کہیں تشنگی بے حساب ہے۔۔

[فرحت کیانی]

یہ جو زندگی کی کتاب ہے، یہ کتاب بھی کیا کتاب ہے
کہیں اک حسین سا خواب ہے، کہیں جان لیوا عذاب ہے۔

کہیں چھاؤں، کہیں دھوپ ہے، کہیں اور ہی کوئی روپ ہے
کئی چہرے اس میں چُھپے ہوئے، اک عجیب سا یہ نقاب ہے۔

کہیں کھو دیا کہیں پا لیا، کہیں رو لیا، کہیں گا لیا
کہیں چھین لیتی ہے ہر خوشی، کہیں مہرباں بے حساب ہے۔

کہیں آنسوؤں کی ہے داستاں، کہیں مسکراہٹوں کا بیاں
کہیں برکتوں کی ہیں بارشیں، کہیں تشنگی بے حساب ہے۔

۔۔۔۔نامعلوم

 

[عمر سیف]

بہت خوب۔
جگجیت سنگھ نے اسے گایا بھی خوب ہے اور شاعر میرے خیال سے جاوید اختر ہیں۔

 

[محمد وارث]

لا جواب، بہت خوب

 

[محسن وقار علی]

بہت خوب۔خاص کر اس شعر کا تو جواب نہیں

کہیں آنسوؤں کی ہے داستاں، کہیں مسکراہٹوں کا بیاں
کہیں برکتوں کی ہیں بارشیں، کہیں تشنگی بے حساب ہے