چرغہ

[ماوراء]

چرغہ


چینی ڈش​

اجزاء

مرغ
گن پاؤڈر ساس

ترکیب:-

ایک مرغ لیں اس کو اچھی طرح صاف کر کے نمک کے پانی میں دھو لیں۔ اس پر گن پاؤڈر ساس[1] لگائیں۔ اور پانی کا ہلکا سا چھینٹا لگائیں۔ کسی لکڑی یا لوہے کی سلاخ میں لگا کر تیز آنچ پر آہستہ آہستہ گھمائیں۔ چرغہ تیار ہے۔



گن پاؤڈر ساس کی ترکیب:-

٭ سویا ساس، لیموں کے چھلکے کدو کش کیے ہوئے، یخنی[2]، 2/1 کھانے کا چمچ کتری ہوئی پیاز

٭ کھانے کا ایک چمچ چینی، 2/1 چکن سٹاک کیوب، تھوڑی سی ادرک کتری ہوئی۔

٭ مندرجہ بالا اشیاء کو پندہ منٹ تک ابالیں۔ تھوڑے تھوڑے وقفے سے ہلاتے جائیں۔ پندرہ منٹ کے بعد اتار لیں اور فریج میں رکھ دیں۔


یخنی:-

چکن کی ہڈیاں اور تھوڑا سا گوشت، پانی، چکن سٹاک کیوب

گوشت اور ہڈیوں کو تقریباً ایک گھنٹہ ابالیں۔ اس میں سٹاک کیوب شامل کر دیں۔ اور مزید بیس منٹ تک ابالیں۔ اتار کر رکھ دیں۔ حتٰی کہ ٹھنڈی ہو جائے۔ گوشت اور ہڈیاں نکال دیں۔

 

[تیشہ]

یہ تم نے آج بنایا ہے کہ ایسے ہی لکھ دی ۔

 

[ماوراء]

بنایا کہاں۔۔۔ اتنی کھانا پکانے کی کتابوں میں سے پہلی کتاب جو اٹھائی، اتفاق سے اسی میں سے مل گئی۔

 

[فاتح]

ماوراء! آپ نے اچھے بھلے چرغے کو مریضوں کا کھانا بنا دیا ہے۔ اسے تو کسی اسپتال کے باورچی خانے میں پکنا چاہیے۔
ہمارے ہاں کا چرغا چینیوں کے اس چرغے سے قدرے مختلف ہوتا ہے

 

[ماوراء]

فاتح، یوں کہیں کہ حقیقت میں یہ چینی ڈش ہے۔ لیکن پاکستانیوں نے اس کا جنازہ نکال دیا ہوا ہے۔
ہمارے ہاں بھی کم و بیش یہی طریقہ استعمال ہوتا ہے، البتہ مصالحہ جات کا فرق ہے۔ اور یہ ترکیب میں نے اپنی طرف سے نہیں لکھی، بلکہ اصل ترکیب اس کی یہی ہے۔

 

[فاتح]

موڈ تو آپ نے "مہر جویانہ" رکھا ہوا ہے اور گفتگو "تند خویانہ"

ہیں‌کواکب کچھ نظر آتے ہیں کچھ​

ویسے میں نے جو کھائے ہیں‌اس کی ترکیب اس ترکیب سے ملتی جلتی ہے:
http://www.angelfire.com/country/fauziaspakistan/chickenchargha.html

 

[ماوراء]

آپ کو ایسا لگا۔۔ تو معذرت۔ بس ذرا موڈ آف ہے۔ شاید اسی وجہ سے لکھتے ہوئے بھی کچھ تلخ انداز میں لکھ گئی۔

اف، پہلے کیوں نہیں ڈھونڈ کر دی تھی۔ ہاں، یہ ریسیپی اپنی اپنی لگ رہی ہے۔

 

[فاتح]

یہ معذرت وغیرہ جیسے الفاظ کچھ پرائے پرائے لگتے ہیں۔ جب ان کے بغیر ہی کام بخوبی چل سکتا ہے تو ان کے استعمال کی ضرورت بھی نہیں۔

چلیں اب آپ کسی مرغ بے چارے کا قتل عام کیجیے۔

 

[زیک]

ویسے گن‌پاؤڈر ساس کی وجہ سے وہ ترکیب آزمانے کا جی کر رہا ہے۔

 

[فاتح]

ویسے گن‌پاؤڈر ساس کی وجہ سے وہ ترکیب آزمانے کا جی کر رہا ہے۔

کہیں گن پاؤڈر کو ساس پر تو آزمانے کا ارادہ نہیں؟

 

[ماوراء]

یہ معذرت وغیرہ جیسے الفاظ کچھ پرائے پرائے لگتے ہیں۔ جب ان کے بغیر ہی کام بخوبی چل سکتا ہے تو ان کے استعمال کی ضرورت بھی نہیں۔

