جوش کیوں صبح یوں عرق میں نہائے ہوئے ہو تم ( جوش ملِیح آبادی )

[طارق شاہ]

تجاہل عارفانہ ​

جوش ملِیح آبادی​

​

کیوں صبح یوں عرق میں نہائے ہوئے ہو تم ​

شاید کسی خلِش کے جگائے ہوئے ہو تم ​

​

اُلجھا ہُوا ہے کرب سے ہر رشتۂ نفس ​

گو دیکھنے میں زُلف بنائے ہوئے ہو تم​

​

جن مشغلوں سے کھیلتی رتی تھی کم سنی​

اُن مشغلوں سے ہاتھ اُٹھائے ہوئے ہو تم​

​

شاید یہ اہتمام ہو اخفائے راز کا ​

ہم جولِیوں سے آنکھ چُرائے ہوئے ہو تم ​

​

خود کو لیے دیئے ہو مگر کہہ رہے ہیں طَور ​

سِینے میں ایک حشر چھپائے ہوئے ہو تم​

​

کیا جوش نامُراد کو دیکھا ہے خواب میں ​

یوں صبح کو، جو شام بنائے ہوئے ہو تم ​

​

جوش ملِیح آبادی​

 

[طارق شاہ]

گیلانی صاحبہ
جناب قیصرانی اور حسان خان صاحب!

منتخبہ کلامِ جوش پر اظہار خیال کے لئے ممنون ہو
تشکّر
بہت خوش رہیں