ناصر کاظمی کسی کلی نے بھی دیکھا نہ آنکھ بھر کے مجھے

[NAZRANA]

کسی کلی نے بھی دیکھا نہ آنکھ بھر

کسی کلی نے بھی دیکھا نہ آنکھ بھر کے مجھے
گزر گئی جرس گل اداس کرکے مجھے
میں سو رہا تھا کسی یاد کے شبستاں میں
جگا کے چھوڑ گئے قافلے سحر کے مجھے
میں تیرے درد کی تغیانیوں میں ڈوب گیا
پکارتے رہے تارے ابھر ابھر کے مجھے
تیرے فراق کی راتیں کبھی نہ بھولیں گی
مزے ملے انہی راتوں میں عمر بھر کے مجھے
ذرا سی دیر ٹہرنے دے اے غمِ دنیا
بلا رہا ہے کوئی بام سے اتر کے مجھے

کلامِ ناصر کاظمی

 

[جہانزیب]

واہ بہت خوب غزل ارسال کی ہے آپ نے ناصر کاظمی کی شاعری میں سادگی اور گہرائی کے کیا کہنے ہیں

 

[فرحت کیانی]

کسی کلی نے بھی دیکھا نہ آنکھ بھر کے مجھے ۔ ناصر کاظمی

کسی کلی نے بھی دیکھا نہ آنکھ بھر کے مجھے
گزر گئی جرسِ گل اداس کر کے مجھے

میں سو رہا تھا کسی یاد کے شبستانوں میں
جگا کے چھوڑ گئے قافلے سحر کے مجھے

میں تیرے درد کی طغیانیوں میں ڈوب گیا
پکارتے رہے تارے ابھر ابھر کے مجھے

تیرے فراق کی راہیں کبھی نہ بھولیں گی
مزے ملے انہیں راتوں میں عمر بھر کے مجھے

ذرا سی دیر ٹھہرنے دے اے غمِ دنیا
بلا رہا ہے کوئی بام سے اتر کے مجھے


۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کون اس راہ سے گزرتا ہے
دل یونہی انتظار کرتا ہے

شہرِ گل میں کٹی ہے ساری رات
دیکھئے دن کہاں گزرتا ہے

دھیان کی سیڑھیوں پہ پچھلے پہر
کوئی چپکے سے پاؤں دھرتا ہے

دل تو میرا اداس ہے ناصر
شہر کیوں سائیں سائیں کرتا ہے




۔۔۔ناصر کاظمی

 

[ظفری]

کسی کلی نے بھی دیکھا نہ آنکھ بھر کے مجھے
گذر گئی جرسِ گُل اداس کرکےمجھے

میں سو رہا تھا کسی یاد کے شبستاں میں
جگا کے چھوڑ گئے قافلے سحر کے مجھے

میں تیرے درد کی طغیانیوں میں ڈوب گیا
پکارتے رہے تارے اُبھر اُبھر کے مجھے

ترے فراق کی راتیں کبھی نہیں بھولیں گی
مزے ملے اُنہی راتوں میں عمر کے مجھے

میں رو رہا تھا مقدر کی سخت راہوں میں
اُڑا کے لے گئے جادو تری نظر کے مجھے​

 

[الف عین]

یہ غزل کیا یہاں موجود نہیں تھی اب تک؟ مطلع میں ’آنکھ بھر‘ ہونا چاہئے، نظر بھر‘ شاید ظفری کی ڈائری کی غلطی ہے۔

 

[ظفری]

یہ غزل کیا یہاں موجود نہیں تھی اب تک؟ مطلع میں ’آنکھ بھر‘ ہونا چاہئے، نظر بھر‘ شاید ظفری کی ڈائری کی غلطی ہے۔

استاد ِ محترم ! اس گستاخی کے لیئے معذرت خواہ ہوں ۔ دراصل میری ارسال کردہ ناصر کاظمی کی غزل اس لحاظ سے دیگر لوگوں سے منفرد تھی کہ اس میں مقطع نہیں تھا ۔

ویسے میں نے مطلع میں " آنکھ بھر " ہی لکھا ہے ۔ شاید عنوان میں چُوک ہوگئی ہو ۔ آپ تو اپنے اس نالائق شاگرد کو جانتے ہی ہیں ۔

 

[محمد وارث]

ناصر کاظمی کی یہ انتہائی خوبصورت غزل ہے، مطلع کے تو کیا ہی کہنے۔ میں اس کا بیت الغزل ڈھونڈتے ڈھونڈتے ادھر آ گیا اور افسوس وہی اس میں نہیں ہے، سو یہ اس کو یہاں لکھنے کا شرف مجھے مل رہا ہے۔

پھر آج آئی تھی اک موجۂ ہوائے طرب
سنا گئی ہے فسانے ادھر ادھر کے مجھے