پیامِ مشرِق سے ایک غزل کا ترجمہ

[محمد خلیل الرحمٰن]

پیامِ مشرِق سے ایک غزل
(علامہ اقبال)
ترجمہ : محمد خلیل الرحمٰن


فریبِ کشمکشِ عقل دیدنی ٹھہرا
ہے میرِ قافلہ ، پر شوق رہزنی ٹھہرا


حیات و زیست کا کیا پوچھتے ہو دنیا میں
پگھلتی زیست ہے اور موت جانکنی ٹھہرا


سرِ مزار ذرا رُک کے سُن ہماری بات
سکوت کرتے ہیں پر حرف گفتنی ٹھہرا


عرب کے دشت میں پھر خیمہ زن ہو اب، کہ عجم
شرابِ تلخ تو جامِ شکستنی ٹھہرا


’’نہ شیخِ شہر، نہ شاعر، نہ خرقہ پوش اقبال‘‘
فقیر راہ نشیں، جِس کا دل غنی ٹھہرا
​

 

[محمد خلیل الرحمٰن]

پیامِ مشرِق سے ایک غزل
(علامہ اقبال)
فریبِ کشمکشِ عقل دیدنی دارد
کہ میرِ قافلہ و ذوقِ رہزنی دارد

ز مرگ و زیست چہ پرسی دریں رباطِ کہن
کہ زیست کاہشِ جاں، مرگ جانکنی دارد

سرِ مزارِ شہیداں یکے عناں درکش
کہ بے زبانیء ما حرفِ گفتنی دارد

دگر بدشتِ عرب خیمہ زن کہ بزمِ عجم
مے گذشتہ و جام شکستنی دارد

نہ شیخِ شہر، نہ شاعر، نہ خرقہ پوش اقبال
فقیر راہ نشین است و دل غنی دارد
​

 

[محمد خلیل الرحمٰن]

ٹیگ: جناب الف عین ، جناب محمد یعقوب آسی ، جناب محمد وارث ، جناب محمود احمد غزنوی ، جناب سید عاطف علی ، جناب مزمل شیخ بسمل ، جناب مہدی نقوی حجاز ، جیہ بٹیا ، جناب نایاب ، جناب تلمیذ ، جناب محمدعلم اللہ اصلاحی ،جناب سید شہزاد ناصر

 

[سید شہزاد ناصر]

کیا کہنے جناب
کیا خوب ترجمہ کی لطف آ گیاپڑھ کر
ماشاءاللہ قلم کی جولانی زوروں پر ہے
اللہ اسے یوں ہی قائم دائم رکھے آمین

 

[سید شہزاد ناصر]

دوسرا موقع ہے ٹیگ کی اطلاع نہیں ملی

 

[نایاب]

واہہہہہہہہہہہ
بہت خوب ترجمہ کیا ہے محترم بھائی
فریبِ کشمکشِ عقل دیدنی ٹھہرا
ہے میرِ قافلہ ، پر شوق رہزنی ٹھہرا

 

[تلمیذ]

واہ جناب، کیا بات ہے۔ نہایت عمدہ کاوش ہے جو دونوں زبانوں پر آپ کی خاطر خواہ دسترس کی غماز ہے۔
جزاک اللہ!

 

[محمد خلیل الرحمٰن]

کیا کہنے جناب
کیا خوب ترجمہ کی لطف آ گیاپڑھ کر
ماشاءاللہ قلم کی جولانی زوروں پر ہے
اللہ اسے یوں ہی قائم دائم رکھے آمین

جزاک اللہ بھائی!
بہت خوش رہیے

 

[محمد خلیل الرحمٰن]

دوسرا موقع ہے ٹیگ کی اطلاع نہیں ملی

آپ کی محبت ہے جو آپ کو ہمارے دھاگوں میں کھینچ لاتی ہے۔ اس کے لیے ٹیگ کی ضرورت نہیں پڑتی۔

 

[محمد خلیل الرحمٰن]

واہہہہہہہہہہہ
بہت خوب ترجمہ کیا ہے محترم بھائی
فریبِ کشمکشِ عقل دیدنی ٹھہرا
ہے میرِ قافلہ ، پر شوق رہزنی ٹھہرا

جزاک اللہ ،نایاب بھائی ۔ خوش رہیے

 

[محمد خلیل الرحمٰن]

واہ جناب، کیا بات ہے۔ نہایت عمدہ کاوش ہے جو دونوں زبانوں پر آپ کی خاطر خواہ دسترس کی غماز ہے۔
جزاک اللہ!

سدا خوش رہیے ۔

اردو کی حد تک تو ٹھیک ہے جناب لیکن فارسی اور ہم؟؟؟؟

 

[سید عاطف علی]

شاندار ہے۔واہ۔واہ۔خلیل بھائی
مگر حسب نوعیت ِدھاگہ ۔ایک ہلللل کی سی گزارش ( اور وہ بھی مؤدّبانہ) ۔۔۔حیات کے ساتھ موت اور زیست کے ساتھ مرگ کردیں اور ٹھہرا کی مناسبت سے کچھ ترتیب اور اچھی طرح بٹھا دیں ۔
بہت بہت داد و تحسین۔

 

[الف عین]

بہت خوب خلیل۔ مجھے بھی اسی شعر کا ترجمہ ہلکا لگا، کاہشِ جاں کو کچھ اور کہا جائے۔ پگھلتی زیست میں بات نہیں بنی۔
حیات و زیست کا کیا پوچھتے ہو دنیا میں
پگھلتی زیست ہے اور موت جانکنی ٹھہرا

 

[محمد وارث]

بہت خوب خلیل صاحب

 

[جیہ]

بہت خوب۔ میں سمجھی کہ یہ علامہ اقبال کا کلام پوسٹ کیا ہے۔ یہ تو بعد میں پتا چلا کہ فارسی کلام کا ترجمہ ہے ۔ اور کیا خوب ترجمہ ہے ۔ ماشاء اللہ

اور کمال کی بات یہ ہے کہ اس میں ایک فقرہ missing ہے ۔۔۔۔ یعنی۔۔۔۔ روح اقبال سے معذرت کے ساتھ

 

[ناصر علی مرزا]

پگھلتی زیست ہے اور موت جانکنی ٹھہرا

Sir is this correct as per Urdu Grammer? as per my knowledge , Death is considered feminine in Urdu .
I will be sorry if you mind it

 

[محمد اسامہ سَرسَری]

بہت عمدہ جناب۔۔۔
بہت سی داد۔۔۔۔

 

[توصیف یوسف مغل]

ماشاء اللہ یہاں تو بہت اچھے استاد محترم ہیں..
آپ سب سے گزارش ہے کہ لڑی میں ہماری اصلاح کریں ایک غزل پوسٹ کی ہے...

 

[محمد علم اللہ]

واہ بہت عمدہ ترجمہ
چاچو آجکل فارسی میں پوری طرح اتر گئے ہیں لگتا ہے ۔
مزید کا انتظار رہے گا چاچو

 

[مزمل شیخ بسمل]

بہت عمدہ جناب خلیل صاحب۔ داد حاضر ہے۔