پنسل

[نیلم]

ایک ماہر پنسل ساز نے ایک بہت خوبصورت پنسل بنائی ۔۔۔۔۔ پنسل کو پیک کرنے سے پہلے اس نے اپنی خوبصورت تخلیق کو ستائش بھری نظروں سے دیکھتے ہوئے کہا ۔۔۔۔۔!!!
میں نے اپنے کمالِ فن کی انتہا کرتے ہوئے تجھے ایک بے مثال شکل و صورت دی ہے لیکن تم اس سے بھی خوبصورت بن سکتی ہو اگر تم میری پانچ باتیں غور سے سُن لو ۔۔۔۔۔ ان باتوں پر عمل کرکے تم دنیا کی بہترین پنسل بن سکتی ہو ۔۔۔۔۔

پہلی بات ۔۔۔۔۔!!!
تم بہت عمدہ اور عظیم کارنامے سر انجام دے سکتی ہو ، بشرطیکہ تم خود کو کسی ماہر اور کامل ہاتھ کے حوالے کر دو ۔۔۔۔۔

دوسری بات ۔۔۔۔۔!!!
تمہیں بار بار تراشے جانے کے تکلیف دہ عمل سے گذرنا پڑے گا ۔۔۔۔۔ لیکن ایک بہترین اور کارآمد پنسل بننے کے لیے اس اذیت کو حوصلے سے برداشت کرنا تمہارے لیے ضروری ہو گا ۔۔۔۔۔

تیسری بات ۔۔۔۔۔!!!
تم اُن غلطیوں کو درست کرنے کی اہل ہو جو تم سے سرزد ہو سکتی ہیں ۔۔۔۔۔ درستی کرنے سے کبھی بھی ہچکچانا مت ۔۔۔۔۔

چوتھی بات ۔۔۔۔۔!!!
تمہارا سب سے اہم حصہ میں نے تمہارے اندر رکھا ہے ۔۔۔۔۔ اس کی نگہداشت کرنا ۔۔۔۔۔

پانچویں بات ۔۔۔۔۔!!!
تمہاری لکھنے کی صلاحیت تمہارے آخری سرے تک ہے ۔۔۔۔۔ حالات خواہ کچھ بھی کیوں نہ ہوں ، تمہیں آخر دم تک لکھنا جاری رکھنا ہے ، اور جس سطح پر بھی تمہیں استعمال کیا جائے تم نے اپنا نشان وہاں چھوڑنا ہے ۔۔۔۔۔

پنسل نے ان تمام باتوں کو دھیان سے سنا ۔۔۔۔۔ انہیں گرہ سے باندھ کر رکھنے کا عزم کیا ۔۔۔۔۔ اور انجانی منزلوں کی جانب عازمِ سفر ہوئی

اب اگر ہم خود کو اس پنسل کی جگہ رکھ لیں اور ان ہی پانچ باتوں کو ہمیشہ یاد رکھیں تو ہم بلا شبہ اشرف المخلوقات ، مسجودِ ملائک یعنی بہترین انسان بن سکتے ہیں کیونکہ ہمارے خالق نے بڑے فخر سے ہمیں اپنی بہتریں تخلیق قرار دیا ہے ۔۔۔۔۔

پہلی بات ۔۔۔۔۔!!!
ہم فوزو فلاح کی رفعتوں کو چُھو سکتے ہیں بشرطیکہ ہم اپنی ذات کو کُلی طور پر خالق و مالکِ کائنات اور اُس کے مبعوث کردہ ہادیءِ برحق کے ہاتھ میں دے دیں ۔۔۔۔۔

دوسری بات ۔۔۔۔۔!!!
ہمیں بار بار تراشے جانے کے اذیت ناک مراحل سے گذرنا ہوگا ، جو مختلف آزمائشوں اور مسائل کی صورت میں ہمارے سامنے آئیں گے ۔۔۔۔۔ ہمیں ان سب کو ہمت ، حوصلے اور صبر کے ساتھ برداشت کرنا ہوگا ۔۔۔۔۔

تیسری بات ۔۔۔۔۔!!!
ہم اپنی غلطیوں کی اصلاح کی صلاحیت رکھتے ہیں ۔۔۔۔۔ اور اس میں کسی قسم کی جھجھک یا ہچکچاہٹ نہیں ہونا چاہئے ۔۔۔۔۔

