چیچنستان کی روزمرہ زندگی پر ایک نظر

[حسان خان]

عکاس: دیانا مارکوسیان
منبعِ تصاویر

(چیچنیا کے لیے فارسی میں اور ترک زبانوں میں چیچنستان رائج ہے۔ اس لیے میں مناسب سمجھتا ہوں کہ اردو میں بھی چیچنستان استعمال کیا جانا چاہیے۔)

چیچن نوجوان دارالحکومت گروزنی کے ایک اسنوکر کلب میں حقہ پی رہے ہیں۔ اس اسلامی ریاست میں اب حقے پر پابندی لگائی جا چکی ہے۔

گروزنی کے ایک مقامی پارک میں ایک جوڑا مقررہ ملاقات (ڈیٹ) کے دوران

ایتوم کالے کی چوکی پر موجود چیچن فوجی محافظ

گروزنی کا مرکز

گروزنی کی ایک تجملی فروشگاہ میں چیچن خواتین خریداری کرتے ہوئے

گروزنی کا مرکز

گروزنی کے علاقے زاوَودسکوئی کی ایک تباہ شدہ عمارت
(چیچن روسی جنگ کی باقیات)

ایک چیچن عورت اپنے بچے کے ساتھ گھر میں

گروزنی کے مرکزی تجارتی حصے میں موجود ایک مرکزِ زیبائی میں چیچن عورتیں

شہر کی مرکزی مسجد سے کچھ بلند و بالا عمارات کا منظر

جاری ہے۔۔۔

 

[حسان خان]

گروزنی کے مکتب کی صنفِ اول میں پڑھنے والی بچیاں

قوانینِ لباس کے مطابق مکتبوں میں بچیوں کو لازماً اپنا سر ڈھانپنا پڑتا ہے۔

کرائے پر حاصل کی کی گئی لِموزین سے ایک دلہن کو اُس کی سہیلی نیچے اتار رہی ہے۔

انیس سالہ میلانا اپنی شادی کے دن سہیلیوں کے ہمراہ

ایک چیچن خاندان ساتھ بیٹھ کر کھانا تناول کر رہا ہے۔

چیچن گاؤں سَیرژَین یُورت کے مکتب کی صنفِ نہم کی بچیاں

سیرژین یورت گاؤں کے مکتب میں ورزشی تعلیم کا منظر

گروزنی کی قلبِ چیچنستان مسجد کے سامنے مکتب کا وقت ختم ہونے کے بعد طالبات بیٹھی ہوئی ہیں۔

گروزنی کی اسلامی جامعہ میں اکیس سالہ طالبہ امینہ مطیع ایوا عورتوں کے لیے بنی جائے نماز میں نماز پڑھ رہی ہے۔

'لایوسا ابراہیم اوا' کی شادی سے پہلے آرائش و پیرائش کی جا رہی ہے۔

ایک مسجد میں جوان چیچن لڑکیاں عربی خط میں آیات پڑھ رہی ہیں۔

ایک نشاطی محفل میں چیچن مرد اور عورت آمنے سامنے کھڑے ہیں۔ چیچن معاشرے میں جنسی افتراق پر زور دیا جاتا ہے۔

ایک محفل میں ایک جوڑا شمالی قفقاز کا روایتی رقص لیزگِنکا پیش کر رہا ہے۔

گروزنی کی ایک مقامی مسجد میں عورت نماز پڑھ رہی ہے۔

ایک مدرسے میں جواں سالہ لڑکیاں قرآن شریف پڑھ رہی ہیں۔

آچکوئے-مارتان نامی گاؤں میں کچھ خواتین کھڑکی کے کنارے کھڑے ہو کر انتظار کر رہی ہیں۔

گروزنی کے ایوانِ آواز و ساز میں پسِ پردۂ نمائش فنکاروں کا گروہ

گروزنی کے مضافات میں ایک مرد شادی کی پرانی روایات کی پیروی کرتے ہوئے بطور جشن فضائی گولیاں داغ رہا ہے۔

ختم شد!

سیدہ شگفتہ بدر الفاتح

 

[فلک شیر]

بہت خوب شراکت حسان

 

[لئیق احمد]

بہت معلوماتی حسب معمول

 

[محمود احمد غزنوی]

بہت عمدہ۔۔۔کوہ قاف اور پرستان کی سیر کیلئے بیحد شکریہ۔۔۔

 

[اوشو]

حسب روایت معلوماتی ، مفید ، زبردست، دلچسپ اور خوبصورت شراکت
خوش رہیں حسان خان جی
بہت جئیں

 

[سر دار عامر شہزاد]

Thanks for the sharing.

