عبدالقیوم چوہدری
محفلین
پکے پکےٹیم دی آخری اے لاری اے
سجناں دی لاری اچ ۔ ہر پاسے باری اے
بالا میرا ناں جے۔۔ کلینڈری میں کرناں
آپنے میں پنڈ توں ۔۔۔ لہور تک چلناں
جگ سارا جاندا۔۔ جےلالے دی ڈلےوری
سب نالوں وکھری ۔۔ جے بالے دی کلینڈری
لالیا ڈلےورا ۔۔ تینوں کادی کاہلی اے
پچھو تک ویریا ۔۔۔ گڈی ساری خالی اے
سکی کر پیں پیں ۔۔۔ توں ہنگ ہنگ کر کے
گڈی نوں کھلار لے توں اگے پچھے کرکے
پرے ہٹ سوہنڑیاں ۔۔۔ زنانیاں تے چاڑ لاں
پہلے پہلوان دے ۔۔ میں بکرے تے واڑ لاں
باری ول بہڑاں ایں تے۔۔ اڈے ول مڑ جا
اِناں ایں نواب ایں تے ۔۔ ڈیوو اتے ٹُر جا
لگدی او گرمی تے ۔۔ چھت تے توں چڑ جا
شو شا مارنی تے ۔۔ باری اچ کھڑ جا
منڈے کھنڈے کھڑ کے۔۔ تے بابیاں نوں بین دو
خالی کر ٹول نوں ۔۔ تے ٹاپیاں تے بین دو
بٹ جی اے بال نوں تے جھولی اچ کر لو
بکرے دی ران نوں وی ۔۔ سر اتے دھر لو
اگوں نس وڑ کے۔۔ تےپچھے پچھے ہوندے جاو
پچھوں نس وڑ کے ۔۔ تے اگے اگے ہوندے جاو
چھیتی چھیتی کرلو ۔۔ تے ٹکٹاں کرالو
بال جہڑے مفتی نیں ۔۔ جھولی اچ پا لو
لے چل لالیا ۔۔ توں باروں بار جان دے
سٹھاں اتے سوئی رکھ ۔۔ ٹاپو ٹاپ جان دے
ٹر چل بالیا سواریاں نیں پوریاں
لہور چل کھاواں گے جی ۔۔ اڈے دیاں پوریاں
