شکیب جلالی کوئی دیکھے تو سہی یار طرح دار کا شہر

[فرحان محمد خان]

کوئی دیکھے تو سہی یار طرح دار کا شہر
میری آنکھوں میں سجا ہے لب و رخسار کا شہر

دشت احساس میں شعلہ سا کوئی لپکا تھا
اسی بنیاد پہ تعمیر ہوا پیار کا شہر

اس کی ہر بات میں ہوتا ہے کسی بھید کا رنگ
وہ طلسمات کا پیکر ہے کہ اسرار کا شہر

میری نظروں میں چراغاں کا سماں رہتا ہے
میں کہیں جاؤں مرے ساتھ ہے دلدار کا شہر

یوں تری گرم نگاہی سے پگھلتے دیکھا
جس طرح کانچ کا گھر ہو مرے پندار کا شہر

دل کا آفاق سمٹتا ہی چلا جاتا ہے
اور پھیلے گا کہاں تک در و دیوار کا شہر

مسکراتے رہیں سینے کے دہکتے ہوئے داغ
دائم آباد رہے درد کی سرکار کا شہر​

شکیب جلالی​

 

[عبداللہ محمد]

بہت خوب جناب۔
کیا شکیب صاب کی کتاب کا نام معلوم ہو سکتا جس میں یہ غزل ہے؟

 

[چودھری مصطفی]

یوں تری گرم نگاہی سے پگھلتے دیکھا
جیسے کوئی کانچ کا گھر ہو مرے پندار کا شہر

بہت خوب

 

[فرحان محمد خان]

بہت خوب جناب۔
کیا شکیب صاب کی کتاب کا نام معلوم ہو سکتا جس میں یہ غزل ہے؟

میرے پاس اُن کے گلیات ہیں اور یہ اس میں سے ہے

 

[فرحان محمد خان]

یوں تری گرم نگاہی سے پگھلتے دیکھا
جیسے کوئی کانچ کا گھر ہو مرے پندار کا شہر

بہت خوب

شکریہ جناب

 

[عبداللہ محمد]

میرے پاس اُن کے گلیات ہیں اور یہ اس میں سے ہے

اور یہ کُلیات کہاں سے دستیاب ہو سکتے ہیں؟

 

[عؔلی خان]

بہت خوب جناب۔
کیا شکیب صاب کی کتاب کا نام معلوم ہو سکتا جس میں یہ غزل ہے؟

روشنی اے روشنی!

پڑھنے کے لیے یہاں کِلک کیجیے-

جزاک اللہ خیر-

 

[فرحان محمد خان]

اور یہ کُلیات کہاں سے دستیاب ہو سکتے ہیں؟

میرے پاس کتابی شکل میں ہیں باقی بھائی عؔلی خان کا لنک دیکھ لیجیئے
اور کلیاتِ شکیب جلالی اس میں pdf موجود ہے