تاہم طریقۂ ہذا خطرۂ عزت و ناموس سے خالی نہیں کہ ایسی ہی پھوکٹ کی ورق گردانیوں کے دوران مابدولت کو نگاہ خشمگیں اور بسا اوقات کتب کے جھپٹے جانے کے تجربۂ ہتک آمیز سے واسطہ پڑا ہے ، اور مبینہ ہر دو اعمال ناپسندیدہ کے عامل وہاں کا زود رنج کتب فروش ہی ہوتا !
جی یہ کتاب میرے پاس بھی ہے اور واقعی عمدہ کتاب ہے۔
جی اس کا حل بھی میرے پاس تھا۔ 'تھا' اس لیے کہ اب میں خود کہیں جا کر کتابیں کم ہی خریدتا ہوں۔ وہ حل یہ تھا کہ کسی بُک شاپ یا پرانی کتابوں کے اسٹال پر جاتے ہی دو تین کتابیں اٹھا کر علیحدہ کر لیتا تھا کہ یہ 'خرید' لی ہیں، اس سے دکاندار سمجھ جاتا تھا کہ یہ سنجیدہ خریدار ہے اور "پھوکٹ" میں ورق گردانی کرنے نہیں آیا۔ ایک بار ان کو اس بات کا یقین ہو جائے تو پھر وہ مدد بھی کرتے ہیں اور کتابیں نکال نکال کر بخوشی دکھاتے بھی ہیں۔تاہم طریقۂ ہذا خطرۂ عزت و ناموس سے خالی نہیں کہ ایسی ہی پھوکٹ کی ورق گردانیوں کے دوران مابدولت کو نگاہ خشمگیں اور بسا اوقات کتب کے جھپٹے جانے کے تجربۂ ہتک آمیز سے واسطہ پڑا ہے ، اور مبینہ ہر دو اعمال ناپسندیدہ کے عامل وہاں کا زود رنج کتب فروش ہی ہوتا !
واہ! ہم سمجھے، یہ ترکیب صرف ہمیں معلوم ہے۔ بس، فرق اتنا ہے کہ ہم جاتے ہی ایک آدھ کتاب 'خرید'لیتے ہیں اور دکان دار کے پاس بطور 'امانت' رکھوا دیتے ہیں اور یہ کتاب عام طور پر بغور دیکھے پرکھے بغیر خرید لی جاتی ہے۔ یوں، دکان کے سیلز مین یا مالک اس خیال سے ہماری 'نگرانی' ترک کر دیتے ہیں کہ بندہ محض معائنہ کے لیے تشریف لایا ہوا 'ڈاکٹر'نہیں ہے بلکہ وہ نادان پنچھی ہے جو خودبخود جال میں پھنس گیا۔ اور یوں ہم، من پسند کتب کا انتخاب دیر سے کرتے ہیں اور آخر میں 'خریدی'گئی کتاب شکریہ کے ساتھ دکان دار کو واپس تھما دیتے ہیں کہ اب اس کی ضرورت نہیں رہی۔جی اس کا حل بھی میرے پاس تھا۔ 'تھا' اس لیے کہ اب میں خود کہیں جا کر کتابیں کم ہی خریدتا ہوں۔ وہ حل یہ تھا کہ کسی بُک شاپ یا پرانی کتابوں کے اسٹال پر جاتے ہی دو تین کتابیں اٹھا کر علیحدہ کر لیتا تھا کہ یہ 'خرید' لی ہیں، اس سے دکاندار سمجھ جاتا تھا کہ یہ سنجیدہ خریدار ہے اور "پھوکٹ" میں ورق گردانی کرنے نہیں آیا۔ ایک بار ان کو اس بات کا یقین ہو جائے تو پھر وہ مدد بھی کرتے ہیں اور کتابیں نکال نکال کر بخوشی دکھاتے بھی ہیں۔
ویسے، پاکستانیوں کو واقعی کاروبار کرنا نہیں آتا ہے۔ اگر یہی دکان دار گاہکوں کو عزت و تکریم دیں تو ان کی سیلز تین چار گنا بڑھ سکتی ہیں مگر یہاں یہ توقع کی جاتی ہے کہ جو گاہک شاپ میں آئے، وہ کتاب ضرور بالضرور خریدے۔ یہ رویہ بعض اوقات ناقابل برداشت ہو جاتا ہے۔