شو کمار بٹالوی کوئی بول وے مکھوں بول ۔ شو کمار بٹالوی

[فرخ منظور]

بول وے مکھوں بول

کوئی بول وے مکھوں بول
سجناں سانولیا
ساڈے ساہ وچ چیتر گھول
سجناں سانولیا
جے ساڈے ساہیں چیتر گھولیں
میں ہرنی بن جاواں
روپ تیرے دے سنگھنے باگیں
چگن سوگندھیاں آواں
توں مینوں ماریں باب برہوں دے
میں نتڑی غش کھاواں
لکھ پیاویں میں نہ پیواں
بول سوگندھیاں سوہل
سجناں سانولیا
ساڈے ساہ وچ چیتر گھول
سجناں سانولیا
جے ساڈے ساہیں چیتر گھولیں
میں چانن بن جاواں
ادھی راتیں ون چنن دے
تینڈی خاطر گاواں
مہک کواری پیروں بھاری
تینڈی سیج وچھاواں
ستے پے دا چمن لے کے
جاواں پرت اڈول
سجناں سانولیا
ساڈے ساہ وچ چیتر گھول
سجنا سانولیا
جے ساڈے ساہیں چیتر گھولیں
میں بدلی بن جاواں
جیہڑے راہیں ساہ تیرا لنگھے
اس راہ تے ورھ جاواں
ویدن دے کھوہ عمروں گہرے
گل گل بھردی جاواں
جیہڑے کھوہیں لج نہ ہوندی
نہ ہوندے سو ڈول
سجناں سانولیا
ساڈے ساہ وچ چیتر گھول
سجنا سانولیا
جے ساڈے ساہیں چیتر گھولیں
میں تتلی بن جاواں
بور برہوں دا عقلوں مہنگا
در در ونڈن جاواں
رکھ برہون دا نیہوں نکا
ارباں کوہ پرچھاواں
ایہ رکھ جیہا اولڑا اگدا
عین کلیجے کول
سجناں سانولیا
ساڈے ساہ وچ چیتر گھول
سجنا سانولیا
کوئی بول وے مکھوں بول
سجناں سانولیا
(شو کمار بٹالوی)

ہنس راج ہنس دی اواز وچ سنو۔
​

 

[غدیر زھرا]

ایہہ رکھ جیہا اولڑا اگدا
عین کلیجے کول

واہ واہ..شو ہوراں دا کلام سدا ہی سوہنے اکھراں نال بھریا ہوندا اے..تے اتوں ہنس راج ہنس دی آواز ہووے تے سواد ای آ جاندا اے..
ونڈن لئی شکریہ سر

 

[لاریب مرزا]

پوری طرح سمجھ تو نہیں آئی لیکن پڑھنے میں کافی اچھا معلوم ہوا یہ کلام!!

 

[توقیر عالم]

اسی پنجابی آں پر بہتے لفظاں دی سمجھ نئی آئی پر کلام ودیاھ ہے

 

[جاسمن]

ودھیا

 

[فرخ منظور]

اسی پنجابی آں پر بہتے لفظاں دی سمجھ نئی آئی پر کلام ودیاھ ہے

کیہڑے کیہڑے لفظ دی سمجھ نہیں آئی او لکھ دیو اوہدے معانی میں لکھ دیاں گیاں۔