کوہِ سبلان کے دامن میں آذربائجانی خانہ بدوشوں کا افطار

[حسان خان]

کوہِ سبلان ایرانی صوبے اردبیل میں واقع ایک مرتفع پہاڑ ہے جو کہ خطۂ آذربائجان کا حصہ ہے۔
دراصل ایرانی آذربائجان کا پورا خطہ ان پانچ صوبوں میں منقسم ہے: مشرقی آذربائجان، مغربی آذربائجان، اردبیل، زنجان اور قزوین۔۔۔

یہ چند تصاویر کوہِ سبلان کے دامن میں مقیم ایک خانہ بدوش آذربائجانی عشیرے کے افطار کی طرز سے متعلق ہیں۔ دلچسپ بات یہ ہے کہ صدیوں پہلے سارے ترک قبائل اسی طرح خانہ بدوش ہوا کرتے تھے۔

افطار کے لیے نان پکائے جا رہے ہیں

تازے دودھ کا بندوبست کیا جا رہا ہے

افطار کے لیے غذا پکائی جا رہی ہے

ایک شخص اذان دیتے ہوئے

نماز پڑھی جا رہی ہے

افطار

افطار کے بعد قرآن پڑھا جا رہا ہے

بابا جی روایتی آذری ٹوپی پہنے ہوئے ہیں جسے ترکی میں 'پاپاق' کہا جاتا ہے۔

ماہِ رمضان کا چاند

ماخذ

 

[زبیر مرزا]

کس قدر دلکش اورسادہ طرزِ حیات ہے اورکیا خوب رونقِ رمضان ہے سبحان اللہ

 

[حسان خان]

اس خانہ بدوش عشیرے کی روزمرہ کی زندگی کی ایک جھلک:

 

[زبیر مرزا]

ہر تصویرایک مکلمل داستان ہے - میاں ٹیگ کیا ہے کسی کو یا نہیں؟
نایاب بھائی محمود احمد غزنوی بھائی نیرنگ خیال نیلم حسیب نذیر گِل تلمیذ صاحب

 

[تلمیذ]

ہر تصویرایک مکلمل داستان ہے - میاں ٹیگ کیا ہے کسی کو یا نہیں؟
نایاب بھائی محمود احمد غزنوی بھائی نیرنگ خیال نیلم حسیب نذیر گِل تلمیذ صاحب

ٹیگ کرنے کے لئے شکر گزاری، زبیر مرزا صاحب
میں یہ تصاویر دیکھ کر انہیں ریٹ کر چکا ہوں۔ حسان خان کا ذوق و شوق یقینا قابل داد و تحسین ہے کہ وہ ہمارے لئے ایسی خوبصورت تصاویرڈھونڈھ کر یہاں پوسٹ کرتے رہتے ہیں۔ جنہیں دیکھ کر اپنے دین اسلام کی یکجہتی ا وریگانگت پر یقین مزید پختہ ہو جاتا ہے۔

 

[محمود احمد غزنوی]

زبردست۔۔۔بہت سادہ، خالص اور دلکش طرزِ زندگی۔۔۔۔کشف المحجوب میں داتا صاحب نے بھی آذربائیجان کے درویشوں کے چند چشم دید واقعات قلمبند کئے ہیں۔۔۔یہ لوگ بھی لگتا ہے شائد اس زمانے سے زیادہ دور نہیں گئے ابھی تک۔۔۔

 

[عمر سیف]

بہت زبردست حسان

 

[حسان خان]

یہ لوگ بھی لگتا ہے شائد اس زمانے سے زیادہ دور نہیں گئے ابھی تک۔۔۔

تمام ترک اقوام میں خانہ بدوشی کی روایت ابھی تک موجود ہے۔
چند روز قبل بی بی سی پر ازبک خانہ بدوشوں کی یہ تصاویر دیکھی تھیں:

ربط

ترکمن خانہ بدوش

قزاق خانہ بدوش

قرغز خانہ بدوش

مشرقی ترکستان (سنکیانگ) کے اویغر خانہ بدوش

ایران کے قشقائی ترک خانہ بدوش

یہ ساری قومیں مسلمان ہیں۔

 

[تلمیذ]

یہ تصاویر بھی نہایت عمدہ ہیں۔ جزاک اللہ!

