'کھلاڑیوں نے پُش اپس لگا کر کس کو پیغام دیا'

[محمداحمد]

اسلام آباد: قومی کرکٹ ٹیم کے کھلاڑیوں کی جانب سے پُش اپس کرنے کا معاملہ پارلیمنٹ تک جا پہنچا ہے اور قومی اسمبلی کی قائمہ کمیٹی برائے بین الصوبائی رابطہ کے حکومتی اراکین نے اس پر اپنے تحفظات کا اظہار کیا ہے۔

قومی اسمبلی کی قائمہ کمیٹی برائے بین الصوبائی رابطہ کا اجلاس بدھ کو منعقد ہوا جس میں پاکستان کرکٹ بورڈ (پی سی بی) کی ایگزیکٹو کمیٹی کے چیئرمین نجم سیٹھی نے شرکت کی۔

اجلاس کے دوران قائمہ کمیٹی کے رکن رانا محمد افضل خان نے پاکستانی کھلاڑیوں کی جانب سے میچ کے بعد پش اپس نکالنے پر اعتراضات کرتے ہوئے کہا کہ آخر مصباح الحق اور دیگر کھلاڑی جیت پر پُش اپس کر کے کس کو پیغام دے رہے تھے۔

پاکستان کرکٹ میں 'پش اپ' لگانے کا سلسلہ اُس وقت شروع ہوا جب قومی ٹیسٹ کرکٹ ٹیم کے کپتان مصباح الحق نے انگلینڈ کے لارڈز کرکٹ گراؤنڈ پر پہلے ٹیسٹ میچ میں شاندار سنچری کے بعد سیلیوٹ کرکے 10 پُش اپس لگائے۔


مصباح کے ان پش اپس کا مقصد پاک آرمی کی جانب سے لگائے گئے تربیتی کیمپ میں فوجی ٹرینرز کی تربیت پر ان کو خراج تحسین پیش کرنا تھا۔

مصباح الحق نے اپنے غیرروایتی جشن کا حوالہ دیتے ہوئے کہا تھا کہ انھوں نے آرمی کے جوانوں سے وعدہ کیا تھا کہ اگر کبھی سنچری اسکور کی تو میں ضرور پش اپس لگاؤں گا تاکہ یاد دلا سکوں کہ ہم وہاں آئے تھے۔

لارڈز میں انگلینڈ کے خلاف فتح کے بعد پاکستان کی پوری ٹیم نے ڈنڈ نکالے تھے جبکہ ایجبسٹن میں سنچری اسکور کرنے کے بعد نائب کپتان اظہر علی نے بھی اسی انداز سے جشن منایا تھا۔


فیصل آباد سے مسلم لیگ (ن) کے رکن قومی اسمبلی منتخب ہونے والے رانا محمد افضل خان نے کہا کہ کھلاڑی جیت کر تو پش اپس لگاتے ہیں لیکن ہارنے پر خاموش کیوں رہتے ہیں۔

انہوں نے سوال اٹھایا کہ 'جیتے تو پش آپس اور ہارے تو خاموشی، آخر چکر کیا ہے؟'

اظہر علی نے بھی ویسٹ انڈیز کے خلاف ٹیسٹ سنچری پر پش اپس کیے تھے — فوٹو: اے ایف پی

مسلم لیگ (ن) کے محمد عاصم نذیر کو بھی کھلاڑیوں کا یہ انداز نہ بھایا اور انہوں نے کہا کہ اچھلنا کودنا اچھا ہے لیکن پش اپس کرنے کے بجائے کھلاڑی کامیابی پر نوافل ادا کرتے تو زیادہ بہتر ہوتا۔

کمیٹی کے اجلاس میں موجود پی سی بی کی ایگزیکٹو کمیٹی کے چیئرمین نجم سیٹھی اس بات کا کوئی جواب نہ دے سکے، تاہم انہوں نے انکشاف کیا کہ پی سی بی نے کھلاڑیوں کو پش اپس کرنے سے روک دیا ہے اور اب ٹیم میں پش اپس کا سلسلہ بند ہو گیا ہے۔

