ڈاکٹر غلام سرور اعوان : ایسا رنج و الم نے گھیرا ہے

[سید زبیر]

​

بیاد ِوطن​

ایسا رنج و الم نے گھیرا ہے​

دن نکلتا ہے پر اندھیرا ہے​

ہر طرف مار کاٹ 'غداری​

کون تیرا ہے کون میرا ہے​

ہر جگہ آگ خون چنگاری​

ہائےٍ کن آفتوں نے گھیرا ہے​

چار سو اک عذاب ہے طاری​

جیسے شیطانوں کا پھیرا ہے​

دل کہ امید کے محل تھے جہاں​

ڈوبتی آس کا بسیرا ہے​

ہائے وہ مرغزار'گھر تھا جہاں​

آج ویرانیوں کا ڈیرہ ہے​

کج کلاہان سلطنت مدہوش​

اور لوگوں کا غم گھنیرا ہے​

آو مل کر دعا کریں ساگر​

رات کے اس طرف سویرا ہے

پس تحریر : ڈاکٹر غلام سرور اعوان ۔پیدائش میرٹھ{بھارت} ۱۹۴۵ ابتدائی تعلیم کوئٹہ​

جیالوجسٹ ، کارٹونسٹ،بلوچستان یونیورسٹی کوئٹہ

 

[زبیر مرزا]

کج کلاہان سلطنت مدہوش
اور لوگوں کا غم گھنیرا ہے
آو مل کر دعا کریں ساگر
رات کے اس طرف سویرا ہے
بڑاحسبِ حال اورجاندارکلام ہے - جزاک اللہ

 

[نیلم]

ایسا رنج و الم نے گھیرا ہے
دن نکلتا ہے پر اندھیرا ہے
ہر طرف مار کاٹ 'غداری
کون تیرا ہے کون میرا ہے
،،،
بہت عمدہ کلام ،،اور آج کی تصویر ہے یہ کلام

 

[باباجی]

بہت خوب

دل کہ امید کے محل تھے جہاں
ڈوبتی آس کا بسیرا ہے
ہائے وہ مرغزار'گھر تھا جہاں
آج ویرانیوں کا ڈیرہ ہے

 

[فاتح]

حقیقت جو اب بھی تازہ ہے۔
شریک محفل کرنے پر شکریہ جناب۔