شکریہ فاتح۔

چلیں اب آپ کسی مرغ بے چارے کا قتل عام کیجیے۔

ضرور۔ صبح تو میں نہاری بنا رہی ہوں۔ کسی دن سوچتی ہوں، اس کو بھی ٹرائی کرنے کا۔ لیکن پاکستانی طریقے سے ہی ٹرائی کروں گی۔ ورنہ شاید پھیکا چرغہ تو کوئی کھائے ہی نہ۔

آپ اور شمشاد بھائی بھی میری طرف سے بے شک ہوٹل جا کر کھا آئیں۔

 

[تیشہ]

بنایا کہاں۔۔۔ اتنی کھانا پکانے کی کتابوں میں سے پہلی کتاب جو اٹھائی، اتفاق سے اسی میں سے مل گئی۔

تو تم سے کھانے پکانے کی ترکیب کی کتاب سے دیکھ کر پکاتے بناتے ہوئے کھانے خراب نہیں ہوتے کیا پہلے پہل ؟ ۔

میں نے کبھی کتاب سے دیکھکر نہیں بنایا تھا ایسے ہی زبانی کلامی بناتے جلاتے سیکھ گئی ، ۔۔ مگر اکیلے رہنے کا یہ فائدہ تھا جو جل جاتا تھا یا خراب بنتا بن میں چلا جاتا

جبتک اچھا بنانا نہ آیا سب مجھ سے خراب ہی ہوتا تھا پر کوئی ڈانٹنے کو نہیں ہوتا تھا نہ پوچھنے کو ۔ سو آرام آرام سے جلا جلا کر خراب بناتے بناتے آگیا ۔

 

[فاتح]

جو جل جاتا تھا یا خراب بنتا بن میں چلا جاتا

آپ تو اس بہانے کھانا بنانا سیکھ گئیں لیکن اس بن بے چارے کی ماڑی قسمت پر رحم آ رہا ہے جسے جلا ہوا اور خراب کھانا ملتا تھا۔

 

[تیشہ]

آپ تو اس بہانے کھانا بنانا سیکھ گئیں لیکن اس بن بے چارے کی ماڑی قسمت پر رحم آ رہا ہے جسے جلا ہوا اور خراب کھانا ملتا تھا۔

تو کیا کرتی ؟ اب آپ بھی نہیں ہوا کرتے تھے کہ آپکو ہی کھانے کو دیا جاسکتا

(
جسٹ کڈینگ) برا نہ مانئیے گا میں مذاق کر رہی ہوں ۔

 

[ماوراء]

تو تم سے کھانے پکانے کی ترکیب کی کتاب سے دیکھ کر پکاتے بناتے ہوئے کھانے خراب نہیں ہوتے کیا پہلے پہل ؟ ۔

میں نے کبھی کتاب سے دیکھکر نہیں بنایا تھا ایسے ہی زبانی کلامی بناتے جلاتے سیکھ گئی ، ۔۔ مگر اکیلے رہنے کا یہ فائدہ تھا جو جل جاتا تھا یا خراب بنتا بن میں چلا جاتا

جبتک اچھا بنانا نہ آیا سب مجھ سے خراب ہی ہوتا تھا پر کوئی ڈانٹنے کو نہیں ہوتا تھا نہ پوچھنے کو ۔ سو آرام آرام سے جلا جلا کر خراب بناتے بناتے آگیا ۔

میں کون سا ہو بہو کتاب والا ہی بناتی ہوں۔ بس ذرا طریقہ پڑھ لیتی ہوں۔ اور پہلی بار مجھ سے ہمیشہ اچھا کھانا بنتا ہے۔
ہاں اسی طرح سے آتا ہے۔ کبھی جلا ہوا تو کبھی نمک مرچ زیادہ۔ لیکن میں نے بہت شروع سے ہی کھانا بنانا سیکھ لیا تھا۔ اب تو سکھاتی ہوں۔

 

[تیشہ]

میں کون سا ہو بہو کتاب والا ہی بناتی ہوں۔ بس ذرا طریقہ پڑھ لیتی ہوں۔ اور پہلی بار مجھ سے ہمیشہ اچھا کھانا بنتا ہے۔
ہاں اسی طرح سے آتا ہے۔ کبھی جلا ہوا تو کبھی نمک مرچ زیادہ۔ لیکن میں نے بہت شروع سے ہی کھانا بنانا سیکھ لیا تھا۔ اب تو سکھاتی ہوں۔

بہت شروع سے مراد ُ ۔؟ کتنے شروع سے ۔؟

اچھا کیا اگلے گھر جاکر یہی کرنا ہوتا ہے

تو اچھا کیا بہت شروع سے ہی سیکھ لیا ، ۔۔۔ کوئی مشکل نہیں ہوگی ۔ ساس سسرُ نندیں بھی خوش ہوجائیں گئیں کہ کیسی بہو ، بھابھی آئی ہے جسکو سب آتا ہے ۔

