کیویز بمقابلہ کینگروز؛ کرکٹ ورلڈ کپ فائنل 2015

[الف نظامی]

کرکٹ ورلڈ کپ فائنل (2015)

​

کل 29 مارچ کوملبورن کرکٹ گراونڈ میں کرکٹ ورلڈ کپ فائنل میں چوٹی کی دو ٹیمیں یعنی نیوزی لینڈ اور آسٹریلیا مدمقابل ہوں گی۔
میچ پاکستانی وقت کے مطابق صبح 8:30 بجے شروع ہوگا۔
آسٹریلیا اس سے قبل 4 مرتبہ ورلڈ کپ جیت چکا ہے جب کہ نیوزی لینڈ کی ٹیم پہلی مرتبہ ورلڈ کپ فائنل میں پہنچی ہے۔

نیوزی لینڈ:بیٹنگ کے شعبے میں کپتان برینڈن میک کولم، مارٹن گپٹل، گرانٹ ایلیٹ اور کورے اینڈرسن آسٹریلیا کے لئے خطرناک ثابت ہوسکتے ہیں جب کہ موجودہ ورلڈ کپ میں سب سے زیادہ وکٹیں حاصل کرنے والے ٹرینٹ بولٹ، ٹم ساؤتھی اور ڈینئل ویٹوری پر نیوزی لینڈ کا زیادہ انحصار ہے۔
دوسری جانب آسٹریلیا بھی پانچویں بار ورلڈ چیمپئن بننے کی خواہش لے کر کیویز پر پوری طاقت سے جھپٹے گا اور اگر میگا ایونٹ میں شاندار کارکردگی دکھانے والے اسٹیون اسمتھ، گلین میکس ویل اور شین واٹسن کا بیٹ چل گیا تو وہ کیوی بالروں کی ناک میں دم کرسکتے ہیں جب کہ بولنگ کے شعبے میں مچل اسٹارک، مچل جانسن اور جوش ہیزل ووڈ وکٹیں لینے میں کامیاب ہوجاتے ہیں تو کیویز کی مضبوط بیٹنگ لائن کو بھی اکھاڑ سکتے ہیں۔ (ماخذ:-روزنامہ ایکسپریس)

اگر دونوں ٹیموں کے اب تک کھیلے گئے باہمی ایک روزہ مقابلوں پر نگاہ دوڑائیں تو مجموعی طور پر آسٹریلیا کا غلبہ نظر آتا ہے۔ آسٹریلیا اور نیوزی لینڈ کے مابین اب تک 126 ایک روزہ بین الاقوامی مقابلے کھیلے جاچکے ہیں جن میں سے 85 میں آسٹریلیا کو فتح نصیب ہوئی جبکہ نیوزی لینڈ صرف 35 مقابلوں میں ہی کامیابی حاصل کرسکا۔ یوں آسٹریلیا کی فتوحات کی شرح 67 فیصد ہے جو ظاہر کرتا ہے کہ آسٹریلیا باہمی ایک روزہ مقابلوں کی 41 سالہ تاریخ میں زیادہ تر نیوزی لینڈ پر حاوی رہا ہے۔(ماخذ:-کرک نامہ ڈاٹ کام)

میری ہمدردیاں نیوزی لینڈ کےساتھ ہیں کہ وہ کرکٹ ورلڈ کپ 2015 کی فاتح بنے لیکن ظاہر ہے کہ جو ٹیم زیادہ محنت کرے گی وہی جیتے گی
اب باری ہے آپ کی، بتائیے کہ آپ کی فیورٹ ٹیم کون سی ہے اور تجزیہ کیا کہتا ہے کہ کون سی ٹیم جیتے گی؟

 

[arifkarim]

چوٹی

نیوزی لینڈ تو اسی ورلڈ کپ میں چوٹی پر نظر آئی ہے

اب باری ہے آپ کی، بتائیے کہ آپ کی فیورٹ ٹیم کون سی ہے اور تجزیہ کیا کہتا ہے کہ کون سی ٹیم جیتے گی؟

میری فیورٹ ٹیم جنوبی افریقہ تھی جو کہ اب فائنل سے باہر ہو چکی ہے

 

[حسیب]

کیویز بمقابلہ پروٹیز نہیں بلکہ کیویز بمقابلہ کینگروز
پروٹیز جنوبی افریقہ کو کہتے ہیں

 

[عثمان]

پچھلے بیشتر ورلڈکپ فائنل کی مانند یہ فائنل یک طرفہ نہ ہو۔

 

[الف نظامی]

کیوبز بمقابلہ پروٹیز نہیں بلکہ کیوبز بمقابلہ کینگروز
پروٹیز جنوبی افریقہ کو کہتے ہیں

شکریہ ،تصحیح کردی ہے۔

 

[حسیب]

کچھ دلچسپ باتیں
1996 کے ورلڈ کپ فائنل میں سری لنکا کی طرف سے کھیلنے والے کمار دھرما سینا کل بطور امپائر میچ سپروائز کریں گے
2008 میں آسٹریلیا کی طرف سے ڈیبیو کرنے والے لیوک رونچی کل آسٹریلیا کے خلاف ہی فائنل میں کھیلتے نظر آئیں گے

 

[الف نظامی]

نیوزی لینڈ 33/2 (11.2 اوورز)

 

[الف نظامی]

نیوزی لینڈ 39/3 (12.2 اوورز)

 

[arifkarim]

پچھلے بیشتر ورلڈکپ فائنل کی مانند یہ فائنل یک طرفہ نہ ہو۔

1999 پاکستان-آسٹریلیا فائنل کی تاریخ دہرائی جا رہی ہے۔

 

[الف نظامی]

نیوزی لینڈ 83/3 (22.4 اوورز)

 

[الف نظامی]

نیوزی لینڈ 116/3 (28.1 اوورز)
گرانٹ ایلیٹ 50رنز پر
اور
راس ٹیلر 30 رنز
پرکھیل رہے ہیں۔

 

[arifkarim]

انتہائی ناقص بیٹنگ کارکردگی ہے نیوزی لینڈ کی۔ آسٹریلیا کیساتھ سابقہ پڑاؤ میں بھی پوری ٹیم 150 پر ڈھیر ہو گئی تھی۔

 

[تجمل حسین]

لیجئے نیوزی لینڈ 183 رنز پر ہی ڈھیر ہوگئی۔ 45 اوورز۔

 

[عبدالحسیب]

اور ایک مرتبہ پھر کپ آسٹریلیا کاہوتا نظر آرہا ہے۔

 

[الف نظامی]

آسڑیلیا 63/2 (12.2 اوورز)

 

[تجمل حسین]

لیجئے آسٹریلیا پھر بازی لے گیا ہے۔

 

[عبدالقیوم چوہدری]

شاباش مائیکل کلارک۔
ورلڈ کپ مبارک ہو۔ براہ مہربانی اب آسٹریلیا میں کنٹینر پر نہ چڑھ جانا

 

[عبدالحسیب]

آسٹریلیا کا بہترین کھیل۔

 

[عثمان]

اور وہی ہوا جس کی توقع تھی۔

 

[الف نظامی]

اور آسٹریلیا نے5 ویں مرتبہ کرکٹ ورلڈ کپ جیت لیا۔