لیاقت علی عاصم ڈوبتی ناؤ تم سے کیا پوچھے --- لیاقت علی عاصم

[مغزل]

غزل​

ڈوبتی ناؤ تم سے کیا پوچھے
ناخداؤ، تمھیں خدا پوچھے​

کس کے ہاتھوں میں کھیلتے ہو تم
اب کھلونوں سے کوئی کیا پوچھے​

ہم ہیں اس قافلے میں قسمت سے
رہزنوں سے جو راستہ پوچھے​

ہے کہاں کنجِ گل ، چمن خورو !
کیا بتاؤں اگر صبا پوچھے​

اٹھ گئی بزم سے یہ رسم بھی کیا
ایک چپ ہو تو دوسرا پوچھے​

لیا قت علی عاصم​

​

​

 

[امر شہزاد]

ہم ہیں اس قافلے میں قسمت سے
رہزنوں سے جو راستہ پوچھے


واہ!

 

[مغزل]

شکریہ امر بھیا ۔ آپ کا اظہارِ‌پسندیدگی عاصم صاحب تک پہنچادیا گیا ہے۔

 

[محمد وارث]

واہ بہت خوبصورت غزل ہے، لا جواب!

 

[مغزل]

بہت شکریہ وارث بھائی ۔۔ بہت شکریہ

 

[ش زاد]

حضور عمدہ کلام ہے

خوش رہئے مغل صاحب

 

[مغزل]

بہت شکریہ شین زاد ۔۔۔۔ سلامت رہو ۔
لگتا ہے اس دن کی تھکن آج اتری ہے ۔۔
اجازت ہو نقاب کشائی کردوں ؟؟

 

[ش زاد]

بہت شکریہ شین زاد ۔۔۔۔ سلامت رہو ۔
لگتا ہے اس دن کی تھکن آج اتری ہے ۔۔
اجازت ہو نقاب کشائی کردوں ؟؟

حضور بہت شکریہ۔۔۔۔۔۔۔۔۔۔۔
جی حضرت کر دیجیئے ۔۔۔۔۔۔۔۔۔۔۔۔۔۔
ویسے کس بات کی نقاب کشائی کرنا مقصود ہے؟؟؟؟؟؟؟؟؟؟؟؟؟؟؟؟؟؟؟؟