مجید امجد کیا سوچتے ہو، پھولوں کی رت بیت گئی، رُت بیت گئی : مجید امجد

[مانی عباسی]

کیا سوچتے ہو، پھولوں کی رت بیت گئی، رُت بیت گئی​

وہ رات گئی، وہ بات گئی، وہ ریت گئی، رُت بیت گئی​

​

اک لہر اٹھی اور ڈوب گئے ہونٹوں کے کنول۔ آنکھوں کے دئے​

اک گونجتی آبدھی وقت کی بازی جیت گئی، رُت بیت گئی​

​

تم آگئے میری باہوں میں، کونین کی پینگیں جھول گئیں​

تم بھول گئے، جینے کی جگت سے ریت گئی، رُت بیت گئی​

​

پھر تہر کے میرے اشکوں میں گلپوش زمانے لوٹ چلے​

پھر چھیڑ کے دل میں ٹیسوں کے سنگیت گئی، رُت بیت گئی​

​

اک دھیان کے پاؤں ڈول گئے، اک سوچ نے بڑھ کر تھام لیا​

اک آس ہنسی، اک یاس سنا کر گیت گئی، رُت بیت گئی​

​

یہ لالہ و گل کیا پوچھتے ہو، سب لطفِ نظر کا قصّہ ہے​

رُت بیت گئی جب دل سے کسی کی پیت گئی، رُت بیت گئی​

​

مجید امجد​

 

[عمر سیف]

خوب

 

[محمداحمد]

واہ ۔۔۔۔!

کیا ہی خوبصورت غزل ہے۔

اس حسن انتخاب پر داد قبول کیجے۔

 

[محمداحمد]

پڑھی ہوئی غزلیں پھر سے پڑھنے کا بھی اپنا ہی مزہ ہے۔

اور اگر یادداشت ہماری طرح کی ہے تو پھر ہر بار نئی غزل کا لطف الگ ہے۔

 

[فرحت کیانی]

یہ لالہ و گل کیا پوچھتے ہو، سب لطفِ نظر کا قصّہ ہے

واہ۔ بہت خوب۔
شیئرنگ کے لئے بہت شکریہ۔

 

[فرحت کیانی]

پڑھی ہوئی غزلیں پھر سے پڑھنے کا بھی اپنا ہی مزہ ہے۔

اور اگر یادداشت ہماری طرح کی ہے تو پھر ہر بار نئی غزل کا لطف الگ ہے۔

100 فیصدمتفق۔
جزاک اللہ۔ ورنہ میں شاید یہ کلام پہلی بار بھی نہ پڑھ پاتی۔

 

[نیرنگ خیال]

پڑھی ہوئی غزلیں پھر سے پڑھنے کا بھی اپنا ہی مزہ ہے۔

اور اگر یادداشت ہماری طرح کی ہے تو پھر ہر بار نئی غزل کا لطف الگ ہے۔

ہماری بات چوری کر لی۔۔۔

 

[محمداحمد]

ہماری بات چوری کر لی۔۔۔

بُری بات ہے۔ ادب ہمیں سکھاتا ہے کہ چوری کو "سرقہ" کہا جائے تاکہ ہر کوئی نہ سمجھ سکے۔

 

[نیرنگ خیال]

بُری بات ہے۔ ادب ہمیں سکھاتا ہے کہ چوری کو "سرقہ" کہا جائے تاکہ ہر کوئی نہ سمجھ سکے۔

ادب سے ہمارا تعلق واجبی سا ہے۔۔۔ میں نے استاد کے طور پر اسے کبھی تسلیم نہیں کیا۔۔۔۔

 

[محمداحمد]

ادب سے ہمارا تعلق واجبی سا ہے۔۔۔ میں نے استاد کے طور پر اسے کبھی تسلیم نہیں کیا۔۔۔ ۔

کیونکہ باقی سب آپ کو بطورِ اُستاد تسلیم کر چکے ہیں۔

 

[محمداحمد]

ہماری بات چوری کر لی۔۔۔

ویسے یہ بات آپ نے کہاں رکھی تھی۔ اور سنبھال کے کیوں نہیں رکھی؟؟؟؟

 

[نیرنگ خیال]

کیونکہ باقی سب آپ کو بطورِ اُستاد تسلیم کر چکے ہیں۔

اب آپ ہر بات میں آلکسی کا ذکر لائیں گے تو بحث تو ختم ہوجائے گی۔۔۔

 

[نیرنگ خیال]

ویسے یہ بات آپ نے کہاں رکھی تھی۔ اور سنبھال کے کیوں نہیں رکھی؟؟؟؟

"بہت چھپا کر رکھنے سے بھی چیز کبھی کھو جاتی ہے"

 

[محمداحمد]

"بہت چھپا کر رکھنے سے بھی چیز کبھی کھو جاتی ہے"

لیکن چیز کھو جانے کا یہ مطلب تو نہیں ہے کہ جو پہلا بندہ نظر آئے اُس پر الزام لگا دیا جائے۔

 

[نیرنگ خیال]

لیکن چیز کھو جانے کا یہ مطلب تو نہیں ہے کہ جو پہلا بندہ نظر آئے اُس پر الزام لگا دیا جائے۔

برآمدگی جہاں سے ہوگی۔۔۔ الزام وہیں لگے گا۔۔۔

 

[محمداحمد]

برآمدگی جہاں سے ہوگی۔۔۔ الزام وہیں لگے گا۔۔۔

طوطے سارے ایک جیسے ہوتے ہیں، لیکن ہر طوطا مٹھو نہیں ہوتا۔

 

[نیرنگ خیال]

طوطے سارے ایک جیسے ہوتے ہیں، لیکن ہر طوطا مٹھو نہیں ہوتا۔

اور جو مٹھو ہو وہ توتا بھی نہیں رہتا۔۔۔ میاں کہلاتا ہے۔۔

نوٹ: تمام دیگر محفلین کو بتایا جاتا ہے کہ احمد بھائی سے ہمارا مذاق چلتا رہتا ہے۔۔۔ کل کلاں کوئی ان مراسلات پر رائے قائم کرنے کی کوشش نہ کرے۔

 

[محمداحمد]

نوٹ: تمام دیگر محفلین کو بتایا جاتا ہے کہ احمد بھائی سے ہمارا مذاق چلتا رہتا ہے۔۔۔ کل کلاں کوئی ان مراسلات پر رائے قائم کرنے کی کوشش نہ کرے۔

وضاحت بھی کیا خوب چیز ہوتی ہے۔


ایک اخبار کے ایڈیٹر نے کسی بات پر ناراض ہو کر اپنے اخبار میں لکھ دیا کہ "اس شہر کے آدھے لوگ پاگل ہیں"۔

شہر والے کافی ناراض ہوئے۔ کافی لے دے ہوئی۔ پھر اخبار والوں نے کچھ ایسے تردید لگائی:

"شہر کے آدھے لوگ پاگل نہیں ہیں۔ "

 

[نیرنگ خیال]

وضاحت بھی کیا خوب چیز ہوتی ہے۔


ایک اخبار کے ایڈیٹر نے کسی بات پر ناراض ہو کر اپنے اخبار میں لکھ دیا کہ "اس شہر کے آدھے لوگ پاگل ہیں"۔

شہر والے کافی ناراض ہوئے۔ کافی لے دے ہوئی۔ پھر اخبار والوں نے کچھ ایسے تردید لگائی:

"شہر کے آدھے لوگ پاگل نہیں ہیں۔ "

میرا مقصود ہرگز وہ نہ تھا جو آپ نے سمجھا ہے۔۔۔۔

 

[شیزان]

عمدہ انتخاب