چاندنی رات میں (ک م یاؔزر)

[یازر]

چاندنی رات میں​

​

وہ جھجکتے رہے چاندنی رات میں​

ہم سلگتے رہے چاندنی رات میں​

​

رقص میں تھا جہاں اور ہم بھی تجھے​

گنگناتے رہے چاندنی رات میں​

​

دیکھ کر یہ تیرا مرمریں سا بدن​

ہم بہکتے رہے چاندنی رات میں​

​

حسن تھا، جام تھا، شب جواں، ہم مگر​

ہچکچاتے رہے چاندنی رات میں​

​

آخری سانس تھی، روبرو تم میرے​

مسکراتے رہے چاندنی رات میں​

​

خشک آنکھوں سے اشکِ رواں کی طرح​

خوں بہاتے رہے چاندنی رات میں​

​

درمیاں رکھ کے میت میری ، جشن سا​

سب مناتے رہے چاندنی رات میں​

​

کب کیا تو نے یاؔزر سے وعدہ وفا​

راہ تکتے رہے چاندنی رات میں​

​

ک م یازر​

 

[نایاب]

بہت خوب

 

[یازر]

بہت شکریہ جناب ۔۔۔ پسند فرمانے کا۔
آپ اس کا آڈیو ورژن ( سٹل فوٹوز کے ساتھ) میری فیس بک پر ملاحظہ فرما سکتے ہیں۔ لنک یہاں پوسٹ کر رہا ہوں ۔
http://www.facebook.com/photo.php?v=400765353312743&set=vb.100001378457748&type=3