حسینی
محفلین
کوئٹہ: زائرین کی بس پر فائرنگ اور دستی بم حملہ 3 افراد جاں بحق، متعدد زخمی
بلوچستان کے علاقے تفتان میں ہوٹل پر زائرین کی کھڑی بس پر فائرنگ اور دستی بم حملہ میں تین افراد جاں بحق جبکہ متعدد زخمی ہو گئے۔
کوئٹہ: (دنیا نیوز) ذرائع کے مطابق زائرین کی بس ایران سے کوئٹہ آ رہی تھی اور نامعلوم افراد نے تفتان میں ہوٹل پر کھڑی بس پر فائرنگ اور دستی بم سے حملے کیا، مسلح افراد 10 سے 15 منٹ تک فائرنگ کرتے رہے۔ فائرنگ اور دستی بم حملے کے نتیجے میں تین افراد جاں بحق جبکہ متعدد زخمی ہو گئے۔ اسسٹنٹ کمشنر دالبندین کے مطابق جائے وقوعہ پر امدادی ٹیمیں روانہ کر دی گئی ہیں۔ فائرنگ اور دستی بم حملے سے علاقہ میں خوف و ہراس پھیل گیا۔ سربراہ مجلس وحدت المسلیمن راجہ ناصر عباس جعفری نے تفتان میں زائرین کی بس پر حملے کی شدید مذمت کرتے ہوئے کہا حکومت زخمی زائرین کو فوری طور پر طبی امداد دے اور محفوظ مقام پر پہنچائے۔ واضح رہے یکم جنوری قمبرانی روڈ کے قریب اختر آباد میں زائرین کی بس کے قریب بم دھماکے کے نتیجے میں 2 افراد جاں بحق اور بس اسکواڈ کے اہلکار، خواتین اور بچوں سمیت 20 سے زائد افراد زخمی ہو گئے تھے۔ اس سے پہلے بھی کوئٹہ تفتان قومی شاہراہ پر مستونگ کے علاقے میں ایران میں زیارتوں کے لیے کوئٹہ سے جانے والے یا ایران سے واپس آنے والے زائرین پر کئی حملے ہو چکے ہیں۔
بلوچستان کے علاقے تفتان میں ہوٹل پر زائرین کی کھڑی بس پر فائرنگ اور دستی بم حملہ میں تین افراد جاں بحق جبکہ متعدد زخمی ہو گئے۔
کوئٹہ: (دنیا نیوز) ذرائع کے مطابق زائرین کی بس ایران سے کوئٹہ آ رہی تھی اور نامعلوم افراد نے تفتان میں ہوٹل پر کھڑی بس پر فائرنگ اور دستی بم سے حملے کیا، مسلح افراد 10 سے 15 منٹ تک فائرنگ کرتے رہے۔ فائرنگ اور دستی بم حملے کے نتیجے میں تین افراد جاں بحق جبکہ متعدد زخمی ہو گئے۔ اسسٹنٹ کمشنر دالبندین کے مطابق جائے وقوعہ پر امدادی ٹیمیں روانہ کر دی گئی ہیں۔ فائرنگ اور دستی بم حملے سے علاقہ میں خوف و ہراس پھیل گیا۔ سربراہ مجلس وحدت المسلیمن راجہ ناصر عباس جعفری نے تفتان میں زائرین کی بس پر حملے کی شدید مذمت کرتے ہوئے کہا حکومت زخمی زائرین کو فوری طور پر طبی امداد دے اور محفوظ مقام پر پہنچائے۔ واضح رہے یکم جنوری قمبرانی روڈ کے قریب اختر آباد میں زائرین کی بس کے قریب بم دھماکے کے نتیجے میں 2 افراد جاں بحق اور بس اسکواڈ کے اہلکار، خواتین اور بچوں سمیت 20 سے زائد افراد زخمی ہو گئے تھے۔ اس سے پہلے بھی کوئٹہ تفتان قومی شاہراہ پر مستونگ کے علاقے میں ایران میں زیارتوں کے لیے کوئٹہ سے جانے والے یا ایران سے واپس آنے والے زائرین پر کئی حملے ہو چکے ہیں۔
