انور مسعود پلکاں اتے اتھروواں دے دیوے بالی رکھاں

[عبداللہ محمد]

پلکاں اتے اتھروواں دے دیوے بالی رکھاں
کجھ تے گھپ ہنیرے اندر چانن لائی رکھاں

مدتاں ہویاں مکدا نئیں ایہ لُک چھپ جانا تیرا
ہور کدوں تک بیبا ہن میں اکھیاں میٹی رکھاں

بجلی جیہڑی لشک مریندی اسدیاں کیہ تدبیراں
نِریاں کنیاں وسن تے میں ہتھ وچ چھتری رکھاں

بخت مرے دی تختی اتے لکھو تسی جو چاہو
میں کیہڑا میں کون کسے دی حرف تے انگلی رکھاں

کوئی بھرم نہ مینوں بھانویں میں مقبول نہ ہونواں
میرے کولوں ہو نئیں سکدا سب نوں راضی رکھاں

رہوے خیال ہمیشہ مینوں فکر سخن دے ویلے
خاصاں دی گل کراں میں انور طرز عوامی رکھاں

 

[یوسف سلطان]

بہت ودھیا جی
شکریہ تہاڈا سانج کرن لئی

 

[عبدالقیوم چوہدری]

وا جی وا۔ کیا ہی باتاں نیں۔
سوہنی تے ودهیا

 

[ظہیر عباس ورک]

ماشاءاللہ! بڑا سوہنا کلام اے عبداللہ بھائی ۔

 

[رومانہ چوہدری]

بہت خوب