چوتھی بات ۔۔۔۔۔!!!
ہمارا سب سے قیمتی اثاثہ ہمارے اندر ہے ، ہمارا قلب ِ سلیم ۔۔۔۔۔ ہمیں اسے تمام کثافتوں اور آلائشوں سے بچانا ہے ۔۔۔۔۔

پانچویں بات ۔۔۔۔۔!!!
ہم زندگی کی جس بھی سٹیج پر ہوں ، ہمیں اپنے نقوشِ پا چھوڑنا ہیں ، حالات خواہ کچھ بھی ہوں ہمیں آخر دم تک سر گرمِ عمل رہنا ہے ۔۔۔۔۔

یاد رکھیئے کہ ہم میں سے ہر فرد ایک خصوصی اور منفرد شخصیت کا حامل ہے ۔۔۔۔۔
آپ کو جس خصوصی مقصد کے لیے پیدا کیا گیا ہے وہ صرف اور صرف آپ ہی پورا کر سکتے ہیں ۔۔۔۔۔
اس یقین کے ساتھ زندگی بسر کریں کہ اس وسیع کائنات کو آپ کی ضرورت ہے ، اسی لیے خالقِ کائنات نے آپ کو تخلیق فرمایا ہے ۔۔۔۔۔
۔۔۔۔۔ کیونکہ وہ تو کوئی شے بھی فضول اور بے مقصد تخلیق نہیں فرماتا ۔۔۔۔۔

 

[قرۃالعین اعوان]

واہ! لاجواب!
آزمائش کی بھٹی سے گزر کر بغیر اف کیئے صابر اور شکر گزار بن کر ان راہوں پر چلیں تو کندن بننے سے بھلا کون ہمیں روک سکتا ہے۔۔۔۔۔

 

[شیزان]

زبردست نیلم سس۔۔ عمدہ شیئرنگ

 

[یوسف-2]

ماشاء اللہ بہت خوب
جزاک اللہ

 

[نیرنگ خیال]

پنسل نے اسکی تمام باتیں غور سے سنی اور کہا۔۔۔ کہ اب تو میری پانچ باتیں غور سے سن سنکی پنسل تراش۔۔۔۔ ان باتوں کا تذکرہ ابھی ادھار سمجھا جائے کہ کام بہت زیادہ ہے۔ فراغت ملتے ہی تذکرہ کروں گا اگر بھول نہ گیا۔

بہت عمدہ بات نیلم

 

[نیلم]

واہ! لاجواب!
آزمائش کی بھٹی سے گزر کر بغیر اف کیئے صابر اور شکر گزار بن کر ان راہوں پر چلیں تو کندن بننے سے بھلا کون ہمیں روک سکتا ہے۔۔۔ ۔۔

زبردست نیلم سس۔۔ عمدہ شیئرنگ

بہت شکریہ

 

[نیلم]

ماشاء اللہ بہت خوب
جزاک اللہ

پنسل نے اسکی تمام باتیں غور سے سنی اور کہا۔۔۔ کہ اب تو میری پانچ باتیں غور سے سن سنکی پنسل تراش۔۔۔ ۔ ان باتوں کا تذکرہ ابھی ادھار سمجھا جائے کہ کام بہت زیادہ ہے۔ فراغت ملتے ہی تذکرہ کروں گا اگر بھول نہ گیا۔

بہت عمدہ بات نیلم

بہت شکریہ

 

[نیلم]

پنسل نے اسکی تمام باتیں غور سے سنی اور کہا۔۔۔ کہ اب تو میری پانچ باتیں غور سے سن سنکی پنسل تراش۔۔۔ ۔ ان باتوں کا تذکرہ ابھی ادھار سمجھا جائے کہ کام بہت زیادہ ہے۔ فراغت ملتے ہی تذکرہ کروں گا اگر بھول نہ گیا۔

)

جی ضرور ،،ہم پنسل کی بھی تو کچھ سُنے

 

[عمر سیف]

گُڈ

 

[نیلم]

گُڈ

ویری گُڈ

 

[نیرنگ خیال]

جی ضرور ،،ہم پنسل کی بھی تو کچھ سُنے

سناتے ہیں آپکو

 

