کیا نشاط آور ہے

[سید ذیشان]

کیا نشاط آور ہے ​

آج زندگی میری!​

رخ پہ گل ہر دم ہے​

گلستاں معطر ہے​

دلربا اس منظر میں​

کب کے بھول بیٹھے ہیں​

کیسے اس جا پہنچے ہیں​

کس طرح سفر کو ہم​

چار و ناچار نکلے تھے​

کس طرح قزاقوں نے​

زادِ راہ لوٹا تھا​

کیسے بے رخی سے ہم​

ماہتاب تکتے تھے​

یوں معلوم ہوتا تھا​

روشنی نہیں ہے یہ​

وقت ہم پہ خنداں ہے​

ہم کو یوں چِڑاتا ہے​

اپنی دل لگی کو وقت​

ڈھونگ سب رچاتا ہے​

دام ایسا پھیلایا​

وقت کے اس ساحر نے​

ہوشربا و بے خود​

سحر زدہ پنچھی ہے​

یا ہے کوئی پروانہ​

بس چراغ تکتا ہے​

ہر کوئی جو رہرو ہے​

مجھ سا رہرو ہے جو​

مطمئن و خندہ ہے​

مسحور و رقصاں ہے​

دھیرے کہتا رہتا ہے​

کیا نشاط آور ہے​

آج زندگی میری​

 

[الف عین]

اچھی کاوش ہے، پسند آئی۔

 

[سید ذیشان]

پسند کرنے کا شکریہ استاد محترم۔