ورنہ میرا جب رشتہ آیا تھا میری امی نے صاف بول دیا تھا میری بیٹی کو کھانا بنانا نہیں آتا ۔ ۔ تو جواب آیا کہ کوئی بات نہیں ہمیں ایسے ہی ٹھیک ہے ۔

اور بعد میں سیاپا مجھے بھگتنا پڑا تھا

 

[ماوراء]

lol۔ میں نے کبھی سسرال کے بارے میں سوچ کر تو نہیں سیکھا تھا۔ لیکن شوق شروع سے ہی تھا۔ پہلے امی کے ساتھ کھانے کی ٹیبل پر برتن لگانے سے شروع کیا۔ چوتھی،پانچویں میں تھی تو پھر سلاد، رائتہ جیسے کام ہم کرنے لگے۔اور ہم کزنز جب اکھٹی ہوتی تھیں تو سلاد کا مقابلہ کرتی تھیں کہ کون سب سے اچھا بناتا ہے- آٹھویں میں تھی تو یاد ہے باقاعدہ امی کے ساتھ کھانا بنانے میں مدد کرنے لگی۔ اور سب سے زیادہ کھانا بنانا دسویں کے امتحان دے کر جب فارغ تھی تو تب سیکھا۔ پھر آہستہ آہستہ یہ کام بڑھتا ہی گیا۔ اب میں امی سے بھی آگے نکل چکی ہوں۔


اصل میں آپ کی بڑی بہنیں تھیں نا۔ اسی لیے آپ کو زیادہ کام نہیں کرنا پڑا تھا۔ اب میری بہن نے بھی ابھی کہیں آ کر کھانا بنانا سیکھا ہے۔ ابھی بھی اس کا دل نہیں کرتا بنانے کا۔چھوٹی بہن ہونے کا فائدہ بھی ہوتا ہے اور نقصان بعد میں پتہ چلتا ہے۔

 

[تیشہ]

ہاں مجھے بھی یاد آگیا اک سلاد کتنے شوق سے بنایا کرتے تھے ہم جب کوکنگ کی کلاسز ہوتیں تو سب اپنے اپنے سلاد بناتے ۔ مجھے یاد آگیا اک ٹماٹر کو کاٹ کر ، اور اک بوائل ایگ کو لے کر اس انڈے کی دو آنکھیں ،(کالی مرچ ثابت جو آنکھوں میں لگائی جآتی تھی ۔ اور انڈے پر آنکھ کے بعد لونگ کو ہم ناک بناکر لگاتے اور سر پر ٹماٹر کی ٹوپی ۔ بس اسکے بعد کا سلاد مجھے یاد نہیں یہی یاد آگیا تھا ، ۔ ۔

 

[ماوراء]

لاہوری چرغہ

مجھے لاہوری چرغے کی ترکیب بھی مل گئی ہے۔ چینی چرغہ تو شاید کچھ عجیب سا تھا۔



لاہوری چرغہ

اجزاء:


مرغی :::::::::: 2 عدد بغیر کھال کے۔ ہر ایک کا وزن تقریباً 750 گرام۔ سینے اور ران پر 5-6 گہرے چاک کر لیں۔
ادرک پسی ہوئی :::::::: ایک کھانے کا چمچ/ 20 گرام
لیموں کا رس::::::: 8 کھانے کے چمچ/ 4 لیموں
تیل تلنے کے لیے::: 5 پیالی / ایک لیٹر
لاہوری چرغہ مصالحہ :::::: ایک تھیلی (بازار سے آپ کو آسانی سے مل جائے گا)

طریقہ:

1۔ ادرک، لیموں کا رس اور چرغہ مصالحہ آپس میں ملا کر مرغی پر خوب اچھی طرح سے لگائیں اور رات بھر یا 2 - 4 گھنٹے کے لیے رکھ دیں۔
2۔ مرغی کو اسٹیمر میں 20 سے 30 منٹ رکھ کر بھاپ سے گلا لیں۔ یا گہری دیگچی میں چھلنی/اسٹیل کی پلیٹ کو الٹا رکھ دیں۔ اور ایک کپ پانی ڈالیں پھر مرغیاں چھلنی/ پلیٹ پر رکھ دیں اور ڈھک کر ہلکی آنچ پر 20 - 30 منٹ تک یا اتنی دیر کہ مرغی کا گوشت گل جائے۔
3۔ کڑھائی میں تیل گرم کر کے ہر مرغی کو ہر طرف سے سرخ اور سنہری ہونے تک تل لیں۔

چرغے پر چاٹ مصالحہ اور لیموں کا رس چھڑک کر سلاد/چٹنی/ٹماٹو کیچپ کے ساتھ نوش فرمائیں۔

 

[ایچ اے خان]

بہن جی ھِک تصویر بھی پا دیں‌ادھر
ھُن ترکیب لبی ہے تو شاید بنا بھی لیں۔