فائضہ خان
محفلین
تم نے کہا تھا کہ جلد یا بدیر محبت اپنا انتقام خود بن جائے گی ۔۔۔۔۔ تم نہ جانے کس مٹی کے بنی ہو ۔۔۔۔ تمہیں میری ہر ادا اچھی لگتی ہے۔۔۔۔ ہر غم اپنا غم لگتا ہے ۔۔۔۔ تمہیں یوں دیکھ کر مجھے لگتا ہے جیسے چاند بڑا بےبس ہے کہ سحر کی امید اسکا اجالا نگل جائے گی۔۔۔۔۔ مگر یہ وہ خدشہ ہے جس نے چاند پر ہلکی سی سیاہی چھوڑ دی ۔۔۔
اور میں تمہیں دیکھ دیکھ اب تحلیل کے عمل سے گزر رہی ہوں کہ اب میں تمہارے عیوب دیکھنے کی حس سے محروم ہوچکی ہوں یہ
دیوانگی عقل و شعور کے خاتمے کا زریعہ بن چکی یے ۔۔۔۔
اندیشہ ہائے سود و زیاں سے نکل کر اب جلوہء جاناں میں گم ہورہی ہوں ۔۔۔۔اب تنہائی بھی میلے کا تخیل باندھے ۔۔۔۔ ایسی ناچتی ہے جیسے گھنگرو اب ٹوٹے تو اب ٹوٹے ۔۔۔
مگر یہ آنسوؤں کے گھنگرو نہیں ٹوٹتے ۔۔۔ نہیں ٹوٹتے۔۔۔ پر سانس کے آنے جانے کے وہ چند پل جو زندہ ہونے پر مہر ہیں ۔۔۔۔ رگیں کھینچ لیتے ہیں ۔۔۔ ہر کسی نے اس حیاتی کو اپنی تحقیق پر مختلف نام دے ڈالے ۔۔۔ پو۔۔۔ ہن۔۔۔۔ اورا۔۔۔ سبٹیل باڈیز۔۔۔۔ جسم لطیف۔۔۔ جوہر۔۔۔۔ روشنی ۔۔۔ نور۔۔۔نقطہ۔۔۔ لاشعور۔۔۔۔ تحت لاشعور۔۔۔ متحرک یادداشت۔۔۔۔ ایتھری جسم۔۔۔ اسٹرول پروجیکشن۔۔۔ ماورائی مخلوق۔۔۔ اعلیٰ و ارفع شخصیت۔۔۔۔
ارسطو کہتا ہے ۔۔۔ یہ ایک ایسی اکائی ہے جو فی ذاتہ مکمل ہے ۔۔۔
مصر کے قدیم باشندوں نے بع اور کع کا نام دیا ۔۔۔
بدھ مت۔۔۔۔ سکھ۔۔۔ ہندو نے اسکو رب کا حصہ کہا ۔۔۔۔۔
یونانیوں نے اسکو ذہن کہا۔۔۔۔۔۔
سب تحقیقات کا حاصل ۔۔۔ پیاز کی ایک پرت ۔۔۔۔۔۔ ریت کی چھ چٹکیوں ۔۔۔۔۔ اکیس گرام وزن۔۔۔۔ کی وہ "روح" ہے جو تمہارے لمحے بھر کیلئے کہے گئے ایک جملے ۔۔۔۔ " تم مجھے چھوڑ جاو" ۔۔۔ کا دکھ نہ اٹھا سکی ۔۔۔
میں ختم ہورہی ہوں کہ میری سماعت اب سسکیاں سننے سے قاصر ہیں ۔۔۔
میں موت کی اس آخری ہچکی سے گزر رہی ہوں جس میں اب مزاحمت بیکار اور طلب گناہ ۔۔۔۔
یہ موت ہر بار تم دیتے رہو گے اور ہر بار میں اس ہچکی کے درد سے گزرتی رہوں گی ۔۔۔۔
مگر میری "میں" کے خاتم میرے دیوتا میرے "رانجھن " ۔۔۔۔ میں یونہی تمہارے قدموں کی خاک سے اپنی مانگ سجاتی رہوں گی کہ نمازِ عشق میں قضا کی اذیت ۔۔۔۔ مکمل موت سے زیادہ اذیت ناک ہوگی۔۔۔
