چند تازہ اشعار برائے اصلاح

[محمد خلیل الرحمٰن]

چند تازہ اشعار برائے اصلاح پیش ہیں۔

ابھی تو ابتدائے عشق ہے ، جلدی ہے کیا تم کو​

اجی آہستہ آہستہ، جناب آہستہ آہستہ​

​

مزے لے کر تمہارے حسن کا یوں ہر ورق پڑھ لوں​

میں پڑھنا چاہتا ہوں یہ کتاب آہستہ آہستہ​

​

​

بڑا رنگین منظر ہے، ابھی تو مجھ کو سونے دو​

مری خواہش ہے دیکھوں میں یہ خواب آہستہ آہستہ​

​

جوانی اِس قدر توبہ شکن ہے اُن کی ، اُف توبہ!​

اور اِس پر جب وہ اُلٹائیں نقاب آہستہ آہستہ​

 

[شاہد شاہنواز]

مجھے ان اشعار میں تنقید اور اصلاح کا کوئی پہلو نظر نہیں آیا۔۔۔ بس جو زبان استعمال کی گئی ہے اس پر اختلاف ہے لیکن اعتراض نہیں۔۔

 

[الف عین]

درست لہیں اشعار خلیل، بس میرا یہی مشورہ، کہ دو غزلیں کہو، ایک نمکین اور ایک سادہ۔