کوئی جنگل ضرور اُس پار ہوگا

[احسان الٰہی احسان]

شجر کوئی تو با اثمار ہو گا
کوئی جنگل ضرور اُس پار ہوگا


سکوں مِل جائے گا ان وحشتوں کو
میسر جب تمہارا پیار ہوگا

اسے بھی آزمانا ہے تجھی کو
جو رستے میں بڑا کہسار ہو گا

نقاہت سے بھرے دیوارو در ہیں
کوئی اس گھر میں بھی بیمار ہو گا

ارادوں میں نہیں کوئی تسلسل
یہاں کوئی الگ معیار ہو گا

یہاں یوسف نہیں بکتا کوئی بھی
یہ شاید کچھ نیا بازار ہو گا

تمہارے پیچھے جو احسان آیا
تمہاری طرح وہ بھی خوار ہو گا
احسان الٰہی احسان​

 

[احسان الٰہی احسان]

میرا تعارف۔ انگلش ٹیچر ایم اے کلاسز، اردو، انگلش اور پنجابی شاعر، ٹرانسلیٹر (بابا محمد یحییٰ کی تمام کتابوں کا ترجمہ اردو سے انگلش کیا) پبلیشڈ بکس دو اردو شاعری اور ایک انگلش شاعری،صدر ایوانِ ادب چکوال۔

 

[عمر سیف]

میرا تعارف۔ انگلش ٹیچر ایم اے کلاسز، اردو، انگلش اور پنجابی شاعر، ٹرانسلیٹر (بابا محمد یحییٰ کی تمام کتابوں کا ترجمہ اردو سے انگلش کیا) پبلیشڈ بکس دو اردو شاعری اور ایک انگلش شاعری،صدر ایوانِ ادب چکوال۔

خوش آمدید

اور غزل بہت عمدہ ہے۔

سکوں مل جائے گا ان وحشتوں کو ۔۔۔

 

[احسان الٰہی احسان]

خوش آمدید

اور غزل بہت عمدہ ہے۔

سکوں مل جائے گا ان وحشتوں کو ۔۔۔

شکریہ جی