راکھ میں خواب کى بنیاد رکھى تم نے مگر
دل میں تعبير کا ہر پھول کھلایا میں نے
از قلم فائضہ خان
اور میں تمہیں دیکھ دیکھ اب تحلیل کے عمل سے گزر رہی ہوں کہ اب میں تمہارے عیوب دیکھنے کی حس سے محروم ہوچکی ہوں یہ
دیوانگی عقل و شعور کے خاتمے کا زریعہ بن چکی یے ۔۔۔۔
اندیشہ ہائے سود و زیاں سے نکل کر اب جلوہء جاناں میں گم ہورہی ہوں ۔۔۔۔اب تنہائی بھی میلے کا تخیل باندھے ۔۔۔۔ ایسی ناچتی ہے جیسے گھنگرو اب ٹوٹے تو اب ٹوٹے ۔۔۔
مگر یہ آنسوؤں کے گھنگرو نہیں ٹوٹتے ۔۔۔ نہیں ٹوٹتے۔۔۔ پر سانس کے آنے جانے کے وہ چند پل جو زندہ ہونے پر مہر ہیں ۔۔۔۔ رگیں کھینچ لیتے ہیں ۔۔۔ ہر کسی نے اس حیاتی کو اپنی تحقیق پر مختلف نام دے ڈالے ۔۔۔ پو۔۔۔ ہن۔۔۔۔ اورا۔۔۔ سبٹیل باڈیز۔۔۔۔ جسم لطیف۔۔۔ جوہر۔۔۔۔ روشنی ۔۔۔ نور۔۔۔نقطہ۔۔۔ لاشعور۔۔۔۔ تحت لاشعور۔۔۔ متحرک یادداشت۔۔۔۔ ایتھری جسم۔۔۔ اسٹرول پروجیکشن۔۔۔ ماورائی مخلوق۔۔۔ اعلیٰ و ارفع شخصیت۔۔۔۔
ارسطو کہتا ہے ۔۔۔ یہ ایک ایسی اکائی ہے جو فی ذاتہ مکمل ہے ۔۔۔
مصر کے قدیم باشندوں نے بع اور کع کا نام دیا ۔۔۔
بدھ مت۔۔۔۔ سکھ۔۔۔ ہندو نے اسکو رب کا حصہ کہا ۔۔۔۔۔
یونانیوں نے اسکو ذہن کہا۔۔۔۔۔۔
سب تحقیقات کا حاصل ۔۔۔ پیاز کی ایک پرت ۔۔۔۔۔۔ ریت کی چھ چٹکیوں ۔۔۔۔۔ اکیس گرام وزن۔۔۔۔ کی وہ "روح" ہے جو تمہارے لمحے بھر کیلئے کہے گئے ایک جملے ۔۔۔۔ " تم مجھے چھوڑ جاو" ۔۔۔ کا دکھ نہ اٹھا سکی ۔۔۔
میں ختم ہورہی ہوں کہ میری سماعت اب سسکیاں سننے سے قاصر ہیں ۔۔۔
میں موت کی اس آخری ہچکی سے گزر رہی ہوں جس میں اب مزاحمت بیکار اور طلب گناہ ۔۔۔۔
یہ موت ہر بار تم دیتے رہو گے اور ہر بار میں اس ہچکی کے درد سے گزرتی رہوں گی ۔۔۔۔
مگر میری "میں" کے خاتم میرے دیوتا میرے "رانجھن " ۔۔۔۔ میں یونہی تمہارے قدموں کی خاک سے اپنی مانگ سجاتی رہوں گی کہ نمازِ عشق میں قضا کی اذیت ۔۔۔۔ مکمل موت سے زیادہ اذیت ناک ہوگی۔۔۔
راکھ میں خواب کى بنیاد رکھى تم نے مگر
دل میں تعبير کا ہر پھول کھلایا میں نے
از قلم فائضہ خان
