کون سا ای ریڈر بہتر ہے؟

[زیک]

اب آئ پیڈ پر کتابیں پڑھنے کی کوشش کی ہے مگر کنڈل بہتر لگا. آئ پیڈ بڑا اور بھاری ہے بیٹری جلد ختم ہوتی ہے اور اندھیرے میں سکرین کی روشنی تنگ کرتی ہے

 

[hackerspk]

آئی پیڈ استعمال نہیں کیا مگر یہ ٹیبلیٹ کافی ہلکا ہے اور اس میں وکی پیڈیا آف لائن اور ڈکشنری وغیرہ گیمز فلاں جمع فلاں ساتھ ہوتے ہیں اور مزید یہ کہ میں نہ یونیورسٹی کتب بھی سکین کر کے اسی میں ڈال رکھی ہیں یونیورسٹی کتاب ساتھ لے کر نہیں جاتا۔ بیٹری بھی تقریبا 5 سے 7 گھنٹے نکالتی ہے۔

 

[قیصرانی]

میرا سابقہ کنڈل تو میری اپنی غلطی سے سکرین تڑوا بیٹھا تھا۔ دوسرا فورتھ جنریشن والا لیا ہے تو اس میں وہ مزہ نہیں آتا کہ اسے گرپ کرنے کی مناسب جگہ نہیں۔ دوسرا یہ بھی اس کا مسئلہ ہے کہ پیج ریفریش پانچ یا چھ صفحات کے بعد کام کرتا ہے۔ یعنی تین یا چار صفحہ کے بعد ایسا محسوس ہوتا ہے جیسے اخباری کاغذ پر چھپا ہوا ہو۔ بیٹری بھی محض پندرہ گھنٹے۔ تاہم دیگر تمام ریڈرز کی نسبت مجھے کنڈل سب سے زیادہ اچھا لگا

 

[شمشاد]

تو پھر کون سا اچھا ہے، آپ کا کیا مشورہ ہے؟ کون سا لیا جائے؟

نام اور specs اگر لکھ دیں۔

 

[قیصرانی]

میرے خیال میں اس لنک پر موجود کنڈل سب سے زیادہ اچھا ہے

ایمازن کنڈل 189 $

اگرچہ اس میں تھری جی بھی موجود ہے جس کی عام طور پر ضرورت نہیں پڑتی۔ دوسرا اس کی بیٹری لائف 30 گھنٹے ہے۔ اس کے علاوہ اس کی میموری بھی 4 جی بی ہے جس میں تین جی بی سے زیادہ یوزر کے استعمال کے لئے ہوتی ہے۔ اگرچہ یہ خصوصیات دیگر کنڈل میں بھی پائی جاتی ہیں لیکن کی بورڈ کی وجہ سے اس پر گرفت کرنا آسان ہو جاتا ہے۔ میرے پاس جو ہے، وہ اتنا آسان نہیں اگر لیٹ کر پڑھا جائے تو

تھری جی کی وجہ سے اس کنڈل کی قیمت پچاس ڈالر سے بھی زیادہ بڑھ گئی ہے۔ شپنگ اور ہینڈلنگ ملا کر دو سو تیس ڈالر کا مل جانا چاہیئے

 

[انتہا]

دھاگہ تو کافی پرانا ہے لیکن میری نظر سے آج گزرا یا پھر میں ادھر سے نہیں گزرا۔ میرے خیال میں ٹیبلیٹ پی سی لیں ای بک ریڈرز سے وہ بہتر ہے میں خود چائنہ کا ایک ٹیبلیٹ استعمال کر رہا ہوں نوو سیون ایڈوانسڈ سولہ ہزار روپے کا لیا تھا لیکن پیسے پورے ہو گئے ہیں۔ اردو کتابیں تصویری شکل میں بھی بآسانی پڑھ دیتا ہے۔ اس کے علاوہ گوگل انڈرائڈ اسنسٹال ہے پہلے جنجربرڈ دو اعشاریہ کچھ تھا اب میں نے چار اعشاریہ صفر آئس کریم سینڈویچ انسٹال کیا ہے جس میں یونی کوڈ کی سپورٹ بھی شامل ہے اور ساٹھ ستر زبانیں شامل ہیں مگر اردو نہیں ہے۔ لیکن اردو الفاظ کی سپورٹ پوری ہے مکمل یونی کوڈڈ ہے۔ گوگل پلے سے منٹانو ریڈر انسٹال کیا ہے۔ جو پی ڈی ایف کو پڑھتا ہے۔ اگر آپ رات کو پڑھ رہے ہوں تو صفحہ سیاہ اور الفاظ سفید ہو جاتے ہیں جس آنکھوں کی بچت ہوتی ہے اور بیٹری کی بھی۔ تھوڑا گرم ہوتا ہے۔ اگر کسی ساتھی کو مذید معلومات یا تصاویر درکار ہوں تو مجھ کہو یار۔ ☺

تو پھر زحمت کرکے کچھ تصاویر لگا دیجیے اس کی، اگر اردو صفحات والی بھی ہوں تو کیا کہنے۔۔۔۔

 

[hackerspk]

انتہا تو انتہا کی بھی انتہا کر دیتے ہیں زحمت کیسی؟

عربی، اردو اور انگریزی تینوں کے نمونہ جات حاضر ہیں۔
سرورق

رات کو پڑھنے کے لیے پس منظر سیاہ الفاظ سفید یاد رہے یہ تصویری پی ڈی ایف ہیں۔

دن کے وقت لینڈ سکیپ موڈ میں

دو صفحی پی ڈی ایف

وکی پیڈیا عربی آف لائن

وکی پیڈیا انگریزی آف لائن

بریٹانیکا آف لائن انگریزی

اردو سے اردو لغت

 

[نبیل]

کیا کسی نے کنڈل فائر استعمال کیا ہے؟

 

[انتہا]

اس انتہائی کرم نوازی پر انتہا کی طرف سے انتہائی شکریہ۔
پاکستان میں یہ کتنے کا مل رہا ہے اور کہاں دستیاب ہے۔ بیٹری لائف کی کارکردگی کیسی ہے؟

 

[hackerspk]

چائنہ سے ایک دوست سے منگوایا تھا سولہ ہزار کا سنا ہے پاکستان میں بھی مل جاتا ہے۔ کمپنی نے یہ ماڈل بند کر دیا ہے نیا جاری کیا ہے اس ماڈل کی اصل کامیابی انڈرائڈ چار اعشاریہ صفر ہے جو یونیکوڈ کو سپورٹ کرتا ہے ہم جیسوں کے لیے خاص طور پر۔ یہ سات انچ کا ہے اور بیٹری اگر صرف کتاب پڑھیں تو سات گھنٹے اور اگر گیمیں کھیلیں تو چار گھنٹے سے اوپر ہے۔ 5 ماہ سے زیر استعمال ہے۔

 

[قیصرانی]

کیا کسی نے کنڈل فائر استعمال کیا ہے؟

کنڈل فائر میں نے ایک بار دیکھا ہے لیکن کتب پڑھنے کے لئے مزہ نہیں دیتا۔ البتہ بطور ٹیبلٹ کمپیوٹر اتنا برا نہیں