شو کمار بٹالوی چنبے دا پُھل

[غدیر زھرا]

اج اِک چنبے دا پُھل مویا
اج اِک چنبے دا پُھل مویا
گل پوناں دے پا کے باہیں
گورا چیتر چھم چھم رویا
اج اِک چنبے دا پُھل مویا

چیتر دے بلھ نیلے نیلے
مکھڑے وانگ وساراں ہویا
نینیں لکھ ماتمی چھلے
گلھ وچ پے پے جاوے ٹویا
اج اِک چنبے دا پُھل مویا

ادھی راتیں رویا چیتر
پوناں دا دل زخمی ہویا
ڈونگھے وین بڑے دردیلے
سن کے سارا عالم رویا
اج اِک چنبے دا پُھل رویا

لکھ چیتر نوں دیواں متیں
رام وی مویا راون مویا
تاں کیہ ہویا جے اِک تیرا
سمیاں ٹہناں توں پُھل کھویا
اج اِک چنبے دا پُھل مویا

پر چیتر تاں ڈاڈھا بھرمی
اس پر رتی اثر نہ ہویا
پے پے جان نی دندلاں اوہنوں
امبر مونہہ وچ چانن چویا
اج اِک چنبے دا پُھل مویا

گل پوناں دے پا کے باہیں
گورا چیتر چھم چھم رویا
اج اِک چنبے دا پُھل مویا

(شو کمار بٹالوی)​

 

[فرخ منظور]

تسی شاید شو کمار دا کلام ٹائپ کرن دی زحمت کر رئے او۔ جد کیہ ایدی کوئی لوڑ نہیں۔ شو کمار بٹالوی دا سارا کلام وچار ڈاٹ کام تے موجود اے۔ اوتھوں ویکھو تے اک وری پروف ریڈ کر کے تے پوسٹ کر دیو۔ ایہ کلام وی اوتھے موجود اے۔

 

[غدیر زھرا]

تسی شاید شو کمار دا کلام ٹائپ کرن دی زحمت کر رئے او۔ جد کیہ ایدی کوئی لوڑ نہیں۔ شو کمار بٹالوی دا سارا کلام وچار ڈاٹ کام تے موجود اے۔ اوتھوں ویکھو تے اک وری پروف ریڈ کر کے تے پوسٹ کر دیو۔ ایہ کلام وی اوتھے موجود اے۔

بہت شکریہ سر ویسے میرے علم وچ ہے کہ وچار ڈاٹ کام تے کلام موجود اے تے نالے ہک ہور سائٹ پنجابی کویتا ڈاٹ کام تے وی شو ہوراں دا سارا کلام موجود اے لیکن دونواں تھاواں تے کلام دی ٹائپنگ وچ اغلاط نیں اس واسطے نوے سرے توں ٹائپ کر رہی آں ویسے تہاڈی گل ٹھیک اے کہ میں پروف ریڈنگ کر کے تے پوسٹ کر چھڈیا کراں تے ٹائپنگ دی زحمت توں بچ جاواں گی

 

[فرخ منظور]

بہت شکریہ سر ویسے میرے علم وچ ہے کہ وچار ڈاٹ کام تے کلام موجود اے تے نالے ہک ہور سائٹ پنجابی کویتا ڈاٹ کام تے وی شو ہوراں دا سارا کلام موجود اے لیکن دونواں تھاواں تے کلام دی ٹائپنگ وچ اغلاط نیں اس واسطے نوے سرے توں ٹائپ کر رہی آں ویسے تہاڈی گل ٹھیک اے کہ میں پروف ریڈنگ کر کے تے پوسٹ کر چھڈیا کراں تے ٹائپنگ دی زحمت توں بچ جاواں گی

ویسے اغلاط تے کتاب وچ وی موجود نیں۔ ایہ کتاب ساڈے دوست اقبال قیصر نے مرتب کیتی سی تے کافی چھیتی والا کم کیتا سی۔

 

[غدیر زھرا]

ویسے اغلاط تے کتاب وچ وی موجود نیں۔ ایہ کتاب ساڈے دوست اقبال قیصر نے مرتب کیتی سی تے کافی چھیتی والا کم کیتا سی۔

آہاں..سر شو ہوراں دا کلام شاہ مکھی وچ صرف اقبال قیصر ہوراں نیں ای مرتب کیتا اے ہور کسے نئیں کیتا؟

 

[فرخ منظور]

آہاں..سر شو ہوراں دا کلام شاہ مکھی وچ صرف اقبال قیصر ہوراں نیں ای مرتب کیتا اے ہور کسے نئیں کیتا؟

پاکستان وچ ایہ کتاب شاہ مکھی وچ صرف اقبال قیصر نے ای اجے تک مرتب کیتی اے۔ دوجی کئی سالوں تو چھپن دے انتظار وچ اے۔ دیکھو سانجھ پبلشر والے کدوں چھاپدے نیں۔