 

[زبیر مرزا]

سبحان اللہ کیا آزاد پرندوں سی اورفطرت سے قریب طرزِحیات ہے

 

[اوشو]

کیا اس سے خوبصورت کوئی زندگی ہو سکتی ہے؟

 

[نیلم]

کتنی سادہ زندگی اور کتنی سادہ خوراک ہے ان کی ،،،ترکی اور افغنستان کی ثقافت آپس میں بہت ملتی ہے رنگ و روپ بھی کھانا پینا بھی لباس بھی۔۔اٹک میں بہت سارے افغانی ہجرت کر کے آئے تھے ۔اُن کی روٹی بھی بالکل ایسی ہی ہوتی تھی ۔لیکن وہ لوگ صفائی کے معاملے میں لاپرواہ تھے بہت ۔

بہت اچھی شئیرنگ ہیں ۔

 

[غدیر زھرا]

بہت زبردست شئیرنگ جزاک اللہ

 

[تلمیذ]

یہ ان کی مخصوص روٹی یا نان ہے اور ہمارے ہاں کے تندورچی (سوائے چند پشتونوں کے) ایسا نان نہیں بنا سکتے ۔یہ شوربے والے سالن کے ساتھ خوب مزہ دیتا ہے۔

 

[امجد میانداد]

بہت عمدہ تصاویر،
شئیرنگ کا شکریہ حسان خان
یہ ٹوپی "پاپاق" دیکھ کر بچپن کی برفباریاں یاد آ گئیں، جب ہم بھی یہ ٹوپیاں پہنے لپٹے کانوں، منجمد انگلیوں اور سرخ و سرد ناک کے باوجود کھیل چھوڑنے کو تیار نہیں ہوتے تھے۔
اور ہزارہ، کشمیر اور انڈیا کے ملحقہ علاقوں میں گجر قبیلے اب بھی اپنی تمام تر روایات کے ساتھ ایسی ہی سادہ خانہ بدوشی کی زندگی گزار رہے ہیں، میں بھی گجر قبیلے ہی سے تعلق رکھتا ہوں اور مجھے اپنے اجداد کی اساس وہ خانہ بدوش بہت اچھے لگتے ہیں۔

 

[تلمیذ]

ایک بہت اچھی بات کی ہے آپ نے @امجدمیانداد جی۔
اپنے آباواجداد کی روایات سے عقیدت اور اس کی ترویج انسانی جبلت اورایک قابل تحسین امر ہے۔ لیکن اگر آپ میری گذارش کا رخ صرف اپنی طرف نہ موڑیں تو عرض کروں کہ فی زمانہ اس وصف کا بے حد فقدان ہو گیا ہے اور عامۃ الناس اپنے پرکھوں کی ا چھی اور عمدہ روایات کو بھول بیٹھے ہیں اور دور جدید کی مادیت پسند قباحتوں اور معاشی عدم استحکام نےایک جھاڑو سا پھیر دیا ہے اور آپ کے نشان دہی کردہ مخصوص حوالے سے ہماری معاشرت تلپٹ ہو کر رہ گئی ہے۔

 

[تلمیذ]

امجد میانداد
آپ کا بتایا ہوا طریقہ استعمال کیا ہے۔

 

[انعام الحق]

زندگی کا حسن سادگی میں ہے ۔ جس کے سینے میں دھڑکنے والا دل احساس کی دولت سے معمور ہے وہ ان تصاویر کو دیکھ کر بے ساختہ داد دینے کے لیے آمادہ ہو جائے گا۔ کیونکہ یہ قابل تحسین تصاویر کسی کے دل کی کیفیات کی عکاسی کرتی ہیں ۔
بہت عمدہ ۔۔۔۔۔۔۔۔ بہت خوبصورت ہیں۔

 

[ملائکہ]

واہ حسان بہت خوبصورت جگہ بہت خوبصورت لوگ۔۔۔ میرا بھی دل چاہ رہا ہے جانے کا۔۔۔۔۔