انہوں نے وضاحت دیتے ہوئے کہا کہ ٹیسٹ کپتان مصباح الحق نے سنچری بنانے پر اپنی فٹنس دکھانے کیلئے پُش اپس لگائے تھے جس پر کھلاڑیوں نے ان کی پیروی کی ۔

نجم سیٹھی نے کہا کہ کاکول میں آرمی کے ٹرینرز کی زیر نگرانی تربیت کے باعث کھلاڑیوں نے ایسا کیا، لیکن اب اس عمل کو روک دیا گیا ہے۔

بعدازاں نجم سیٹھی نے ایک ٹوئٹ کرتے ہوئے کہا کہ کھلاڑی جس طرح بھی چاہیں جشن منا سکتے ہیں، پش اپس پر کوئی پابندی نہیں۔

اجلاس میں ایک سوال کے جواب میں نجم سیٹھی نے کہا کہ آئرلینڈ کی کرکٹ ٹیم دورہ پاکستان کے لیے تیار تھی تاہم کراچی ائیرپورٹ واقعے کے بعد دورہ منسوخ ہوا اور وزیر اعظم بھی اس واقعے کے بعد ٹیم کی سیکیورٹی کے حوالے سے فکرمند تھے۔

انہوں نے کہا کہ جب بھی کسی ٹیم کو دورہ پاکستان کے لیے قائل کیا جاتا ہے تو دہشت گردی کا کوئی نہ کوئی واقعہ رونما ہوجاتا ہے۔


بشکریہ ڈان نیوز

 

[arifkarim]

 

[محمداحمد]

’’پُش اَپ‘‘ لگاؤ...’’شٹ اَپ‘‘ کراؤ! ۔ کرکنامہ

 

[arifkarim]

انہوں نے کہا کہ جب بھی کسی ٹیم کو دورہ پاکستان کے لیے قائل کیا جاتا ہے تو دہشت گردی کا کوئی نہ کوئی واقعہ رونما ہوجاتا ہے

جتنے منہ اتنی سازشیں

 

[محمداحمد]

 

[انیس الرحمن]

شکر ہے نواز نے بال لگوالیے۔۔۔ ورنہ مصباح پھسل کر زخمی ہوسکتا تھا۔۔۔

 

[محمد وارث]

مصباح کی حد تک، وہ بھی صرف پہلی بار، ٹھیک تھا لیکن پوری ٹیم کا یکجا ہو کر ایسا کرنا فقط شوخی اور شوخ پن تھا۔

 

[arifkarim]

مصباح کی حد تک، وہ بھی صرف پہلی بار، ٹھیک تھا لیکن پوری ٹیم کا یکجا ہو کر ایسا کرنا فقط شوخی اور شوخ پن تھا۔

خوشی کیسے منانی ہے یہ بھی حکومت بتائے گی؟

 

[محمد وارث]

خوشی کیسے منانی ہے یہ بھی حکومت بتائے گی؟

آپ اپنے الفاظ میرے منہ کیوں‌ ڈال رہے ہیں سر، میں نے کہاں لکھا ایسا؟

اطلاعا عرض ہے ایک عام بات کر رہا تھا۔ ہر کھیل کے اپنے ادب و آداب اور روایات ہوتی ہیں۔ کرکٹ کی اپنی ہیں۔ یہ کوئی دیسی کشتی یا کبڈی کا میچ تھوڑا ہی تھا کہ ڈنڈ بیٹھکیں پیلیں جائیں سو اس کھیل کی روایات کو فالو کرنا چاہیئے۔ مصباح نے ذاتی طور پر ایسا کر لیا تھا، ٹھیک تھا۔ بحیثیت مجموعی ٹیم جب کوئی عمل کریں گے تو پھر وہ ذاتی نہیں رہے گا۔

 

[محمداحمد]

