چیف جسٹس کا چھاپہ، شرجیل میمن کے کمرے سے شراب برآمد

[محمد عدنان اکبری نقیبی]

چیف جسٹس پاکستان جسٹس میاں ثاقب نثار نےکراچی کے دو اسپتالوں میں اچانک اور خفیہ دورہ کیا جہاں سے زیر علاج رہنما پیپلز پارٹی شرجیل میمن کے کمرے سے شراب کی بوتلیں اور دیگر ممنوعہ سامان برآمد ہوا۔
چیف جسٹس نے آج صبح سویرے کراچی کے دو اسپتالوں میں علاج کے بہانے زیر علاج سیاسی رہنماؤں کے وی وی آئی پی وارڈز کے معائنے کئے۔
چیف جسٹس کلفٹن میں واقع ضیاءالدین اسپتال کی پہلی منزل پر سب جیل قرار دیے گئے پر تعیش کمرے میں گئے جہاں علاج کے بہانے رہائش پذیر پاکستان پیپلز پارٹی کے رہنما شرجیل انعام میمن کے کمرے کا معائنہ کیا۔
عینی شاہدین کے مطابق چیف جسٹس پاکستان سے جیل انعا م میمن کے کمرے میں 3 منٹ تک رہے،اس دوران انہوں نے شرجیل انعام میمن کے علاج اور بیماری کے حوالے سے سوالات کیے۔
ذرائع کے مطابق اس دوران کمرے سے شراب کی بوتلیں، سگریٹس اور دیگر ممنوعہ سامان کی موجودگی کے بارے میں استفسار کیا۔ یہ ممنوع اشیاء ان کے اسٹاف نے قبضے میں لے کر گاڑی میں منتقل کر دیں۔
ذرائع کے مطابق شرجیل انعام میمن کے پرتعیش کمرے میں علاج نام کی کوئی چیز نہیں تھی، کوئی نرس تھی اور نہ کوئی ڈاکٹر تھا۔
اس کے بعد چیف جسٹس آف پاکستان جسٹس ثاقب نثار خفیہ طور پر کراچی کے جناح اسپتال کے شعبہ کارڈیو ویسکولر پہنچے۔ جہاں منی لانڈرنگ کیس میں گرفتار سابق صدر کے فرنٹ مین انور مجید کے کمرے اور ان کے علاج کے ساتھ ساتھ بیماریوں کا جائزہ لیا۔
اطلاعات کے مطابق انہوں نے ڈاکٹروں سے سوال جواب کئے۔ چیف جسٹس ثاقب نثار جناح اسپتال کے خصوصی وارڈ گئے جہاں انور مجید کے بیٹے غنی مجید کے مخصوص وارڈ کا بھی معائنہ کیا۔
غنی مجید کے کمرے میں نہ ہونے پر چیف جسٹس نے استفسار کیا تو بتایا گیا کہ ملزم کو ایم آر آئی کرانے کے لیے لے جایا گیا ہے۔ اس کے بعد چیف جسٹس آف پاکستان نے وہاں موجود مختلف لوگوں سے بات چیت بھی کی۔

 

[محمد عدنان اکبری نقیبی]

اسپتال کا کمرہ سربمہر، شرجیل جیل منتقل

 

[جاسم محمد]

بوتلوں میں شہد اور تیل تھا۔ شرجیل میمن کے ڈرائیور کا بیان

 

[جاسم محمد]

 

[محمداحمد]

بوتلوں میں شہد اور تیل تھا۔ شرجیل میمن کے ڈرائیور کا بیان

کچھ اس قسم کا بیان گنڈاپور نے بھی دیا تھا غالباً

 

[محمداحمد]

ویسے چیف جسٹس بھی فرصت سے فارغ معلوم ہوتے ہیں۔

 

[جاسم محمد]

ویسے چیف جسٹس بھی فرصت سے فارغ معلوم ہوتے ہیں۔

یہی گلے شکوے لیگیوں کو بھی تھے سابقہ دور حکومت میں۔ انصافی برداشت کریں ۔ اب ان کی باری ہے

 

[محمداحمد]

