پشاور: مدرسے میں دھماکا،11 جاں بحق، 30 سے زائد زخمی

[ساجد]

​

پشاور کے علاقے جی ٹی روڈ پر واقع مدرسے میں دھماکے سے 11 افراد جاں بحق جبکہ 30 سے ز ائد افراد کے زخمی ہونے کی اطلاعات ہیں۔ ​

پشاور: (دنیا نیوز) پشاور کے علاقے جی ٹی روڈ پر واقع مدرسہ میں دھماکے کے وقت جمعے کا خطبہ جاری تھا۔ خود کش حملہ آور عقبی دروازے سے مسجد میں داخل ہوا۔ عینی شاہدین کے مطابق خود کش حملہ آور نے پہلے فائرنگ کی اور بعد میں خود کو دھماکے سے اڑا لیا۔ دھماکے کے وقت مسجد میں 200 کے قریب افراد موجود تھے۔ امام مسجد کے مطابق حملہ آور نے فائرنگ کرکے پہلے گارڈ کو زخمی کیا. ان کا کہنا تھا کہ دھماکا جمعہ کے خطبے سے پہلے کیا گیا تھا. واقعہ کی اطلاع ملتے ہی پولیس، سیکیورٹی فورسز اور امدادی ٹیمیں جائے حادثہ پر پہنچ گئیں اور ایمبیولینسوں کے ذریعے زخمیوں کو لیڈی ریڈنگ ہسپتال منتقل کر دیا گیا جہاں انھیں طبی امداد دی جا رہی ہے۔ ہسپتال ذرائع کے مطابق زخمیوں میں سے بیشتر کی حالت تشویش ناک ہے۔ ہسپتال میں ایمرجنسی نافذ کر دی گئی ہے۔ وزیراعظم میاں محمد نواز شریف نے دھماکے کی شدید الفاظ میں مذمت کرتے ہوئے زخمیوں کو ہر ممکن طبی امداد فراہم کرنے کی ہدایات جاری کی ہیں.​

ماخذ​

 

[محمود احمد غزنوی]

گمان غالب ہے کہ بریلویوں کی مسجد ہوگی۔۔۔

 

[عسکری]

اچھا اچھا ٹھیک ہے

 

[شمشاد]

انا للہ و انا الیہ راجعون۔

کچھ بھی کہنے سے قاصر ہوں۔

 

[سید اسد محمود]

 

[سید شہزاد ناصر]

افسوسناک

 

[سید اسد محمود]

انتہائی افسوسناک واقعہ ۔۔۔ اللہ ہدایت دے ظالموں کو اور مرحومین کی مغفرت فرمائے آمین۔۔۔

 

[ساجد]

گمان غالب ہے کہ بریلویوں کی مسجد ہوگی۔۔۔

آپ گمان کرتے رہیں ، ہمارے پاس تمام تر تفصیلات موجود ہیں لیکن بھڑوں کے چھتے میں ہاتھ ڈالنے کا ابھی کوئی ارادہ نہیں میرا۔

 

[سید ذیشان]

انتہائی افسوسناک واقعہ۔ یہ مدرسہ حسینیہ علامہ عارف حسینی نے بنوایا تھاجس کو غالباً ضیاء الحق نے قتل کیا تھا۔ ضیاءالحق تو مر گیا لیکن اس کا بھوت ابھی بھی زندہ ہے۔
ایک اطلاع کے مطابق مرنے والوں میں عارف حسینی کا پوتا بھی شامل ہے۔

 

[یوسف-2]

انا للہ و انا الیہ راجعون۔

 

[حسان خان]

انا للہ وانا الیہ راجعون!

 

[Fawad -]

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ


ہم آج پشاور میں ايک مسجد کے اندر ہونے والے خودکش دھماکے کی سختی سے مذمت کرتے ہيں جس ميں انتہائ بزدلانہ طريقے سے معصوم نمازيوں کو نشانہ بنايا گيا۔ بے گناہ نمازيوں کو نشانہ بنا کر يہ دہشت گرد اپنے منصوبوں اور کاروائيوں سے يہ واضح کرتے ہيں کہ وہ انسانی زندگی کو کتنا حقير سمجھتے ہيں۔

پاکستان کے استحکام اور دفاع کے ليے انتہائ اہم ہے کہ دہشت گردی کے اس عفريت کو پاکستان سمیت دنیا بھر سےختم کيا جائے۔ حقیقت يہ ہے کہ دہشت گردی پاکستان کے لیے ايک بہت بڑا خطرہ ہے۔ يہ پاکستان کی سالمیت، سلامتی اور ترقی کی راہ ميں بڑی رکاوٹ ہے۔ دہشگرد آئے روز معصوم لوگوں کو قتل کيے جا رہے ہیں۔ چند دن پہلے مردان میں نماز جنازہ کے دوران خودکش حملہ کيا گيا جس ميں 27 مارے گئے اور درجنوں زخمی ہوئے اور آج پشاور ميں مسجد کے اندر ہونے والا دھماکہ جس ميں 14 لوگ جاں بحق ہوئے، يہ ان کی بر بريت کی واضع مثالیں ہیں۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

www.state.gov
http://www.facebook.com/USDOTUrdu

 

[غدیر زھرا]

انا للہ و انا الیہ راجعون

 

[حسینی]

گمان غالب ہے کہ بریلویوں کی مسجد ہوگی۔۔۔

جی ہاں۔۔۔ بریلویوں کی تو نہیں تھی۔۔۔۔ لیکن شیعہ مسجد نکلی!
پاکستان میں بریلوی اور شیعہ دونوں ان دہشت گردوں کے ہدف ہیں۔۔۔۔
چونکہ یہی دو مکتبہ فکر عام طور پر ان سفاک درندوں کے خلاف کھل کر بولتے بھی ہیں اور فتوے بھی دیتے ہیں۔
ہمیں مل کر ان دہشت گردوں کا مقابلہ کرنا ہوگا۔۔۔

 

[فلک شیر]

اللہم ارحم علی احوالنا ولا تنظر الی سوءاعمالنا..............
اللہم احفظ بلاد المسلمین.........ودمر اعداءاالدین............ولا تجعلنا فتنۃ للقوم الظالمین.........آمین برحمتک یا ارحم الراحمین

 

[arifkarim]

گمان غالب ہے کہ بریلویوں کی مسجد ہوگی۔۔۔

لیکن اسمیں کوئی شک نہیں کہ مسجد اینٹوں کی جب کہ مرنے والے انسان تھے۔