آپ اپنے الفاظ میرے منہ کیوں‌ ڈال رہے ہیں سر، میں نے کہاں لکھا ایسا؟

اطلاعا عرض ہے ایک عام بات کر رہا تھا۔ ہر کھیل کے اپنے ادب و آداب اور روایات ہوتی ہیں۔ کرکٹ کی اپنی ہیں۔ یہ کوئی دیسی کشتی یا کبڈی کا میچ تھوڑا ہی تھا کہ ڈنڈ بیٹھکیں پیلیں جائیں سو اس کھیل کی روایات کو فالو کرنا چاہیئے۔ مصباح نے ذاتی طور پر ایسا کر لیا تھا، ٹھیک تھا۔ بحیثیت مجموعی ٹیم جب کوئی عمل کریں گے تو پھر وہ ذاتی نہیں رہے گا۔

جناب کی بات بجا!

تاہم حکومت کے تحفظات کچھ اور ہیں اس سلسلے میں۔

 

[arifkarim]

اطلاعا عرض ہے ایک عام بات کر رہا تھا۔ ہر کھیل کے اپنے ادب و آداب اور روایات ہوتی ہیں۔ کرکٹ کی اپنی ہیں۔ یہ کوئی دیسی کشتی یا کبڈی کا میچ تھوڑا ہی تھا کہ ڈنڈ بیٹھکیں پیلیں جائیں سو اس کھیل کی روایات کو فالو کرنا چاہیئے۔ مصباح نے ذاتی طور پر ایسا کر لیا تھا، ٹھیک تھا۔ بحیثیت مجموعی ٹیم جب کوئی عمل کریں گے تو پھر وہ ذاتی نہیں رہے گا۔

ویسٹ اینڈیز نے ورلڈ کپ جیتنے کے بعد گینگنام اسٹائل ڈانس کیا تھا۔ دوسری ٹیمیں اپنے کلچر کے حساب سے خوشی مناتی ہیں۔ کھیل کی روایات منجمد نہیں ہوتی جو کسی خاص طرز پر خوشی منانے پر پابندی لگائی جائے۔

 

[محمد وارث]

تاہم حکومت کے تحفظات کچھ اور ہیں اس سلسلے میں۔

اگر تو فوج کے حوالے سے ہیں تو پھر اس سے بیوقوف حکومت دنیا میں نہیں یقینا۔

 

[arifkarim]

جناب کی بات بجا!

تاہم حکومت کے تحفظات کچھ اور ہیں اس سلسلے میں۔

حکومت کے سر پر فوج کا خوف ہے اسلئے ڈر کر پابندی لگائی ہے۔

 

[محمد وارث]

ویسٹ اینڈیز نے ورلڈ کپ جیتنے کے بعد گینگنام اسٹائل ڈانس کیا تھا۔ دوسری ٹیمیں اپنے کلچر کے حساب سے خوشی مناتی ہیں۔ کھیل کی روایات منجمد نہیں ہوتی جو کسی خاص طرز پر خوشی منانے پر پابندی لگائی جائے۔

آپ پھر غلط سمجھے۔ خاص طرز پر خوشی منانے پر پابندی کی میں نے کوئی بات نہیں کی۔ فقط شوخ پن کی بات کی ہے۔ کل کلاں کوئی ٹیم گراؤنڈ میں نیکیریں بھی اتار کر خوشی منانی شروع کر دے تو آپ نہ لگائیے گا پابندی۔ اخلاقیات اور شائستہ پن بھی اسی دنیا کی دو چڑیاؤں کا نام ہے۔ نجم سیٹھی کا بیان قابل ستائش ہے کہ کوئی پابندی نہیں، اور میں بھی کسی قانونی یا حکما پابندی کی بات نہیں کر رہا، فقط اخلاقی نہج پر بات کر رہا ہوں۔

 

[arifkarim]