[محسن وقار علی]

نیلم
کہاں سے ڈھونڈ لاتی ہیں ایسی حکایتیں؟؟
آپ پر نین بھائی کا دیا ہوا "حکایتی" کا خطاب خوب جچتا ہے

نین بھائی آپ کو ہمیں "پنسل کہانی 2013" ضرور سنانی ہے

 

[نیلم]

نیلم
کہاں سے ڈھونڈ لاتی ہیں ایسی حکایتیں؟؟
آپ پر نین بھائی کا دیا ہوا "حکایتی" کا خطاب خوب جچتا ہے

نین بھائی آپ کو ہمیں "پنسل کہانی 2013" ضرور سنانی ہے

ڈھونڈنے سے تو خدا بھی مل جاتاہے،،اور ویسے بھی فیس بک زندہ باد

 

[نیلم]

▀••▄•• الله وہیں ہے ••▄••▀

سارے مسئلے ایک ایک کر کے حل ہوتے گئے مگر نئے مسئلوں نے تمہیں اتنا الجھا دیا کہ تمہارے پاس ان بھولے بسرے مسئلوں سے نکلنے پہ اللہ کا شکر ادا کرنے کا وقت ہی نہیں رہا۔
وہ بے یقینی سے انہیں دیکھ رہی تھی۔ واقعی‘ اس کے وہ سارے مسئلے حل ہو گئے تھے... اس نے کبھی سوچا ہی نہیں...
ہر شخص کی زندگی میں ایسا لمحہ ضرور آتا ہے جب وہ تباہی کے دہانے پہ کھڑا ہوتا ہے اور اس کے راز کھلنے والے ہوتے ہیں اور اس وقت جب وہ خوف کے کوہ طور تلے کھڑا کپکپا رہا ہوتا ہے تو اللہ اسے بچا لیتا ہے۔ یہ اللہ کا احسان ہے اور اسے اپنا ایک ایک احسان یاد ہے‘ ہم بھول جاتے ہیں‘ وہ نہیں بھولتا۔ تم اپنے حل ہوئے مسئلوں کے لیے اس کا شکر ادا کیا کرو۔ جو ساری زندگی تمہارے مسئلے حل کرتا آیا ہے‘ وہ آگے بھی کر دے گا‘ تم وہی کرو جو وہ کہتا ہے‘ پھر وہ وہی کرے گا جو تم کہتی ہو ۔ پھر جن کے لئے تم روتی ہو‘ وہ تمیارے لئے روئیں گے‘ مگر تب تمہیں فرق نہیں پڑے گا۔
"میں... میرا لائف سٹائل بہت مختلف ہے‘ میں ان چیزوں سے خود کو ریلیٹ نہیں کر پاتی ۔ لمبی لمبی نمازیں‘ تسبیحات‘ یہ سب نہیں ہوتا مجھ سے۔ میں زبان پہ آئے طنز کو نہیں روک سکتی‘ میں عائشے گل کی طرح کبھی نہیں بن سکتی۔ میں ان چیزوں سے بہت دور آگئی ہوں۔"
"دور ہمیشہ ھم آتے ہیں۔ اللہ وہیں ہے جہاں پہلے تھا۔ فاصلہ ہم پیدا کرتے ہیں اور اس کو مٹانا بھی ہمیں ہوتا ہے۔"

(اقتباس: نمرہ احمد کے ناول "جنّت کے پتے" سے)

 

[عمر سیف]

جزاک اللہ

 

[نیلم]

جزاک اللہ

بہت شکریہ
جزاک اللہ

 

[مقدس]

بہت خوبصورت شئیرنگ نیلم ایز آلویز

 

[نیرنگ خیال]

لو جی ابھی تو میں پنسل سے نہیں نبٹ پایا اور نیا مراسلہ بھی دھر دیا۔

 

[نیلم]

لو جی ابھی تو میں پنسل سے نہیں نبٹ پایا اور نیا مراسلہ بھی دھر دیا۔

ابھی تو ایک اور حکایت لانے کا سوچ رہی میں

 

[نیرنگ خیال]

ابھی تو ایک اور حکایت لانے کا سوچ رہی میں

پہلے لے آؤ۔۔ پھر دیکھتے ہیں۔۔