پروین شاکر کیسے چھوڑیں اُسے تنہائی پر - پروین شاکر

[دل پاکستانی]

کیسے چھوڑیں اُسے تنہائی پر

حرف آتا ہے مسیحائی پر

اُس کی شہرت بھی تو پھیلی ہر سُو

پیار آنے لگا رُسوائی پر

ٹھہرتی ہی نہیں آنکھیں ، جاناں !

تیری تصویر کی زیبائی پر

رشک آیا ہے بہت حُسن کو بھی

قامتِ عشق کی رعنائی پر

سطح سے دیکھ کے اندازے لگیں

آنکھ جاتی نہیں گہرائی پر

ذکر آئے گا جہاں بھونروں کا

بات ہو گی مرے ہرجائی پر

خود کو خوشبو کے حوالے کر دیں

پُھول کی طرز پذیرائی پر

 

[کاشفی]

بہت خوب۔۔۔

 

[ایم اے راجا]

بہت کوب، شکریہ شیئر کرنے کا

 

[شاہ حسین]

بہت خوب جناب دل پاکستانی
اچھا انتخاب ہے ۔

 

[محمد وارث]

شکریہ سعد خوبصورت غزل شیئر کرنے کیلیے!