آپ پھر غلط سمجھے۔ خاص طرز پر خوشی منانے پر پابندی کی میں نے کوئی بات نہیں کی۔ فقط شوخ پن کی بات کی ہے۔ کل کلاں کوئی ٹیم گراؤنڈ میں نیکیریں بھی اتار کر خوشی منانی شروع کر دے تو آپ نہ لگائیے گا پابندی۔ اخلاقیات اور شائستہ پن بھی اسی دنیا کی دو چڑیاؤں کا نام ہے۔ نجم سیٹھی کا بیان قابل ستائش ہے کہ کوئی پابندی نہیں، اور میں بھی کسی قانونی یا حکما پابندی کی بات نہیں کر رہا، فقط اخلاقی نہج پر بات کر رہا ہوں۔

میرے خیال میں پش اپس اور سلوٹ مارنے میں کوئی اخلاقی برائی نہیں ہے۔ اسے شوخ پن سے جوڑنا بھی درست نہیں۔ یہ غالبا فوجی ٹرینر کو خراج تحسین پیش کیا گیا تھا۔

 

[سید عاطف علی]

۔ کل کلاں کوئی ٹیم گراؤنڈ میں نیکیریں بھی اتار کر خوشی منانی شروع کر دے تو آپ نہ لگائیے گا پابندی۔۔

پاکستان کے پش اپس لگانے میں ایسا کیا ہوا ؟؟؟
انگلینڈ کی ٹیم نے کیا کیا تھا یاد نہیں؟؟؟
جشن ہر کس بقدر سسٹمِ اوست۔

میرے خیال میں پش اپس اور سلوٹ مارنے میں کوئی اخلاقی برائی نہیں ہے۔ اسے شوخ پن سے جوڑنا بھی درست نہیں۔ یہ غالبا فوجی ٹرینر کو خراج تحسین پیش کیا گیا تھا۔

آپ نے شاید شوخی کو منفی معنی میں لیا ۔شوخی تو مزاحیہ اور دوستانہ انداز بھی ہو سکتا ہے ۔ اور ہاں اس میں اخلاقی برائی بھی نہیں ۔

 

[محمد وارث]

میرے خیال میں پش اپس اور سلوٹ مارنے میں کوئی اخلاقی برائی نہیں ہے۔ اسے شوخ پن سے جوڑنا بھی درست نہیں۔ یہ غالبا فوجی ٹرینر کو خراج تحسین پیش کیا گیا تھا۔

ہو گیا نہ خراجِ تحسین، کپتان نے کر لیا سب کچھ، بعد میں امام کے پیچھے نیت کر کے خراجِ تحسین دے رہے تھے کہ عبادت کر رہے تھے۔ اور ہارنے کے بعد خراجِ غمگین بھی تو دینا چاہیے تھا نہ، کیا خیال ہے؟

 

[محمد وارث]

پاکستان کے پش اپس لگانے میں ایسا کیا ہوا ؟؟؟
انگلینڈ کی ٹیم نے کیا کیا تھا یاد نہیں؟؟؟
جشن ہر کس بقدر سسٹمِ اوست۔

پاکستان کے پش اپس میں کچھ "ایسا" نہیں ہوا، یہ تو عارف صاحب کی بات کے جواب میں تھا کہ ہر ملک کو اپنے کلچر کے مطابق خوشی کا جشن منانے دیں، اور یہ ایک حفظِ ما تقدم کے طور پر ایک تخیلاتی منظر تھا جس میں کوئی ٹیم خوشی کا جشن ایسے بھی منا سکتی ہے۔

 

[محمداحمد]

میرے خیال میں (دو چار بار ) پش اپس اور سلوٹ مارنے میں کوئی اخلاقی برائی نہیں ہے۔

متفق

رہی حکومت! تو میں چاہتا ہوں کہ کرپشن کے خلاف جو مہم چلائی جا رہی ہے اُس میں سب لوگ اسی طرح حکومت کو 'خراج' پیش کریں۔

 

[محمداحمد]

جشن ہر کس بقدر سسٹمِ اوست۔