کھاتا ہی رہا شوق سے میں پان وغیرہ از نویدظفرکیانی

[نویدظفرکیانی]

کھاتا ہی رہا شوق سے میں پان وغیرہ
اور پان مرے کھا گئے دندان وغیرہ

کھینچیں نہ اگر اِن کو پکڑ کر تیرے سسرے
کس کام کے آخر یہ ترے کان وغیرہ

جب شامتِ اعمال نے گچی میری پکڑی
میرے تو اُڑا لے گئی اوسان وغیرہ

لازم ہے کہ اعمالِ کرپشن میں ہوں یکساں
جمہوری حکومت کے نگہبان وغیرہ

تعمیرِ وطن کے لئے اربابِ وطن کو
لیڈر نہیں درکار ہیں ترکھان وغیرہ

ہے خدمتِ قومی کے لئے شرطِ ضروری
مل جائے وزارت کا قلمدان وغیرہ

شرمندہ ہیں ہم ایرے و غیرے یہاں جی کے
پائندہ ہیں پردھان شری مان وغیرہ

کس نیکی کے چکر میں سرِ کوئے نگاراں
بانٹ آتے ہیں عشاق دل و جان وغیرہ

یوں پھیلتا جاتا ہے کوئی فضلِ خدا سے
تنگ پڑنے لگے کمرہ و دالان وغیرہ

اُس شخص کی کج فہمی کے انداز تو دیکھو
لیڈر کو سمجھتا ہے جو انسان وغیرہ

اُس شوخ کی خاطر میں گلے کس کے پڑا تھا
دامن سے لگا آ کے گریبان وغیرہ

اسپیڈ ذرا کم ہی رہے جوشِ جنوں کی
ہو جاتا ہے اُس کوچے میں چالان وغیرہ

اشعار سنانے کا کوئی رسک کیا لیتا
ہم نے بھی اُٹھا رکھا تھا دیوان وغیرہ

نویدظفرکیانی

 

[ڈاکٹرعامر شہزاد]

بہت ہی اعلیٰ ۔ زبردست اور نمکین غزل شیئر کرنے کا شکریہ

 

[عرفان قادر]

ہاہااااااااااا۔
کھینچیں نہ اگر اِن کو پکڑ کر تیرے سسرے
کس کام کے آخر یہ ترے کان وغیرہ

 

[عاطف ملک]

یوں پھیلتا جاتا ہے کوئی فضلِ خدا سے
تنگ پڑنے لگے کمرہ و دالان وغیرہ

تعمیرِ وطن کے لئے اربابِ وطن کو
لیڈر نہیں درکار ہیں ترکھان وغیرہ

لازم ہے کہ اعمالِ کرپشن میں ہوں یکساں
جمہوری حکومت کے نگہبان وغیرہ

بہت ہی اعلیٰ!
مزا آگیا

 

[ایچ اے خان]

ہونا تو یہ چاہیے تھا

لازم ہے کہ اعمالِ کرپشن میں ہوں یکساں
فوجی حکومت کے نگہبان وغیرہ

 

[نویدظفرکیانی]

ہونا تو یہ چاہیے تھا

لازم ہے کہ اعمالِ کرپشن میں ہوں یکساں
فوجی حکومت کے نگہبان وغیرہ

۔
لیکن مشاہدہ تو کچھ اور کہتا ہے۔۔۔اب تک کی نام نہاد جمہوری حکومتوں کا جائزہ لیں تو آوے کا آوا بگڑا ہوا نظر آتا ہے۔

 

[ایچ اے خان]

۔
لیکن مشاہدہ تو کچھ اور کہتا ہے۔۔۔اب تک کی نام نہاد جمہوری حکومتوں کا جائزہ لیں تو آوے کا آوا بگڑا ہوا نظر آتا ہے۔

بھائی جو دکھتا نہیں ہے کرپشن وہیں ہے

 

[امجد علی راجا]

کھاتا ہی رہا شوق سے میں پان وغیرہ
اور پان مرے کھا گئے دندان وغیرہ

کھینچیں نہ اگر اِن کو پکڑ کر تیرے سسرے
کس کام کے آخر یہ ترے کان وغیرہ

جب شامتِ اعمال نے گچی میری پکڑی
میرے تو اُڑا لے گئی اوسان وغیرہ

لازم ہے کہ اعمالِ کرپشن میں ہوں یکساں
جمہوری حکومت کے نگہبان وغیرہ

تعمیرِ وطن کے لئے اربابِ وطن کو
لیڈر نہیں درکار ہیں ترکھان وغیرہ

ہے خدمتِ قومی کے لئے شرطِ ضروری
مل جائے وزارت کا قلمدان وغیرہ

شرمندہ ہیں ہم ایرے و غیرے یہاں جی کے
پائندہ ہیں پردھان شری مان وغیرہ

کس نیکی کے چکر میں سرِ کوئے نگاراں
بانٹ آتے ہیں عشاق دل و جان وغیرہ

یوں پھیلتا جاتا ہے کوئی فضلِ خدا سے
تنگ پڑنے لگے کمرہ و دالان وغیرہ

اُس شخص کی کج فہمی کے انداز تو دیکھو
لیڈر کو سمجھتا ہے جو انسان وغیرہ

اُس شوخ کی خاطر میں گلے کس کے پڑا تھا
دامن سے لگا آ کے گریبان وغیرہ

اسپیڈ ذرا کم ہی رہے جوشِ جنوں کی
ہو جاتا ہے اُس کوچے میں چالان وغیرہ

اشعار سنانے کا کوئی رسک کیا لیتا
ہم نے بھی اُٹھا رکھا تھا دیوان وغیرہ

نویدظفرکیانی

ماشاءالله, بهت عمده کلام. بهت ساری داد آپ کی خدمت میں. آپ کے اس ایک کلام کی تفسیر میں کتاب لکھی جا سکتی هے, . بس طبیعت خوش هو گئی. الله پاک آپ کو سلامت رکھے. آمین