یہی گلے شکوے لیگیوں کو بھی تھے سابقہ دور حکومت میں۔ انصافی برداشت کریں ۔ اب ان کی باری ہے

شرجیل میمن کب سے انصافی ہو گئے؟

 

[جاسم محمد]

شرجیل میمن کب سے انصافی ہو گئے؟

عمران علی شاہ کے تھپڑ اور خاور مانیکا سکینڈل عدالت میں سو موٹو ایکشن کا نتیجہ ہیں، جنہیں ہنگامی بنیادوں پر سنا جا رہا ہے۔ جبکہ ہزاروں پرانے کیسز عدالت عظمیٰ میں پھنسے ہیں۔

 

[محمداحمد]

جبکہ ہزاروں پرانے کیسز عدالت عظمیٰ میں پھنسے ہیں۔

انتہائی فضول بات ہے۔

پرانے گھسے پٹے کیسوں میں کچھ نہیں رکھا۔ نہ ڈائلاگ بازی ہو سکتی ہے اور خبروں میں رہنے کے مواقع مل سکتے ہیں۔

 

[جاسم محمد]

نہ ڈائلاگ بازی ہو سکتی ہے اور خبروں میں رہنے کے مواقع مل سکتے ہیں۔

غالبا چیف جسٹس صاحب ریٹائرمنٹ کے بعد وزارت عظمیٰ سنبھالنا چاہتے ہیں۔ یہ سب جگتیں الیکشن کمپین ہوسکتی ہے

 

[محمداحمد]

پہلے زمانے میں جب کسی ملک کا بادشاہ مر جاتا تو اگلے روز ملک میں داخل ہونے والے پہلے آدمی کو بادشاہ بنا دیا جاتا تھا۔

چیف جسٹس کی سزاؤں کوسُن کر لگتا ہے کہ ان کا چناؤ بھی کسی اسی قسم کے طریقے سے ہوا ہے۔

 

[محمداحمد]

غالبا چیف جسٹس صاحب ریٹائرمنٹ کے بعد وزارت عظمیٰ سنبھالنا چاہتے ہیں۔ یہ سب جگتیں الیکشن کمپین ہوسکتی ہے

اچھی بات ہے۔

باقی وزیروں کے ساتھ کوئی اسی قسم کا وزیر جچے گا۔

 

[جاسم محمد]

چیف جسٹس کی سزاؤں کوسُن کر لگتا ہے کہ ان کا چناؤ بھی کسی اسی قسم کے طریقے سے ہوا ہے۔

عظمیٰ سے لاکھ اختلاف سہی لیکن اس نے بڑے بڑے مگرمچھوں کو قانون کے نیچے رگڑا ہے۔ شریف خاندان کے بعد زرداری کی پکڑ۔ مشرف، درانی جیسے غدار جرنیلوں پر مقدموں کی سماعت۔ خاور مانیکا سکینڈل پر فوری انصاف۔ خوش کر دیا عظمیٰ جی نے۔

 

[محمداحمد]

مشرف، درانی جیسے غدار جرنیلوں پر مقدموں کی سماعت

زرداری کی پکڑ۔

خاور مانیکا سکینڈل پر فوری انصاف۔

کچھ اپڈیٹ دیجے ان معاملات پر۔

 

[محمداحمد]

غالبا چیف جسٹس صاحب ریٹائرمنٹ کے بعد وزارت عظمیٰ سنبھالنا چاہتے ہیں۔ یہ سب جگتیں الیکشن کمپین ہوسکتی ہے

ویسے کب ریٹائر ہو رہے ہیں چیف جسٹس؟

 

[جاسم محمد]

کچھ اپڈیٹ دیجے ان معاملات پر۔

مشرف غداری کیس
اصغر خان الیکشن دھاندلی کیس
زرداری، تالپور منی لانڈرنگ کیس
خاور مانیکا، ڈی پی او پاکپتن سکینڈل کیس

 

[ربیع م]

مشرف، درانی جیسے غدار جرنیلوں پر مقدموں کی سماعت

ہا ہا ہا ہا ہا
درانی صاحب کہاں ہیں آجکل؟