پولنگ کی تیاریاں اور سکیورٹی انتظامات

[محسن وقار علی]

پاکستان میں عام انتحابات کے لیے پولنگ میں چند گھنٹے ہی باقی ہیں، جمعرات کی رات کو سیاسی جماعتوں کی انتخابی مہم ختم ہو چکی ہے۔ الیکشن کمیشن پولنگ کی تیاریوں کو آخری شکل دینے میں مصروف ہے

بہ شکریہ بی بی سی اردو

 

[محسن وقار علی]

الیکشن عملہ انتخابات سے پہلے کی رات پولنگ سٹیشن پر ہی گزارے گا

 

[محسن وقار علی]

پاکستان میں جمعہ کو الیکشن عملہ الیکشن کمیشن کے مقرر کردہ مقامات پر پولنگ کا سامان وصول کرنے آیا

 

[محسن وقار علی]

صوبہ خیبر پختونخوا کے دارالحکومت پشاور کے ایک کھلے میدان میں پولنگ کا سامان تقسیم کیا جا رہا ہے

 

[محسن وقار علی]

جہاں ایک طرف پولنگ کے سامان کی تقسیم جاری ہے وہیں ملک بھر میں سکیورٹی بھی بڑھا دی گئی ہے

 

[محسن وقار علی]

ملک بھر میں پولیس، نیم فوجی دستوں کے علاوہ پاکستان فوج کے ہزاروں اہلکار تعینات کیے گئے ہیں اور وہ پولنگ کے سامان کی ترسیل کی نگرانی بھی کر رہے ہیں

 

[محسن وقار علی]

مختلف شہروں میں پولنگ کا سامان وصول کرنے کے لیے پریزائڈنگ افسران کو ایک ہی جگہ آنا پڑا جس کی وجہ سے بدنظمی بھی دیکھنے میں آئی

 

[محسن وقار علی]

ملتان شہر میں بی بی سی کے نامہ نگار ظہیر الدین بابر کے مطابق قومی اسمبلی کے چار حلقوں کی پولنگ کا سامان وصول کرنے کے لیے ایک ہزار سے زائد پریزائیڈنگ افسران کو ایک ہی مقام سول لائنز کالج آنا پڑا

 

[محسن وقار علی]

بیلٹ پیپر، باکس، عارضی دیواریں، میز اور سٹیشنری کی وصولی کے لیے تین کمروں کے باہر طویل قطاریں لگی رہیں۔محدود جگہ میں رش کے باعث دھکم پیل کا سلسلہ جاری رہا۔ ملتان کی گرمی میں تھک ہار کر مرد و خواتین نے درختوں کے سائے میں پناہ لی

 

[محسن وقار علی]

خواتین افسران کے لیے سامان وصول کرنے کا الگ بندوبست نہیں کیا گیا۔ رُخسانہ امان ہمت ہار کر دور جا کھڑی ہوئیں۔’آج سامان کی تقسیم اتنی بدنظمی سے ہو رہی ہے تو کل میرا نہیں خیال کہ پولنگ سٹیشن پر سکیورٹی کے بھی اچھے انتظامات ہوں گے۔‘

 

[محسن وقار علی]

تقسیم کے مقام سے عملے اور سامان کو پولنگ سٹیشن تک پہنچانے کے لیے سرکاری بسوں کا انتظام تھا جنہیں پولیس کی نگرانی میں جانا تھا۔کسی نے اپنی مدد آپ کے تحت منزل تک پہنچنے کی ٹھان لی۔تو کسی کو ذاتی سواری مل گئی لیکن یہ بکس اور بیلٹ جائیں گے کہاں؟

 

[محسن وقار علی]

پریزائیڈنگ افسر کو سترہ سو، اور دیگر عملے کو تیرہ سو روپے فی فرد جبکہ خواتین کو چار سو روپے اضافی اجرت ملے گی