 

[حسان خان]

جمہوریۂ چیچنستان کا دارالحکومت گروزنی ایامِ گرما میں
تاریخ: ۸ جولائی ۲۰۱۵ء
ماخذ: ریڈیو فری یورپ
ربطِ اول
ربطِ دوم

 

[حسان خان]

ختم شد!

 

[تہذیب]

بہت شاندار۔ شکریہ شئیرنگ کا

 

[نایاب]

بہت خوبصورت شراکت
بہت دعائیں

 

[bilal260]

بہت زبردست شیئرنگ ہے ۔شکریہ۔

 

[bilal260]

آپ تو پاکستانی ہو مگر یہ کس ملک کی تصاویر ہے؟
نقشہ میں یہ ملک کدھر ہے؟
یہاں کی کرنسی؟ وقت ؟لوگ؟زبان؟وغیرہ کیا ہیں؟

 

[افضل حسین]

بہت خوب ۔یہ شہر کتنا صاف ستھرا ہے۔

 

[ظفری]

زبردست ، زبردست ، زبردست ۔ شکریہ حسان خان
کوہ قاف سنتے آئے ہیں ۔ آج دیکھ بھی لیا ۔ اگلا دورہ اب پاکستان کے بجائے چیچیناکا ہوگا ۔

 

[arifkarim]

کوہ قاف سنتے آئے ہیں ۔ آج دیکھ بھی لیا ۔ اگلا دورہ اب پاکستان کے بجائے چیچیناکا ہوگا ۔

ہم تو یہاں ناروے میں کئی چیچن دوستوں کو جانتے ہیں۔ حددرجہ کے ملنسار اور مہمان نواز لوگ ہیں۔

 

[عباس اعوان]

یہ چچنیا والے نیشنیلٹی یا کوئی سیاسی پناہ وغیرہ دیتے ہیں ؟

 

[حسان خان]

آپ تو پاکستانی ہو مگر یہ کس ملک کی تصاویر ہے؟
نقشہ میں یہ ملک کدھر ہے؟

جمہوریۂ چیچنستان روسی وفاق کی ایک خودمختار ریاست ہے۔ سوویت اتحاد کے سقوط کے موقع پر کئی دیگر ریاستیں آزاد ہونے میں کامیاب ہو گئی تھیں، لیکن چیچنستان ذرا بدقسمت ریاست تھی کہ آزادی کے اعلان اور بعدازاں روسی حکومت کے ساتھ دو خوں ریز جنگوں کے باوجود یہ ریاست آزاد نہ ہو سکی۔ اس ریاست کی آبادی تیرہ لاکھ کے قریب ہے اور یہاں کے لوگ چیچنی زبان میں تکلم کرتے ہیں۔ نقشے میں اس کا محلِ وقوع یہ ہے:

 

[arifkarim]

جمہوریۂ چیچنستان روسی وفاق کی ایک خودمختار ریاست ہے۔ سوویت اتحاد کے سقوط کے موقع پر کئی دیگر ریاستیں آزاد ہونے میں کامیاب ہو گئی تھیں، لیکن چیچنستان ذرا بدقسمت ریاست تھی کہ آزادی کے اعلان اور بعدازاں روسی حکومت کے ساتھ دو خوں ریز جنگوں کے باوجود یہ ریاست آزاد نہ ہو سکی۔ اس ریاست کی آبادی تیرہ لاکھ کے قریب ہے اور یہاں کے لوگ چیچنی زبان میں تکلم کرتے ہیں۔ نقشے میں اس کا محلِ وقوع یہ ہے:

کیا ابھی تک چیچنیا روسی تسلط سے آزاد نہیں ہو سکا؟ جب باقی بڑی بڑی ریاستیں سوویت یونین کا حصہ نہیں رہیں تو یہ ایک چھوٹی سی ریاست کیسے آزاد ہو نے سے رہ گئی؟

 

[سارہ خان]

روسی تسلط سے آزاد ریاستوں میں لٹریسی ریٹ بہت زیادہ ہے ۔۔
یہ مکمل آزاد ریاست نہیں ہے پھر بھی اچھے حالات میں نظر آتی ہے ۔۔