کچھ اس دل میں نزاکت بھی تو ہے نا

[نوید ناظم]

مفاعیلن مفاعیلن فعولن
۔۔۔۔۔۔۔۔۔

کچھ اس دل میں نزاکت بھی تو ہے نا
پھر اوپر سے محبت بھی تو ہے نا

یہ سچ ہے وہ وفا کرتا رہا ہے
اُسے خود سے شکایت بھی تو ہے نا

چلو اُس کو ستم گر کہہ دیا تھا
تو پھر اس میں حقیقت بھی تو ہے نا

بھلا ہم کو کہاں ملتا غم اتنا
بس اپنوں کی عنایت بھی تو ہے نا

وہ میرا ہوگیا پھر اس میں کیا ہے
مجھے اُس کی ضرورت بھی تو ہے نا

 

[نوید ناظم]

محترم سر الف عین

 

[الف عین]

ہمیشہ کی طرح اچھی غزل ہے۔ مطلع البتہ۔۔۔۔ دل کی نازکی کا محبت سے تعلق؟

 

[نوید ناظم]

ہمیشہ کی طرح اچھی غزل ہے۔ مطلع البتہ۔۔۔۔ دل کی نازکی کا محبت سے تعلق؟

بہت شکریہ سر۔۔۔
مصرع بدل دیا ہے اب۔
اداسی میری عادت بھی تو ہے نا
پھر اوپر سے محبت بھی تو ہے نا

 

[الف عین]

ہاں یہ مطلع درست ہے