کیا غمِ جاں اور کیا غمِ جاناں سب کے محرمِ راز ہوئے

[زبیر مرزا]

کیا غمِ جاں اور کیا غمِ جاناں سب کے محرمِ راز ہوئے
اب مجبورِ نوا بھی نہیں ہیں اب تو پردہء ساز ہوئے

خوئے فراق ہی آڑے آئی آخر ہم مجبوروں کے
میل ملاپ پہ قادر جب سے آپ ایسے دم باز ہوئے

لازم ہے درویش کی خاطر پردہ دنیا داری کا
ورنہ ہم تو فقیر ہیں جب سے یار زمانہ ساز ہوئے

شعر و سخن، سامانِ جنوں کیا، کوہکنی درویشی کیا
قیدِ حیات میں درد کے مارے رہے تو حیلہ ساز ہوئے

آج غزل کی صورت میں جو آپ کے سامنے آئے ہوئے
کن جتنوں سے یہ خون کے قطرے اب تک پس انداز ہوئے

(مختارصدیقی)

 

[نیرنگ خیال]

کیا بات ہے جناب۔۔۔ کیا خوب انتخاب لائے ہیں آپ۔۔۔ اور نظر بھی عرصہ دراز بعد آئے ہیں۔۔۔۔ خاکسار کی جانب سے اس حسن انتخاب پر داد قبول کیجیے۔

 

[کاشفی]

خوب جناب!

 

[عمر سیف]

بہت خوب ۔۔

 

[مدیحہ گیلانی]

شعر و سخن، سامانِ جنوں کیا، کوہکنی درویشی کیا
قیدِ حیات میں درد کے مارے رہے تو حیلہ ساز ہوئے
خوبصورت واہ واہ !!
شراکت کا شکریہ زبیر بھائی