کناں مان سی اکھاں تے (عمران شناور)

[عمران شناور]

کناں مان سی اکھاں تے
جا ڈگیاں نیں ککھاں تے

لوکی دشمن ہو جاندے
اوہنوں کول جے رکھاں تے

ساہ وی ویری ہو جاندے
دل توں دور جے رکھاں تے

توں ای ساڈا نئیں‌ہویا
مان کی کرئیے لکھاں تے

جوگ مقدر بن جاندا
پیار دا زہر جے چکھاں تے

اپنا گھر وی سڑ دا ویکھ
ہتھ نہ رکھ ہن اکھاں تے

تیلی بال کے سٹ عمران
جاندا جاندا ککھاں تے

(عمران شناور)​

 

[محمد وارث]

سوہنا کلام آکھیا تساں عمران صاحب، بہت خوب!

 

[محمد نعمان]

زبردست کلام اے جناب بہت ہی اچھے واہ واہ۔۔۔

 

[عمران شناور]

وارث جی تے نعمان جی! تہاڈا دوہنواں دا بوہت بوہت شکریہ!

 

[آصف شفیع]

عمران ! پنجابی وچ وی چنگا کہہ رہے او۔ بہت اچھے بھئی۔

 

[عمران شناور]

عمران ! پنجابی وچ وی چنگا کہہ رہے او۔ بہت اچھے بھئی۔

بوہت شکریہ جناب آصف صاحب

 

[Saraah]

جوگ مقدر بن جاندا
پیار دا زہر جے چکھاں تے

بہت سوہنا

 

[مغزل]

کی گل اے صاحب، سبحان اللہ ، مولیٰ خوش رکھے ، جیوندے روو۔

 

[عمران شناور]

جوگ مقدر بن جاندا
پیار دا زہر جے چکھاں تے

بہت سوہنا

بڑی میربانی جناب دی!

 

[عمران شناور]

کی گل اے صاحب، سبحان اللہ ، مولیٰ خوش رکھے ، جیوندے روو۔

بوہت شکریہ محمود صاب!