کچھ ستارے جگمگانے کے لیے موجود ہیں ۔۔۔۔۔۔۔۔۔۔۔۔۔ ثروت حسین

[فلک شیر]

آدمی کو رہ دکھانے کے یے موجود ہیں​

کچھ ستارے جگمگانے کے لیے موجود ہیں​

​

ابر، دیواریں ، سمندر اور نادیدہ افق​

رہرووں کو آزمانے کے لیے موجود ہیں​

​

کیوں گرفتہ دل نظر آتی ہے اے شامِ فراق​

ہم جو تیرے ناز اُٹھانے کے لیے موجود ہیں​

​

دیکھتا رہتا ہوں اشیاے تصرف کی طرف​

یہ کھلونے ٹوٹ جانے کے لیے موجود ہیں​

​

پیشِ پا افتادہ قریے، سربرآوردہ شجر​

سو بہانے دل لگانے کے لیے موجود ہیں​

​

کون کر سکتا ہے ایسے میں کسی دریا کا رُخ​

جب وہ آنکھیں ڈوب جانے کے لیے موجود ہیں​

​

میں درختوں سے مخاطب ہوں خدائے عز و جل​

جو زمیں پر سر اُٹھانے کے لیے موجود ہیں​

​

ثروت حسین​

 

[قاری محمد عثمان صدیقی]

بہت ہی عمدہ کلام اورپیغام ہے

 

[صائمہ شاہ]

واہ

سو بہانے دل لگانے کے لیے موجود ہیں۔۔

 

[فلک شیر]

بہت ہی عمدہ کلام اورپیغام ہے

شکریہ سر

 

[فلک شیر]

واہ

سو بہانے دل لگانے کے لیے موجود ہیں۔۔

شکریہ شاہ صاحبہ

 

[قاری محمد عثمان صدیقی]

میرے خلوص کی گہرائی سے نہیں ملتے
یہ جھوٹے لوگ ہیں سچائی سے نہیں ملتے

وہ سب سے ملتے ہوئے ہم سے ملنے آتا ہے
ہم اس طرح کسی ہرجائی سے نہیں ملتے

پُرانے زخم ہیں کافی ، شمار کرنے کو
سو، اب کِسی بھی شناسائی سے نہیں ملتے

 

[طارق شاہ]

کیوں گرفتہ دِل نظر آتی ہے، اے شامِ فِراق !
ہم جو تیرے ناز اُٹھانے کے لیے موجود ہیں

کون کر سکتا ہے، ایسے میں کسی دریا کا رُخ
جب وہ آنکھیں ڈوب جانے کے لیے موجود ہیں

کیا کہنے !

 

[فلک شیر]

کیوں گرفتہ دِل نظر آتی ہے، اے شامِ فِراق !
ہم جو تیرے ناز اُٹھانے کے لیے موجود ہیں

کون کر سکتا ہے، ایسے میں کسی دریا کا رُخ
جب وہ آنکھیں ڈوب جانے کے لیے موجود ہیں

کیا کہنے !

شکریہ جناب شاہ صاحب

 

[فلک شیر]

محمداحمد

 

[محمد تابش صدیقی]

عمدہ انتخاب.

محمداحمد

کچھ دنوں سے غیر حاضر ہیں یہاں پر.

 

[نمرہ]

سو بہانے دل لگانے کے لیے موجود ہیں! واہ۔

 

[مژگان نم]

کیوں گرفتہ دل نظر آتی ہے اے شامِ فراقہم جو تیرے ناز اُٹھانے کے لیے موجود ہیں​

واہ اعلی

 

[مژگان نم]

می کو رہ دکھانے کے یے موجود ہیںکچھ ستارے جگمگانے کے لیے موجود ہیں​

یہ جو ہم ہیں نہ احساس میں جلتے ہوئے لوگ
ہم گر زمیں زاد نہ ہوتے تو ستارے ہوتے