فرخ منظور
لائبریرین
کراہتے ہوئے دِل
مَیں اسپتال کے بستر پہ تم سے اتنی دُور
یہ سوچتا ہُوں کہ ایسی عجیب دُنیا میں
نہ جانے آج کے دن کیا نہیں ہُوا ہو گا
کِسی نےبڑھ کے ستارے قفس کیے ہوں گے
کسی کے ہات میں مہتاب آگیا ہو گا
جلائی ہوں گی کِسی کے نفَس نے قِندیلیں
کِسی کی بزم میں خورشید ناچتا ہو گا
کِسی کو ذہن کا چھوٹا سا تازیانہ بہت
کسی کو دل کی کشاکش کا حوصلہ ہو گا
نہ جانے کِتنے ارادے اُبھر رہے ہوں گے
نہ جانے کِتنے خیالوں کا دل بڑھا ہو گا
تمھاری پُھول سی فطرت کی سِطح نرم سے دُور
پہاڑ ہوں گے ، سمندر کا راستہ ہو گا
یہ سوچتا ہُوں کہ ایسی عجیب دُنیا میں
نہ جانے آج کے دن کیا نہیں ہُوا ہو گا
کِسی نےبڑھ کے ستارے قفس کیے ہوں گے
کسی کے ہات میں مہتاب آگیا ہو گا
جلائی ہوں گی کِسی کے نفَس نے قِندیلیں
کِسی کی بزم میں خورشید ناچتا ہو گا
کِسی کو ذہن کا چھوٹا سا تازیانہ بہت
کسی کو دل کی کشاکش کا حوصلہ ہو گا
نہ جانے کِتنے ارادے اُبھر رہے ہوں گے
نہ جانے کِتنے خیالوں کا دل بڑھا ہو گا
تمھاری پُھول سی فطرت کی سِطح نرم سے دُور
پہاڑ ہوں گے ، سمندر کا راستہ ہو گا
یہ ایک فرض کا ماحَول ، فرض کا سنگیت
یہ اسپتال کے آنسُو ، یہ اسپتال کی رِیت
مرے قریب بہت سے مریض اور بھی ہیں
پُکارتی ہُوئی آنکھیں ، کراہتے ہُوے دِل
بہت عزیز ہے اِن سب کو زندگی اپنی
یہ اپنی زیست کا احساس کیسی نعمت ہے
یہ اسپتال کے آنسُو ، یہ اسپتال کی رِیت
مرے قریب بہت سے مریض اور بھی ہیں
پُکارتی ہُوئی آنکھیں ، کراہتے ہُوے دِل
بہت عزیز ہے اِن سب کو زندگی اپنی
یہ اپنی زیست کا احساس کیسی نعمت ہے
مگر مجھے یہی الجھن کہ زندگی کی یہ بھیک
جو مِل گئی بھی تو کِتنی ذرا سی بات مِلی
کِسی کے ہات مہتاب آگیا بھی تو کیا
کسی کے قدموں میں سُورج کا سرجُھکا بھی تو کیا
ہُوا ہی کیا جو یہ چھوٹی سی کائنات مِلی ؟
مرے وجُود کی گہری ، خموش ویرانی
تمھیں یہاں کے انّدھیرے کا عِلم کیا ہو گا
تمھیں تو صرف مقّدر سے چاند رات مِلی
جو مِل گئی بھی تو کِتنی ذرا سی بات مِلی
کِسی کے ہات مہتاب آگیا بھی تو کیا
کسی کے قدموں میں سُورج کا سرجُھکا بھی تو کیا
ہُوا ہی کیا جو یہ چھوٹی سی کائنات مِلی ؟
مرے وجُود کی گہری ، خموش ویرانی
تمھیں یہاں کے انّدھیرے کا عِلم کیا ہو گا
تمھیں تو صرف مقّدر سے چاند رات مِلی
مصطفیٰ زیدی
( شہر ِ آزر )