پوچھا صدف تو آنکھ جھکا کر دکھا دیا (عدیم ہاشمی)

[حسن محمود جماعتی]

پوچھا صدف تو آنکھ جھکا کر دکھا دیا​

پوچھا گوہر تو اشک بہا کر دکھا دیا​

​

پوچھا کہ اتنے پھول بہاروں میں کس طرح​

اس نے عدیم خود کو ہنسا کر دکھا دیا​

​

پوچھا کہ شب کو چاند نکلتا ہے کس طرح​

رخ سے نقاب اس نے ہٹا کر دکھا دیا​

​

پوچھا کہ آفتاب کو چھاؤں کبھی ملی​

بالوں کو اس نے رخ پہ گرا کر دکھا دیا​

​

پوچھا کہاں سے آئی دھنک آسمان پر​

آنچل ہوا میں اس اڑا کر دکھا دیا​

​

پوچھا کے حوض شب میں کیا غسل نور بھی​

تب اس نے چاندنی میں نہا کر دکھا دیا​

​

پوچھا کہ مجھ کو وعدہ شکن کہہ دیا ہے کیوں​

اس نے عدیم خط میرا لا کر دکھا دیا​

​

عدیم ہاشمی​

 

[ارشد حسین شاہ]

عمدہ ہے

 

[سید اِجلاؔل حسین]

پوچھا صدف تو آنکھ جھکا کر دکھا دیا
پوچھا گوہر تو اشک بہا کر دکھا دیا​

یہاں گوہر تو نہیں آ سکتا؟

 

[حسن محمود جماعتی]

یہاں گوہر تو نہیں آ سکتا؟

محترم شاہ جی میں جس کتاب سے پڑھا اور نیٹ سے جہا‎ں سے لی تھی وہاں یہی درج تھا۔ آپ تصحیح فرما دیں۔

 

[محمد تابش صدیقی]

محترم شاہ جی میں جس کتاب سے پڑھا اور نیٹ سے جہا‎ں سے لی تھی وہاں یہی درج تھا۔ آپ تصحیح فرما دیں۔

شاید یہاں گہر آئے گا

 

[حسن محمود جماعتی]

شاید یہاں گہر آئے گا

جی تابش بھائی۔ لیکن اس میں تدوین کا آپشن نہیں دے رہا۔