بستی کے تھے راہی دونوں
رہ میں دِیوارِ اَنا تھی شاید

ہمسفر تھےتو وہ بچھڑے کیوں تھے
اپنی منزل ہی جُدا تھی شاید

میری آنکھوں میں اگر آنسو تھے!
میرے ہونٹوں پہ دُعا تھی شاید

پروین فناؔ سید
2010 - 1936​

 

[ڈاکٹرعامر شہزاد]

سر سے آنچل تو نہ ڈھلکا تھا کبھی
ہاں، بہت تیز ہَوا تھی شاید

بہت ہی خوبصورت انتخاب ۔۔ زبردست