کانگو آئرش فوٹو گرافر کی نظر میں
- صاحب لڑی جاسمن
- تاریخ ابتداء
جاسمن
لائبریرین
اس تصویر کو بنانے کے لیے نگرانی میں استعمال کی جانے والی فوجی ٹیکنالوجی اور کیمو فلاج کا سراغ لگانے والی انفرا ریڈ فلم، جسے کوڈیک ایروکروم بھی کہا جاتا ہے استعمال کی گئی۔ فضا سے جاسوسی کے لیے استعمال کی جانے والے یہ فلم انسانی آنکھ کو دکھائی نہ دینے والی انفرا ریڈ روشنی ہی کو محسوس کرتی ہے، تصویر میں شوخ ارغوانی، قرمزی اور پُرحرارت گلابی رنگ اسی کا نتیجہ ہیں۔
جاسمن
لائبریرین
’میری خواہش تھی کہ میں یہ کام وہاں کروں جہاں حقائق مشکل ترین اور بیانیہ فوری اظہار کا متقاضی لیکن جسے آسانی سے بیان نہ کیا جا سکے۔ کانگو ایسی ہی جگہ ہے۔ یہاں جنگ کا ایک ایسا لامتناہی سلسلہ ہے کہ غیر حقیقی لگتا ہے۔ یہ طویل، پیچیدہ اور بل کھاتا ہوا تنازع ہے۔ اس میں ایسے باغی ہیں جو مسلسل لڑتے رہتے ہیں اور وفاداریاں بھی تبدیل کرتے رہتے ہیں۔یہ بیانیہ سفاکانہ بھی ہے اور المناک بھی، یہ کوئی کہانی نہیں ہے جسے آسانی سے بیان کر دیا جائے‘۔
جاسمن
لائبریرین
’اس خصوصی فلم نے مجھے اپنے کردار کے ذریعے اپنے بارے میں ایک ایسے سفید فام مرد فوٹوگرافر کے طور پر سوچنے کا موقع دیا جو کانگو میں لکڑی کے ایک بڑے کیمرے کے ساتھ ہے، اس نے مجھے فوٹو جرنلزم کے ان اصولوں کا جائزہ لینے کا موقع دیا، جو مجھے ہر تنازع کی نمائندگی کے دوران ہمیشہ خود پر تھوپے ہوئے لگتے تھے، میں انھیں اپنے مخصوص انداز میں چیلنج کرنے کا خواہش مند تھا‘۔
