ڈاکٹر نوشا اسرار : رفیقان چمن سے خطاب

[سید زبیر]

​

رفیقان چمن سے خطاب​

​

اے علیگڑھ گنبدِنور و ضیاءعلم و فن​

مارکہء سید احمد،نازشِ گنگ و چمن​

تجھ سے روشن ہے ستاروں کی زمیں پہ انجمن​

گونجتا ہے ترا ہر طرف نغمہ "میرا چمن"​

پھر بھی نہ جانے مرا دل آج کیوں بے زار ہے​

کچھ تو حالت زار ہے ' کوئی کہیں بیمار ہے​

کیوں ترے گلشن میں اب وہ شورش بلبل نہیں​

وہ نوائے دل نہیں وہ گیسوئے سنبل نہیں​

درس ہیں تدریس بھی پر خاص کچھ حاصل نہیں​

ہیں بہت شمشیر زن ، کوئی مگر بسمل نہیں​

جذبۂ ایثار و قربانی کہاں گم ہوگئے​

غازیِ کردار کے معنی کہاں گم ہوگئے​

ہم نے قصے تو سنے ہیں ایسے تیری چاہ کے​

لوگ پلکوں سے چنا کرتے تھے کانٹے راہ کے​

نذرِسید کردیا سب مال اپنی جاہ کے​

یوں دیا جیسے کہ ہوںصدقے عبادت گاہ کے​

پھر ہوا ہر طاق روشن نورِشمع ِحرم سے​

واہ کیا جلوے تھے کیا نقشے تھے تیری بزم کے​

اب تیری بزم طرب کا حال کچھ بے حال ہے​

گل بھی ہے ،بلبل بھی ہیں ، پر گلستاں پا مال ہے​

ہیں کرم فرما ابھی بھی ، رنگ گل کچھ لال ہے​

پر کہیں پر مکڑیوں کا جیسے کوئی جال ہے​

دامنِ گلشن میں گویا چند سازش ساز ہیں​

خاک یہ بھی کہر ہی ہے بعض آتش باز ہیں​

باغباں کو آج گلشن راس کیوں آتا نہیں​

جامعہ کو آج کوئی شیخ کیوں بھاتا نہیں​

اندرونی مرض باہر سے نظر آتا نہیں​

اورشفاعت کے لیے عیسیٰ کوئی آتا نہیں​

ہے قیادت میں کمی یا مقتدمی عیار ہیں​

ہیں سراپا مرض یا وہ صورت بیمار ہیں​

​

ڈاکٹر نوشا اسرار ' ہیوسٹن ،امریکہ​

​

​

​

 

[الف عین]

یہ کون شاعر ہیں؟ غالباً اصلاح کے بغیر شاعری کرتے رہے ہیں