کبھی تیری آنکھوں میں آنسو نہ آئیں

[ارشد چوہدری]

الف عین
عظیم
شکیل احمد خان23
محمد عبدالرؤوف
---------
کبھی تیری آنکھوں میں آنسو نہ آئیں
میں کرتا ہوں دن رات رب سے دعائیں
--------
محبّت تمہاری ہے دل میں سمائی
یوں بھانے لگی ہیں تمہاری ادائیں
-------
تری زلف چھو کر یہ آئی ہیں شائد
معطّر تبھی ہیں یہ بھیگی ہوائیں
---------
بِنا تیرے دل پر اداسی ہے چھائی
تجھے اپنے دل سے بھلا ہی نہ پائیں
---------
تری زلفیں ایسی ہیں جیسے خدا نے
سجائیں ہوں سر پر ترے کچھ گھٹائیں
---------
لگا روگ ہم کو محبّت کا تیری
اسے ہم زمانے سے کیسے چھپائیں
----------
تمنّا ہے ارشد کی ایسا کرو تم
کبھی ہم سے روٹھو ِ منانے کو آئیں
--------

 

[شکیل احمد خان23]

کبھی تیری آنکھوں میں آنسو نہ آئیں
میں کرتا ہوں دن رات رب سے دعائیں
خداسے ہیں دِن رات میری دُعائیں
--------
محبّت تمہاری ہے دل میں سمائی
یوں بھانے لگی ہیں تمہاری ادائیں
محبت ہے کچھ ایسے دِل میں سمائی
کہ بھاتی ہیں ساری تمھاری ادائیں
-------
تری زلف چھو کر یہ آئی ہیں شائد
معطّر تبھی ہیں یہ بھیگی ہوائیں
تری زلف کو چھو کے آئی ہیں شاید
یہ خوشبو سے پُر، بھیگی بھیگی ہوائیں
---------
بِنا تیرے دل پر اداسی ہے چھائی
تجھے اپنے دل سے بھلا ہی نہ پائیں
ترے بن اُداسی ہے یوں دل پہ چھائی
تُلی بیٹھی ہوں ۔۔۔۔جیسے کالی گھٹائیں
---------

تری زلفیں ایسی ہیں جیسے خدا نے
سجائیں ہوں سر پر ترے کچھ گھٹائیں۔یہ مصرع بیان کے اعتبار سے تشبیہ کا حق ادا نہیں کرپارہا
---------
لگا روگ ہم کو محبّت کا تیری لگا تیری الفت کا جو روگ ہے تو
اسے ہم زمانے سے کیسے چھپائیں
----------
تمنّا ہے ارشد کی ایسا کرو تم
کبھی ہم سے روٹھو ِ منانے کو آئیں۔ ابہام، غیرواضح، غیرمربوط

 

[شکیل احمد خان23]

تری زلف کو چھو کے آئی ہیں شاید
یہ خوشبو سے پُر، بھیگی بھیگی ہوائیں

اصلاح الاصلاح
تری زلف کو چھو کے آئی ہیں شاید
یہ خوشبو بھری۔۔ بھیگی بھیگی ہوائیں