پیٹرول کی یکساں قیمت کا میکانزم ختم کرنے کا فیصلہ

[لئیق احمد]

اسلام آباد (رپورٹ: خالد مصطفیٰ) وزیراعظم نواز شریف کی حکومت نے پیٹرولیم مصنوعات کی یکساں قیمتوں کے میکانزم کو ختم کر دینے کا فیصلہ کیا ہے۔ وزارت پیٹرولیم و قدرتی وسائل کے اعلیٰ حکام کے مطابق اب پیٹرولیم مصنوعات اور خصوصاً پیٹرول کے لئے مختلف قیمتوں کا میکانزم اختیار کرنے کے لئے ذہن بنا لیا گیا ہے۔ انہوں نے کہا کہ ترقی یافتہ ممالک کی طرح حکومت نے پہلے مرحلے میں پیٹرول پر آئل مارکیٹنگ کمپنیوں اور ڈیلرز کے مارجن کو ڈی ریگولیٹ کرنے کا فیصلہ کیا ہے۔ اس موضوع پر کام شروع کر دیا گیا ہے اور وزارت کے اعلیٰ ترین ذمہ دار کی ہدایت پر سمری تیار کی جا رہی ہے جو منظوری کے لئے اقتصادی رابطہ کمیٹی میں پیش ہوگی۔ موجودہ میکانزم کے تحت حکومت قیمتوں میں اضافہ آئل مارکیٹنگ کمپنیوں کے لئے مارجن 1.98 روپے اور ڈیلرز کے لئے 2 روپے فی لیٹر تک محدود رکھ کر صارفین کو بچاتی رہی ہے۔ آئل مارکیٹنگ کمپنیوں کا مارجن بڑھا کر 4 روپے فی لیٹر کرنے کے لئے دبائو ہے تو وہیں ڈیلرز بھی عدم اضافے کی صورت میں ہڑتال کی دھمکی دے رکھی ہے تاہم کسی اضافے کے بجائے اب حکومت نے او ایم سی اور ڈیلرز دونوں کے لئے مارجن کو ڈی ریگولیٹ کرنے کا فیصلہ کیا ہے جس سے او ایم سیز اور ڈیلرز میں مقابلے کا رجحان بڑھے گا۔ اس طرح وہ مختلف مارجن اور قیمتوں کے تحت ہر شہر میں پیٹرول فروخت کر سکیں گے۔ کھلے مقابلے کے باعث او ایم سیز اور ڈیلرز کم مارجن پر کام کریں گے جس کا فائدہ صارفین کو پہنچے گا۔ اگر کسی کمپنی کے پیٹرول کی طلب زیادہ ہوگی تو وہ اپنا مارجن کم اور دیگر صورت میں بڑھا دے گی۔ دیگر سرکاری ذرائع کا کہنا ہے کہ پیٹرول پر مارجن ڈی ریگولیٹ کرنے سے مخصوص او ایم سیز اور ڈیلرز کی اجارہ داری کو فروغ ملے گا جس سے انہیں پیٹرول پر زیادہ سے زیادہ مارجن لینے سے روکا نہیں جا سکے گا۔
http://beta.jang.com.pk/NewsDetail.aspx?ID=169459

 

[لئیق احمد]

ماضی میں اکثر یہ شکایت آتی رہی ہے کہ پیٹرول کی مارکیٹنگ کمپنیاں خود تو زیادہ منافع کماتی ہیں اور بو جھ صارفین پر ڈال دیتی ہیں ۔ طریقہ کار ایسا ہونا چاہئے کہ کسی کمپنی کی اجارہ داری نا ہو اور صارفین کو تجارتی مقابلے کا فائدہ ہو۔

 

[خالد محمود چوہدری]

حساب کتاب تو ہمیں سمجھ نہین آتا۔ مطلب؟ پٹرول مہنگا ہو گا یا سستا؟ مجھے تو سستا ہوتا نظر نہیں آتا ، مہنگا ہی ہو گا۔۔۔

 

[لئیق احمد]

حساب کتاب تو ہمیں سمجھ نہین آتا۔ مطلب؟ پٹرول مہنگا ہو گا یا سستا؟ مجھے تو سستا ہوتا نظر نہیں آتا ، مہنگا ہی ہو گا۔۔۔

اگر کمپنیوں کی اجارہ داری ختم کر دی جائے تو مقابلے کے رجحان کی وجہ سے سستا ہونے کا امکان ہے۔

 

[باباجی]

چاہے کچھ بھی کرلیں ۔۔۔ پٹرول کی قیمت بڑھتی ہی رہے گی
ابھی پچھلے دنوں عوام کے ساتھ جو مذاق ہوا ہے کہ خبریں آنا شروع ہوگئیں کہ پٹرول کی قیمت 3 روپے تک کم ہوجائے گی تو
پتا چلا کہ انتہائی قابل وزارت پٹرولیم نے اوگرا کی سمری کو نا منظور کرکے پٹرول کی قیمت میں اضافہ کردیا
چور سالے