کون آئے گا یہاں کوئی نہ آیا ہوگا - کیف بھوپالی

[سید زبیر]

​

کون آئے گا یہاں کوئی نہ آیا ہوگا

​

کون آئے گا یہاں کوئی نہ آیا ہوگا​

میرا دروازہ ہواوں نے ہلایا ہوگا​

دل ناداں نہ دھڑک اے دل ناداں نہ دھڑک​

کوئی خط لے کے پڑوسی کے گھر آیا ہوگا​

اس گلستاں کی یہی ریت ہے اے شاخ گل​

تو نے جس پھول کو پالا وہ پرایا ہوگا​

دل کی قسمت ہی میں لکھا تھا اندھیراشائد​

ورنہ مسجد کا دیا کس نے بجھایا ہوگا​

گل سے لپٹی ہوئی تتلی کو گرا کر دیکھو​

آندھیوں تم نے درختوں کو گرایا ہوگا​

کھیلنے کے لیے بچے نکل آئے ہوں گے​

چاند اب اس کی گلی میں اتر آیا ہوگا​

کیف پردیس میں مت یاد کرو اپنا مکاں​

اب کے بارش نے اسے توڑ گرایا ہوگا​

کیف بھوپالی​

​

 

[محمداحمد]

واہ واہ واہ ۔۔۔۔!

کیا ہی خوبصورت غزل ہے۔

ایک ایک شعر کمال ہے۔

 

[نیرنگ خیال]

کیا خوبصورت غزل ہے سر سید زبیر
بہت سی داد اس حسن انتخاب پر

 

[بلال جلیل]

جگجیت سنگھ
http://vimow.com/watch?v=cz0_AaixcRg