چند فارسی و ایرانی نام
- صاحب لڑی حسان خان
- تاریخ ابتداء
-
- ٹیگ
- ایران فارسی زبان
حسان خان
لائبریرین
مَنِیژہ (زنانہ) = شاہنامۂ فردوسی کے مطابق تُورانی پادشاہ افراسیاب کی دُختر کا نام، جس پر ایرانی نوجوان پہلوان بِیژن عاشق ہو گیا تھا، جس کے نتیجے میں افراسیاب نے بِیژن کو ایک چاہ میں ڈال دیا تھا، جہاں سے اُس کو رُستم نے آزاد کروایا تھا۔ بیژن و منیژہ کی داستان شاہنامہ کی مشہورترین داستانوں میں سے ایک ہے۔
یہ نام فارسی کی بجائے باستانی دور کی ایرانی گروہ کی زبانوں سے تعلق رکھتا ہے، اور ایک جا اِس نام کا معنی 'زادۂ خیال و آرزو' نظر آیا ہے، لیکن معلوم نہیں کہ یہ کتنا درست ہے۔
یہ نام فارسی کی بجائے باستانی دور کی ایرانی گروہ کی زبانوں سے تعلق رکھتا ہے، اور ایک جا اِس نام کا معنی 'زادۂ خیال و آرزو' نظر آیا ہے، لیکن معلوم نہیں کہ یہ کتنا درست ہے۔
یاز
محفلین
یہ لفظ اردو میں انہی معانی میں مستعمل ہے۔ باقی دونوں الفاظ پہلے نہیں سنے۔
حسان خان
لائبریرین
'مروارید' کا استعمال مَیں اردو نظم و نثر میں دیکھ چکا ہوں۔
یاز
محفلین
اب ہم آپ کے علم و مطالعہ کا مقابلہ کرنے سے تو رہے۔ ہم تو آپ کے پاء سنگ بھی نہیں ہیں۔
اریب آغا ناشناس
محفلین
پاکستانی پختونوں میں میں نے چند لوگوں کا نام "گشتاسپ" اور "فریدوں" بھی سن رکھا ہے حالانکہ مجھے امید نہیں تھی کہ فارسی اور شاہنامہ کا اتنا اثر اب تک باقی رہا ہوگا
سید عاطف علی
لائبریرین
میں نے پاکستان میں لہراسپ بھی سنا ہے۔
البتہ عام نہیں ۔
البتہ عام نہیں ۔
سید عاطف علی
لائبریرین
ایران میں اس طرح کی ضمہ کی حرکت کی شکلیں شاید کافی عام ہوں گی ۔
میرا ایرانی دوست عمرا ن بھی عُمران ( Omron ) لکھا پڑھا بولا کرتا تھا۔واللہ اعلم۔
یاز
محفلین
لہراسپ، افراسیاب وغیرہ پاکستان میں سننے کو مل جاتے ہیں، اگرچہ خال خال ہی۔
فرقان احمد
محفلین
افراسیاب نام تو کافی عام ہے۔ لہراسپ کم کم سننے میں ملتا ہے۔
سید عاطف علی
لائبریرین
ویسے نریمن نام یہاں عرب لڑکیوں میں ملتا ہے۔ یہ بھی اصلاََ عجمی نام ہی ہے شاید ۔
سید عاطف علی
لائبریرین
یاز
محفلین
میرے خیال میں نریمان ہی ہے۔
فہد اشرف
محفلین
خمیرہ مروارید نہیں سنا آپ نے؟
یاز
محفلین
واقعی نہیں سنا بھائی، اور نہ ہی کھایا۔
فہد اشرف
محفلین
نریمن پوائنٹ ممبئی کے ایک ساحلی علاقے کا نام ہے، جو ممبئی کے ایک پارسی میئر خورشید فرامجی نریمن کے نام پہ ہے
فہد اشرف
محفلین
بہت مزے کا ہوتا ہے
ہم چرا کے کھاتے تھے
یاز
محفلین
اتنے مشکل نام کی چیز چرانا بھی خاصا دشوار ہوتا ہو گا۔بہت مزے کا ہوتا ہے
حسان خان
لائبریرین
نریمان
'نریمان' بھی شاہنامۂ فردوسی کے ایک پہلوان کا نام ہے۔ یہ نام مردوں کے لیے ایران، ماوراءالنہر اور جمہوریۂ آذربائجان میں، جبکہ زَنوں کے لیے تُرکیہ، بلقانی مُسلمانوں اور پس عُثمانی عربوں میں استعمال ہوتا ہے۔ مثلاً گوگل کے ذریعے لُبنانی عورتوں میں اس کا استعمال (ناريمان کی شکل میں) نظر آیا ہے۔ یہ عُثمانی اثر ہے اور مصر وغیرہ عرب ممالک میں فرہاد اور شیرین جیسے عجمی ناموں کے رواج کا باعث بھی عُثمانی دورِ حکومت ہے۔
انٹرنیٹ پر موجود 'قاموس معاني الأسماء' میں اِس نام کے ذیل میں یہ لکھا نظر آیا ہے:
اسم علم مؤنث فارسي، وهو عندهم مذكر، وقد أحبوه لرقته، فسموا به الأنثى. وهو اسم بطل إيراني أسطوري كبير، وردت بطولاته في الشاهنامة.
ترجمہ: ایک فارسی مؤنث نام، جو اُن کے ہاں مُذکّر ہے۔ یہ نام اپنی نرمی و نازُکی کی بِنا پر پسند کیا گیا، لہٰذا اِس کو مؤنّثوں کے لیے بروئے کار لایا گیا۔ یہ ایک عظیم اساطیری ایرانی قہرَمان (ہیرو) کا نام ہے، جس کی قہرَمانیوں کا ذکر شاہنامہ میں ہوا ہے۔
لغت نامۂ دہخدا کے مطابق، نریمان اوَستائی زبان کا مأخذ رکھنے والا نام ہے، جس کا معنی مرد سِرِشت، نرمنِش (نر کی فطرت رکهنے والا)، پہلوان، جسُور، دلیر، طاقت ور وغیرہ ہے۔ شاہنامۂ فردوسی میں نریمان رُستم کے دادا سام کا پدر تھا۔
آخری تدوین: